Ќе се обидам да дадам што е можно поконкретна оценка за Е71.
Уште на почетокот да расчистиме неколку работи. Е71 е телефон наменет за деловни луѓе што се во постојано движење, и не треба од него да се очекуваат спектактли од областа на мултимедијалните способности. Не, дека мултимедијалната страна му е слаба точка, напротив, самиот телефон може да ви ги заврши истите работи како било која машина од N серијата на Нокиа, само не со таа брзина, а можеби не и со тој квалитет. Како типичен пример ќе ја земам камерата. Е71 има стандардна CMOS сензор од 3,2 мегапиксели со ауто фокус, но квалитетот на тие 3,2 мегапиксели не се ни најмалку на рамништето на било кој телефон од N серијата. Во Е71 камерата е наменета за фотографирање на моменти кои евентуално би се чувале само во електронска форма (слика) , бидејќи квалитетот на боите и експозицијата се просечни. Значи со камерата расчистивме, Е71 има камера со просечни перформанси.
Софтвер. Фабрички телефонот е наполнет со сите апликации што му се потребни на еден канцелариски работник за да заврши елементрна задача додека не е пред компјутерот во канцеларија. Значи, има солиден е-маил клиент, Офис апликација која отвара и едитира офис датотеки (.doc; .xls; .ppt; .pdf и уште неколку што лично јас не ги користам), веб прелистувачот кој што фабрички доаѓа со самиот Е71 е одличен и јас го користам многу повеќе одколку било кој прелистувач што се нуди за овој телефон. Можете комотно да отворите youtube, и тоа десктоп верзијата, а не онаа осакатената за мобилни и да гледате клипови на целиот екран од телефонот. Да, како што претпоставивте телефонот има флеш поддршка во самиот веб прелистувач и истат функционира беспрекорно.
ГПС. Јас користам 3 гпс софтвери. Nokia Maps 2.0, Garmin XT 5.00, Google Maps (незнам која верзија). Сите три работат одлично во однос на воспоставување на контакт и комуникација со сателитите, но сите три не даваат подеднаков квалитет на услугата.
Nokia Maps 2.0 има многу едноставни и осакатени мапи од Македонија во споредба со мапите од верзијата на истиот софтвер 1.5, значи имате само транзитна мапа од Македонија со сите главни автопатишта. И толку. Нема населби во Скопје, нема улички нема ништо. Зашто е тоа така незнам, а уште повеќе незнам зашто еден производител на софтвер во поновата верзија на софтвер наместо надградба на мапите го нуди сосема спротивното, нуди ништо.Инаку Nokia Maps може да користи било која мапа од светот, која во телефонот се внесува преку Nokia Maps Loader, и истите после инсталацијата во телефонот ги користите без никаква конекција со интернет.
Garmin XT 5.00 e правата kick ass апликација за ГПС која можете да ја користите на било кој Symbian S60 телефон. Да, Garmin XT 5.00 доаѓа со детална Adria Route мапа, во која се содржат мапите на Хрватска, Словенија, Македонија, Србија и Босна и Херцеговина. Македонија е застапена со детални мапи на 8 поголеми градови, Скопје, Кочани, Гевгелија, Берово, Струмица и тн. Кога велам застапена мислам на улична навигација на речиси сите улици во тие 8 градови, што значи буквално можете да му кажете на Garmin XT 5.00 дека сакате да одите од Ново Лисиче до некоја улица во Струмица, или населба Карпош во Скопје и навигацијата започнува. Значи за сите оние идиоти што упорно тврдат дека во Македонија нема ГПС заради Х причини, еве доказ дека има и работи ТОП.
Google Earth. Ја игра истата улога како и на десктоп верзијата, но за користење ќе ви треба интернет конекција со операторот (GPRS, EDGE, 3G) бидејќи самата апликација не содржи мапи. Поврзувањето со сателити е доста брзо 30-50 секунди и самиот софтвер работи доста глатко и брзо.
Брзина. Телефонот во однос на хардверски перформанси е доста добро спастрен. Не навлегувам во брзина на процесор РОМ меморија и сл, бидејќи истите ќе си ги најдете на некој сајт, генерално можам да кажам дека телефонот солидно ги извршува сите операции што од него се очекуваат.
Бидејќи содржи комплетна QWERTY тастатура, тоа барем мене ми е одлична предност кај Е71. Јас ја користам тастатурата максимално. Значи телефонот го користам за да напишам е-маил со повеќе од 5 збора (што е случај кај повеќето емаил пораки што јас сум ги добил од мобилни телефони) т.е. да го користите како замена за вашиот десктоп или лаптоп компјутер кога за тоа имате потреба. За пишување СМС пораки не би додал ништо освен тоа дека кога ќе почнете да пишувате СМС на овој телефон, едноставно се заборавате, и повеќето СМС пораки ви се големи колку стандардни 4-5 СМС пораки, затоа што едноставно неможете а да не престанете да пишувате....
На крај би додал дека Е71 е телефон за сите оние што се зависни од интернет, е-маил, личен календар или организатор и сл. Телефонот е солиден пријател за секој оној деловен или обичен човек кој сериозно ги користи горе наведените работи.
Ова беше само една мала рецензија од мене, па сега ако некој има нешто да додаде нека повели ако некој има нешто да праша нека пише и така.
Поздрав кајганџии се читаме наскоро пак...
