Новогодишна одлука '09 (New Year's Resolution)

[Serpico]

Веќе трета година по ред, ја отворам темава која знае да биде интересна за размислување, тешка за коментирање или лесна за мотивација. Новогодишната одлука како една западна традиција може да послужи како добро место за сума-сумарум на зацртаните и реализираните планови, неочекуваните случувања кои испровоцирале неочекувани промени во вашиот живот, мотив за реализација на неоствареното, анализа на пристапот и евентуална промена.

Еве ја темата од минатата година. Оние кои коментирале, би сакал да ги видам со коментар и тука, информација за личниот успех (реализирани зацртани работи) или "неуспех" кој само ќе ги мотивира она што ќе го напишат на оваа тема да го реализираат во наредните 365 денови кои ќе ги броиме од 1-ви јануари 2009-та година. Сите останати, верувам дека веќе осознавте која е идејата на темава, па може да почнеме.

Сумирање на планираното и (не)реализирано во оваа година.
Список на вашите одлуки за наредната година.

Како по обичај, една песничка да ве мотивира:


A jaс може да почнам, иако не сум пишал на минатата тема дефинитивен список со одлуки:

Убава година, 2008-ма. Неколку настани беа особено значајни за мене. Еден од најмаркантните беше организирањето на протест против менување на уставното име, иницијатива која започна на овој форум и иницираше или подобро речено ја продолжи во контиунитет борбата за поголема самосвест на младиот човек во однос на сфаќање на обврските и придонесот кој треба да го даде према својата татковина.

Од образовен аспект, релативно успешна година. Без багаж влегувам во новата во која веќе во февруари ќе станам апсолвент на Архитектонски. Љубов и секс: значајни случувања во првиот и вториот квартал Дури, една одлука од одамна, конечно ја реализирав. Ако составував список на одлуки, таа дефинитивно ќе беше. Нејсе, бидна.

Задоволен сум горе долу од себе, од аспект на созревањето, прифаќањето на поголема одговорност и реализирање на "потенцијалот" со кој располагам за целите за кои се залагам.

И сега, резолуцијата Serpico09>
1. Да ја завршам 2009-та со максимум 2 испити до дипломирање. Секоја помала бројка ќе е причина за славје
2. Да продолжам со "борбата" и да не губам верба во способноста на младината да размислува со своја глава, да верува и да се труди, да научи како, да поддржува и иницира, да докаже дека е достојна да ја превземе Македонија на свој грб, не како наследство од родителите туку како позајмица од своите поколенија.
3. И во наредната година да пиеме пивце или кафе, да кркаме пилечи прсти или да шмркаме салеп и турско чајче со Рајмз и Кварк, со Урим иако се заебаваме на форум да се сакаме и понатака на емоционално интелигентно ниво. Да покажеме почит, да покажеме разбирање, да покажеме достојност за живеење под исто небо. Хипи идеја, ама ја обожавам и ќе работам за неа.
4. И Зеко и Трнот да ми се пријатели. Нив ги земам и како фактички личности, но и како метафора. Секој да го ценам со своите доблести и мани, со секој да функционирам на начин кој нема да го повреди моето inner sence, со секој да најдеме заеднички "интерес" што нема да е тешко, бидејќи сите меѓу себе сме слични. А истакнувањето на приоритетите ја прави разликата. Но, се е премостливо.

Да не должам премногу...сакам да бидам подобар син, уште подобар брат, најдобар другар, да чувам и ширам љубов и толеранција, разбирање и поддршка. Да ви служам подобро како администратор, да банирам помалку бугари ,да бидам добар уредник на порталот и да придонесувам со идеи и реализации на постојните, да прочитам повеќе книги, да ја слушнам музиката во мене и да не ја чувам себично во себе...

Вие сте на ред.

А јас ве оставам со една песна, која ја слушав ланска година. Не сакам и наредната.

