Газење, доминација, моќ!!!
Со овие зборови можам да ги опишам Спарси. Со ваква игра не гледам кој би можел да застане на патот до титулата, но рака на срце ретки се ваквите мечеви кога буквално оди се.
Тими и на 37 години им држи лекции на центрите на Лејкерс, Тони е лидер и тоа го потврдува на секој меч, Ману е тука како поддршка од клупата. Но моќта на Спарси е што постои баланс во екипата. Користат најмногу играчи во ротација, имаат најсилна клупа и најдобар тренер.
Единствено се надевам дека повредата на Сплитер не е посериозна и дека ќе биде спремен за вториот круг (да бидеме реални овој е веќе завршен).
Лејкерси анемични какви што впрочем беа во најголемиот дел од регуларниот дел. Гасол солиден (аман веќе со криците, како да ја слушам Шарапова), Хауард се трудеше нешто да направи на сила (треба да оди на часови кај Тими за basketball IQ) и Гадлок (одличен меч за MVP-то на D-league). Останатите како да не постоеја (ги тргаме на страна повредените). Погледнете ја само разлика во придонес кој го даваат епизидостите кај Спарс (Сплитер, Грин, Нил, Бонер, Леонард) и ќе ви стане јасно зошто Лејкерс немаат никакви шанси во оваа серија.
Впрочем не за џабе го забележаа најтешкиот домашен пораз во play-off историјата.
Овој тим без Коби е мизерија. Меѓутоа и со него се неопходни промени доколку планираат Лејкерси да бидат во врвот на НБА и наредните години. Мислам дека ќе имаат бурно лето и ќе мора да се откажат од Гасол (додека сеуште има висока цена на пазарот) или Хауард (под услов најпро да потпише нов договор) за со евентуални трејдови го освежат и засилат ростерот. Вака не гледам некоја перспектива за ЛАЛ.
