WWE vs. NBA
Американските кечери и НБА сосема неочекувано се најдоа едни против други, откако сопственикот на Нагетси и самиот не верувајќи во успехот на тимот, дозволил салата да и се изнајми на WWE на истиот ден кога Денвер треба да го игра конференциското финале против Лејкерси.
"Иако Денвер Нагетс годинава имаше силен тим и беше предвидено дека ќе влезе во плејофот, очигледно сопственикот на Нагетси и Пепси центарот, Стан Кренке, немал доволно доверба во неговиот тим, за да го задржи 25-ти мај како потенцијален датум за плејоф натпревар," изјавил првиот човек на World Wrestling Entertainment, Винс МекМахон.
Инаку, проблемот настана откако Лејкерси го победија Хјустон во седмиот натпревар, по што како првопласирани во конференцијата првите два натпревара од конференцсикото финале ги играат дома, а за третиот и четвртиот гостуваат во Денвер.
Од WWE порачуваат дека иако се уверени дека не стои некоја зла намера зад целиот случај, сепак тие не можат да си дозволат некој да ги "откачи" во последна минута, и најавија испраќање на целата потребна опрема во Денвер на договорениот датум.
"Нагетси и WWE разбираат дека датумот на четвртиот натпревар од финалето на Западната конференција, не може да се промени. Веруваме дека Пепси Центарот и WWE ќе го решат нивниот проблем со распоредот," изјавил потпретседателот на НБА, Мајк Бас.