 

[Тикви4ка]

Пош лани немав ништо пишано...
ке си кажам што ми е цел за во 09......
Да исчистам втора.. се со ред.... и конечно да почнам да учам со време а не 5 до 12...
И кооонечно да престанам да се зафркавам со љубовта, да не си праам екскурзии со паметот и да останам вака заљубена... без да применувам некои ифкс идеи.....
тоа ми падна на памет во моментов... али ке го ревидирам

 

[Бавча]

Ах, 2008 ми помина буквално во сите аспекти најпозитивно што може, освен на љубовен план (сјебали сме се ко бајага - шарам, барам, ова она )

E cea...
Сакам да ме држи и да ми остане разумот на ниво со што автоматски ќе се грижам за себе и за другите...и се по список : до мај, јуни најкасно, да дипломирам! (па здравје и работа)..
Да шитнам некоја тракица (и што побрзо да излезат вст плагини за 64 битни процесори зошто не можам веќе) дај боже да си купам и мониторки асални Да ме слушаат и почитуваат моите, со кои што моментално не сум на некоја иста бранова должина :raz: да се запознаам со сите кајганџии....да има мир во светот и да нема гладни усти, и како што ќе бидам јас среќен и задоволен така и сите (сонувам од мал за една таква хармонија и секоја година се тешам дека оваа е правата - се надевам дека ќе ми се исполни!)...а да, конечно се надевам дека ја најдов вистинската личност (поише она мене ме најде уствари), па уште ако не е, аман више пукнаф! Значи писателот сака да каже дека сака се да му "лизга" годинава ко шо треба!

Ај еве и од мене мала пажња (ака "свака част" моменат)


Пусаааа
Бок

 

[Crazy in Love]

Оваа година ми беше малку хаотична дефинитвно. Почна некако чудно, после тоа дојде февруари, кој не знам како го издржав, но сепак се провеаја и некои убави работи, особено простестите за името, и самата Кајгана. Наредните месеци ми беа стагнација, онака немав некои посебни случувања, не ми беше ни добро, ни лошо, туку онака неутрално. Потоа на почеток на летото, дознав нешто што не го очекував,што не верував дека некогаш ќе се случи, ме шокираше и беше прилично тежок период за целата фамилија. Сега (пу пу да чукнам во дрво) некако е помирно, се средуваат работите и се надевам деќа се средат комплетно. Летото ми беше едно од најдосадните исто така. Јас лично годинава бев пасивна, некои работи се променија, јас малце сум во некој неодреден период, хаос ми беше на личен, психички план, самодоверба and stuff. Сега последниов месец дена е се ок, се стабилизирав, немам толку промени во расположение, стабилна сум малку. Љубов... не знам, не сакам да зборам на таа тема, иако на тој план, работите тргнаа на добро, нешто се придвижува, ама рано е да кажам дали ќе прерасне во љубов. Убаво ми е, ама имам некој проклет страв да не бидам повредена, па не можам да се опуштам. Образование, како и секогаш - солидно, исчистив година уште во јуни, сега исто се си положив. Ништо ново на запад. Барем тоа ми оди секогаш од рака.

Не знам, искрено, годинава можеше да ми биде поубава. Затоа сега со оптимизам гледам и очекувам повеќе од наредната, затоа што оваа... повеќе доминираа не толку убавите работи. Башка една од подобрите работи беа дружената, кафињата со сите луѓе кои ми се драги.

А знам дека една од работите кои се ги ветив минатата година беше повеќе самодоверба, односно дека ќе работам повеќе на тоа, и некако успева. Барем последниве 2 -3 недели, се осеќам..поубаво во поглед на вербата во сама себе.

А за наредната година:

- Да бидам поотворена и поопуштена, да не бидам толку стегната.
- Да засакам и да ме засакаат
- ЗДРАВЈЕ
- Средени фамилијарни односи
- Да не се откажувам од тоа што го сакам, да бидам поупорна
- Да работам на било кој начин да придонесам за земјава, ако можам

 

[Zaphod Beeblebrox]

Кратко јасно

- Успешно да завршам прва година на факултет
- Конечно да се скрасам и јас со постојана девојка
- Да ги слушам старците
- Да пишувам повеќе на Кајгана форум
- Да почнам со некоја физичка активност

Сеа за сеа тоа се сетив што ми е приоритет. Не е тешко за исполнување па затоа мислам е реалност следна година на иста ваква тема да кажам- Да ги исполнив сите мои зацртани работи!!!

 

[rossonerka]

Задоволна сум од себе и од тоа што постигнав оваа 2008ма година. Стабилна година без некои големи подеми и падови. На приватен план сум задоволна. Дома немав некои посебни караници, освен може дада ми повеќе да ме слуша треба али ај тоа во оваа 2009та . На љубовен план задоволна и исполнета. На моменти ми се спојуваа жичките во главава али сепак се е во најдобар ред. Во образованиот процес е перфектно. Дипломирав на правен факултет и си се запишав постдипломски по деловно право. На тоа поле си немам проблеми. Си исполнив неколку желби и она што посебно ме исполнуваше годинава беа патувањата. Ме исполнуваат максимално, а ги имаше во 2008ма доволно. Си го исполнив и сонот посета на Милано и Сан Сиро.

