Во недела, премиерно на Сител
Конечно го знаеме датумот на премиерата на македонската серија "Од денес за утре". Во
недела во
19:30 на
Сител телевизија погледнете ја првата епизода од вкупно 16-те. Денеска се одржа промоцијата на оваа серија, дознавме дека истата има и своја веб страна каде можете да се информирате за сите детали околу неа, а во продолжение прочитајте го извештајот кој е објавен денеска на нивната оофицијална веб страна.
Oфицијален Сајт -
oddeneszautre.mk
Гледачите ќе имаат можност да се запознаат со секојдневните случки на семејството на Томче Броз низ 720 минути финално прoдуциран материјал спакуван во 16 епизоди, што е еднакво на 8 играни филмови. Од трети октомври започнува емитувањето на играната серија „Од денес за утре“ на фрекфенцијата на Сител телевизија. Епизодите премиерно ќе се емитуваат во недела во 19,30 часот, а гледачите ќе можат да ги погледнат и репризите во термините за реприза. Во сабота на
2 Октомври, во
19:30 часот на
Сител телевизија, ќе биде емитувана
специјална емисија посветена на подготовките и текот на продукцијата на ТВ Серијата. Снимени се вкупно 720 минути финално продуциран материјал спакуван во 16 епизоди што е еднакво на 8 играни филмови, во кои тематска основа е животот на просечното македонско семејство од средната класа. Семејството на Томче Броз, кој го толкува актерот Сенко Велинов, а во кое под ист покрив живеат неколку генерации се соочува со многубројни случки и предизвици од секојдневието, гледано низ духовита призма. Играната серија „Од денес за утре“ е прва серија која по подолг временски период се сними во Македонија и е работена по највисоките телевизиски стандарди. Изразувајќи задоволство од успешното заокружување на серијата, режисерот на серијата Иво Лауренчиќ истакна: „Иако започнувањето на еден ваков проект беше навистина ентузијастички чин, се работи за квалитетен проект, за чија реализација потребна беше и сериозна поддршка. Ние верувавме дека квалитетните идеи секогаш наоѓаат на разбирање и поддршка од бизнис заедницата, што се покажа како добра проценка. Се надевам дека ќе можеме и во иднина да реализираме ваков проект, па можно е да снимиме и продолжение на серијата, се разбира доколку и се допаднеме на публиката“. изјави Лауренчиќ, кој исто така најави можност за емитување на серијата во земјите од регионот. Серијата се реализира со поддршка од Cosmo – Тинекс, Комерцијална банка, Прима мебел, Ладна Вода, Порше, Гранд Кафе, Фруктал, Винчини, Алкалоид, Сиситина, Кроација Осигурување, Техномаркет, Мекдоналдс, Ресторан – Далма и Спортлајф. Од снимањето на новата серија „Од денес за утре“ своето задоволство го искажа и актерската екипа, која подолг период на стагнација на домашната играна продукција, доби можност да учествува во еден ваков проект. Покрај Сенко Велинов, во серијата играат актерите Билјана Беличанец Алексиќ, Ленче Делова, Диме Илиев, Ѕвезда Ангеловска, Митко С. Апостоловски, Јовица Михајловски, Јасмина Поповска, Ана Стојановска, Влатко Илиевски, специјалните гости дебитанти - малиот генијалец Марко Чаласан и кинеската Шуинг Донг, како и други актери гости од македонското глумиште. Гледачите ќе можат своите впечатоци, кометари, критики и пофалби да ги искажат на веб-страницата на серијата
www.oddeneszautre.com.mk и на Facebook-профилот oddeneszautre.
„Од денес за утре“, беше работено според сценарио на познатиот македонски драматург Братислав Димитров и легендарниот сценарист од бившите југословенски простори Предраг Перишиќ. Режијата е на Иво Лауренчиќ, а музиката на познатиот македонски композитор и пејач Ристо Самарџиев. На сцанографијата работеше Снежана Поњавиќ Муча, а костимите се не познатата кореографка Розе Трајчевска. Првата клапа на серијата падна во мај годинава. Поголемиот дел од серијата е снимен студиски во Скопје, а остатокот на неколку локации во Македонија. Серијата е во копродукција на „Идеа Плус комуникации“ и Сител телевизија.
)
