КАРОЛИНА: НИШТО ПРЕД БРАК!
Нашата поп-пејачка Каролина Гочева пред неколку недели беше гостинка во популарното шоу на Огњен Амиџиќ – “Ами Џи шоу“ заедно со српскиот актер и водител Милан Калиниќ. По низа прашања од типот нова песна, нов спот, Огњен своите гости започна да ги прашува за нивното прво сексуално искуство – кога, каде и со кого. Кога дојде ред Каролина да го даде својот одговор, таа рече: “ Секс? Јас потекнувам од традиционално семејство, па за мене важи правилото - ’ништо пред брак!’“. Публиката одговорот на Каролина го сфати како мала шега, но на неа не и е првпат да го даде истиот одговор. Имено, кога Каролина гостуваше во шоуто на Боки 13, контроверзниот водител и го постави “фамозното“ прашање – кога ја изгубила невиноста, на кое таа го даде истиот одговор како и во шоуто на Амиџиќ, но на многу посериозен начин.
Инаку, Каролина зад себе има неколку долги врски и никогаш не сакала да зборува за својот приватен и интимен живот. Поп-дивата во врска со нејзиниот одговор кај Амиџиќ ни искоментира: “Навистина никогаш не сакам да коментирам за мојата интима. Го дадов тој одговор и навистина се изненадив од реакциите. Ми се јавуваа новинари од Србија, и ме прашуваа – ’Каролина, вистина ли е тоа?’. Јас само се изнасмеав и им реков: ’А што вие мислите?’, па истото ќе ви го кажам и на вас“, заврши Каролина. Но како и да нема ништо страшно во одговорот на нашата најпозната пејачка, а колку е таа популарна говорат и реакциите што ги поттикна нејзиниот одговор. Каролина не е ни првата ни последната пејачка што дала ваков одговор. Своевремено и оливудските ѕвезди Бритни Спирс, и Андријана Лима за првото сексуално искуство, едноставно одговорија “Се чувам за првата брачна ноќ!“. Ајде да им поверуваме...