А цели за 2009та:
- здравје како најбитно и сопствено и на моите најблиски,
- да си завршам оваа година специјализација и да си почнам магистратура,
- да си се вработам,
- да прошетам уште малку низ светов,
- да има доволно љубов и
- доволно среќа.

 

[SV-Strange]

Имаше многу малку фини моменти, а таква година како што поминав јас нејќам на никој да му се случи, никој нејќам да искуси такви работи. Од лошо - полошо, али сепак жив сум, здрав - не, али ќе се опраам со време.

Демек по утрото се знаел денот, така и почетокот на годинава беше солиден, со фина работа, па уште поарна работа си најдов и конечно во еден момент си помислив: "Фала Богу и кај мене еднаш на фино да тргнат работите".

Наеднаш нешто се случи.. таман е муабетот за животот и тркалото од пони, или партизански точак, свеједно:
- бркање од работа
- потреба за една операција и еден куп пари потрошениа, сепак на крајот операцијата испадна дека неможе да се оствари (да ти ебам здравството);
- смртен случај после тешки маки кои ги истрпе баба ми, воедно и ние дома;
- нова потреба и правење операција на мене на главата, демек едноставно беше а ептен се искомплицираа работите, тоа чудото можело голема беља да направи и на коската, па.. покрај големите компликации некако (ваљда) се среди тој проблем;

"Можеби сево ова е и некој тест, можеби животот те спрема да си посилен понатаму" - кажа другар ми.

За во 2009тa година имам само желба, а тоа е само здравје, за работа и пари некако ќе се снајдеме, а ако го укинат визниот режим пред да ми излезат документите, одма одам за Холандија и око не ми трепнува, оти од тука.. мајќе ми ништо не бива.

Сепак, животот е убав.

 

[girlll]

гирллл09 -
- Да се селам за Кипар според еден план започнат оваа година..
- Да одам летоска во Америка исто според план започнат оваа година..
- Да бидам здрава и жива
- Да научам да се задржувам покрај луѓе што стварно го заслужуваат моето внимание и да научам да ги ценам вистинските другари како такви..
- Да уживам уште повеќе во животот и тоа важи барем до 2012та млада сум имам време..
- Да не влагам во многу сериозни врски или нешто.. Ми помина тој дел има време за продолжение..
- Да завршам 3та со подобар успех од лани и се знае без полагање оваа година..
- Да работам ова лето конечно нешто сезонски..

.. Доволно е!

 

[Oblivion]

Резиме на 2008... Еми годината.... Имаше некои добри а и некои лоши работи кои ми се случуваа, на моменти бев многу пасивен за тоа што се случуваше околу мене а "во" мене, недели/месец ми поминуваа само со излежување дома и никаква активност и едноставно погрешно потрошено време (нешто за што ке пробам во 2009 да сум поактивен), но сепак може да ја затворам како позитивна (така треба да гледаме на животот, нели?).

За 2009, како главни цели ми се:
-Да научам FL Studio и тоа што го имам зацртено во глава да го пренесам на компјутерот. Се обидувам веке цела недела ама цело време некако од прогресив, звуците ми бегат на псај.. Ама нека е, сеуште е рано, има уште многу да научам. Ако може до кај почетокот летото да направам нешто посериозно би било супер...
-Да се запишам на тој факултет каде што сакам, и конечно од дома да се ослободат од тие стереотипи дека би било грешка ако не одам според нивните вкусови, и дека сум мал и незнам ништо за животот. Па луѓе ако не биде ништо со тој факултет, во секое време можам да ве задоволам со одење на друг, не ми е тоа некој проблем...
-Да уживам повеке во животот, не дека во 08 не уживав ама сепак можев уште повеке..
-Да не се замарам за некои глупи и едноставни работи за кои не вреди да се замарам.. (реченицата ми е ..., нели?)
-Да зберам храброст да и кажам нешто на едно девојче (иако знам и во двата случаи нема што да загубам, сепак мислам дека одиме накај позитивната страна, за 2-3 недели можно е да се деси нешто:kesa.

Сега за сега, доста толку..

 

[RockLady]

..2008 ...хммм..убаа година...да....ама и многу тешка...пуф кога ќе ми текне...нејчем веќе така...ама и прекрасни моменти!! Камо никогаш да не завршеа!

...Цели за 2009..хмм има мнооооОООооогу ..ама ајде некои да наведам
- Да ја смалим килажава!!
- Да имам одличен просек во школијана пуста
- Да одам во Србија =)
- Да прекинем да нервирам луѓево околу мене
- Да одам на одмор со друштвоото у Охридо!
- Да прекинем со тоа мое чутење..да кажуем се што мислам!!
- и мн. други работи..кои моментално не ми екнуваат =)

 

[Emma]

Минатата година наебав неколку пати, грда беше и кучка, затоа лажам дека не се сеќавам на неа, иако летото, конкретно јуни-то 2007 беше вредно за иксче во календарот. Убави моменти, тогаш и не толку посебни, ама да не беше денешниов распоред на нештата, немаше да ги памтам. Зашто, ни на крајот на паметот не ми било дека токму тие моменти биле зачеток на уште поубави, кои сега можам слободно да ги наречам и дел од најубавите во животов.

2008, калакурница. Не идам по ред, али вака некако... Ми донесе некои од најболните чувства што воопшто постојат, и се` ми се чини успеа да ми убие се` во мене, во неколку наврати. Јебешме, дадов да паднам, да се скршам, сол да се напрам. ОК, среди Дрвофиксот работа. Повредив луѓе, изневерив, загубив, заборавив, обвинував непотребно, избркав доста... Бркав, бркав, и бркав, и сега е редно време да пуштам некој испод површината, рецимо. Се смеев многу, плачев, се дерев, се фолирав, билдав трпение, кенкав, се лигавев, пиздев кога некој не правеше разлика меѓу "Кики сега си игра" и "Кики е сега искрена и отворена", пеев, играв, бегав од часови, пцуев, солев памет, трескав врати, јадев што и како сакав, се курчев повеќе него што можам, и така.

Го имав најубавото лето до сега, иако поминав вечери и вечери во неспиење, алкохол, седенки до мугри и узурпирање на мирот на комшиите, несудени изгрејсонца сепак; смрзнување на пристаништа и слични клошарски дисциплини кога ќе ми скурчеше од препич, како и лудо проведени журки кои неизбежно биле крунисани со бурек во рани зори. Се расправав со трезнење, аптеки, изгореници од сонце и модрици од на количките, кај што неколу пати бев спречена да се степам, даље, отепани денови пуни тишина, вода и бубачки од секое ќоше, и убави попладниња во не-дамско седење и многу пиво. И "не пиј толку ќе ти се моча после" предавања, кои никој не ги слушаше. И после ја лошата. :icon_conf

Уште јадам живи шпагети. Уште мразам Кока Кола, уште ја мразам Мадона, Коељо исто така, и уште немам гледано Саут Парк. Ниска сум, не знам да играм икс нула, и не можам да се качам од вода на педалинка. Порното е сасвим ок, а ја треба да научам да готвам, и да се помирам со тоа дека малку фалеше да поебем ногата, примав инфузија, и се истрескав од земја пред едно два месеца пошто мислев дека светот ќе го снема. Хааааа ха ха. :tv: Купче несовршености, од алката на глуждот, до фронцлата на глава што саат време не можам да ја смачкам и лета, и лета... Одлуки... Една е. И не ја пишувам.

 

[TpH_Bo_OkO]

Пошто лани не напишав ништо, нема да напишам ни оваа. Причината е: Ништо не испаѓа според планираното.

Се што правам, правам во real-time.

Големите очекувања носат големи разочарувања.

 

[Desire]

Ај да ја резимирам 2008:
Значи,ова ми беше многу ненормална година,се случуваа се некои глупости,ретко што ми идеше од рака,претежно се разочарувања.
Започна уште вечерта со караници,напнувања,ама и смеење на велико,дружба-ако може да се нарече така,и having a good time.
У првите два месеца доживеав шок-и ова ако може да се нарече шок.Дознав дека нешто што траело скоро 7 години било само еден обичен прозвод на лаги,лицемерие,љубомора и што ти уште не.
Здравјето ми се поремети уште од одма,по што следеше еден бааѓи глупав период од секојдневен надзор на мајка ми.
Потоа следеше еден од поубавите периоди годинава,период на забавување,созревање,променување на многу делчиња од целината наречена јас,уживање во вистината и свртената страница.
Следен беше периодот на психопатите,значи секојдневно се појавуваше по некој лудак/лудача,со што нервите ми кипеа,некогаш се газеа од смеење,важно памет за друг пат си добив.
Најнајстан што ми ја обележа 2008 дефинитивно беше концертот од моите сништа, ама она апла од сништата,два бенда у еден ден,и тоа двата најомилени.Значи,ми се оствари најголемата животна желба,си ја чув и мојата песна у живо од нив,и плус прв концерт у странство,и секако беше проследен со многу ненормални случувања таму,типично за мене и за годинава што пројде
Потоа следеше еден празен период,многу празен,немав цел у животот,ништо не се дешаваше,буквално беше празно и монотоно,секој ден ист.
Наредно,се појде у школо,па спомени ово оно,почнав многу слабо,емоционални падови доживеав,депресии секој месец,нервози,конфликти по дома.Добро не беше до толку лошо,се случуваа и секојдневни глупости,школски глупости,иако не се сеќавам баш.
Последниов период искрено,не знам ни дали ми е лош ни дали ми е добар,се дешаваат глупости по дома,фамилијарни несогласувања има многу,мрза ме фатила сериозна,ама па од другата страна,на друштвено поле е нормално,на музикалното поле у дилема сум,ама подобро у дилема одколку концерт да нема (со рима ова )
Љубовното поле у поглед на цела година не го коментирам,само ќе кажам се надевам нареднава година ќе биде поприземно,без толку залетувања у надворешен изглед,без избрзувања и позрели одлуки.

Се на се,колку што изнаучив годинава лекции,у цел живот немало толку,од што се случуваа секојдневно ненормални работи,се правеа неверојатни постапки,како исправни така и погрешни,се превземаа големи ризици,особено летото,имаше многу падови како и високи достигнувања.У поглед на поучност,плодна година.

За 2009 не планирам ништо,зошто по правило ниеден план не ми се остварува,само едно нешто ќе кажам што се надевам дека ќе го осварам годинава,а тоа е дека се надевам ќе успеам да си остварам барем уште една од животните желби,ако може две ондак две,мада не зависи тоа од мене.И повеќе ќе штедам

 

[new_yorker]

нешто што го планирам наредната година е дефинитивно одење на одмор со друштвотоо... и одење на супер техно-журките во охридд
и појке да учам...и конечно дда имам подолга врска од 2 недели
и и и то... незнам.... не ми текнува друго... сакам наредната година да ми биди парти година.... :baeh:

 

[BiG_kIsS]

2008 ми беше се’ на се’ добра... Иако можеше да биде многу многу подобра... Како и секогаш нели... Немав некои список лани на работи што сакам да ги постигнам, али ми се исполнија неколку желби, бев на неколку патувања... Со школо беше супер, се надевам така и ќе заврши оваа година... На љубовен план беше... Па, променливо... Се случија и 2 лоши работи и многу ми е жал за тоа... Направив и неколку глупости кои се надевам нема веќе да ги повторам... Дома се случија некои промени, ама мислам дека сепак подобро е така...

За 2009 се надевам дека ќе матурирам и тоа со повисоки оценки Па и дека ќе се запишам каде што сакам и дека ќе ми тргне добро... И се надевам дека ќе ми се подобри ситуацијата на љубовен план... И дека ќе ми се среди тироидната жлезда (со надеж пред матура)... И се надевам што побрзо ќе се средат работите што висат во воздух... А иначе сакам да бидам малку порешителна, да не бидам толку мрзлива, да бидам поупорна и да не се откажувам лесно за некои работи, да си посветувам повеќе време себе си, да имам помалку депресивни моменти, да се смеам повеќе, да гледам позитивно на работите, да бидам повеќе оптимист, да не се разочарувам лесно, да не се плашам од тоа да бидам повредена, да ризикувам повеќе (зашто иначе нема да напредувам) и, да ослабам И не би сакала да се случат уште 2 лоши работи, ама тоа е тоа, се додека нив им е добро... И сакам нареднава година да посетам уште многу други градови... И да почнам со некој спорт што ќе можам да напредувам без некој да е љубоморен и да пробува само да ме уназади (ако воопшто постои таков)...

Многу сакам, знам Треба да се сменам како личност многу... Не дека вака не си се сакам ама знам дека можам да бидам подобра... Незнам колку ќе успеам ама ќе се потрудам колку што можам...