Карцином/Канцер/Рак

[SpideRRman]

Што значи тоа негативна атипија ?
Има ли барем некоја надеж и лек за рак ?

 

[Messanger]

Знам за рак на дојка, и за него има лек...

 

[MajMyH]

Што значи тоа негативна атипија ?
Има ли барем некоја надеж и лек за рак ?

Надеж и лек за рак, лично јас верувам дека има, а дека ќе биде даден на обичните смртници тоа е тешко. За лек против рак на бели дробови ние не најдовме и го изгубив татко ми, а пробавме речиси се, а тој беше силен човек, со преголема физичка спремност но болеста го уништи за многу кратко.

 

[Плавооко]

уште долго нема да има лек за рак барем не за обични смртници

 

[Acid]

уште долго нема да има лек за рак барем не за обични смртници

А како тоа секојдневно луѓе го победуваат ракот?

Читај тука и тука.

Секој вид на рак е различен во зависност од потеклото, клетките кои се зафатени и начинот на ширење во телото. Дури и два пациенти кои имаат сличен рак се всушност различни. Различна е и нивната реакција на исти видови на третмани. Дефинитивно не може да постои волшебна напивка за сите видови рак. Дури и за момент да поверуваме дека навистина постои таков лек, како ќе ја објасниме смртта на многу доктори, членови на големи фармацевтски компании и членови на нивните семејства поради рак?

Митот за криењето на лекот против ракот е изненадувачки многу распространет, но пред да се обвини целата фармацевтска индустрија за завера, важно е да се знае како ракот се развива.

Него го предизвикува неконтролираната мутација на клетките кои можат да се населат на здравото ткиво или да патуваат низ телото во процесот кој се вика метастаза. Бидејќи канцерот може да настане од било која мутација на клетките, постои и голем број на малигнитети, од кои некои добро реагираат на операција, некои на радиотерапија, а некои на хемотерапија.

За да биде се посложено, секој канцер е единствен и претставува мутација на клетките на конкретен пациент. Затоа, идејата дека постои еден магичен лек, кој може да ги убие сите видови рак, треба да се гледа со голема резерва.

Исто така, треба да се знае дека во денешното време е невозможно да се чува некоја тајна многу долго време, без оглед на тоа колку некоја компанија е неетичка. На крајот, зошто би го криеле лекот за рак, кога можат да го продаваат.

 

[Gregor]

Има ли барем некоја надеж и лек за рак ?

Пиши ја целата дијагноза, може ќе се помогне, вака негативна атипија многу е штуро.

Има и надеж и лек, главно да се открие на време и хируршки да се отстрани, после превентивно хемотерапија да се даде.

При метастазирање лечењето е потешко, зависи од организмот, од раширеноста, затоа при операција се вадат и локалните лимфни јазли, затоа што они содржат клетки кои лесно диференцираат и така го шират ракот.

Сепак има многу луѓе со метастази што се излечени, операции, хемо, зрачење, имаше еден човек рак на желудник со метастази во мозок, се оперираше, примаше хемо, повторно операција на мозок и еве го 8 години подоцна си чува внучиња.

Влијаат многу и годините, пример кај постарите луѓе над 60 години природно им се успорува метаболизмот, па и ракот споро напредува. Кај млади луѓе е многу поагресивен.

 

[Bitcoin]

Исто така, треба да се знае дека во денешното време е невозможно да се чува некоја тајна многу долго време, без оглед на тоа колку некоја компанија е неетичка. На крајот, зошто би го криеле лекот за рак, кога можат да го продаваат.

Се слагам.. иако никогаш не се знае...
Недај боже да ставиле на вагата: колку кеш има од продавање на лекот VS колку кеш се мота низ онкологија по клиниките...
Јес да живееме во скептицизам, ама не вервам дека некој би скрил таква информација.
Кога тогаш ќе се употреби за некој, негде... и ќе пукне медиумска бомба.
А тоа дека универзален лек нема, е веќе појасно од јасно.

 

[Плавооко]

Acid во последниве 5 год се борев со 4 различни типови рак. Од толку читање по форуми, официјални - неофицијални страници на клиники, параклиники, министерства за здравство на држави... ќе испадне повеќе знам од онколозите во МК. Ова не е никакво фалење или ароганција, едноставно е така. Имам и директен пример како ЈАС спасив девојка... се уште е жива и за 180 степени и го сменив животот во поглед на квалитетно лекување. Нејзиниот тип е таков што цел живот го има во себе, само што мора да пие терапија секој ден и да го држи под контрола. Ако беше оставено на онколозите...веќе 3 год ќе беше мртва, затоа што наводно лекот кој јас го "пронајдов" тие тврдеа дека не постои!!! Е затоа мислам така...многу работи ги знаат, ама не ги кажуваат
--- надополнето: 30 септември 2013 во 14:16 ---

При метастазирање лечењето е потешко, зависи од организмот, од раширеноста, затоа при операција се вадат и локалните лимфни јазли, затоа што они содржат клетки кои лесно диференцираат и така го шират ракот.

Сепак има многу луѓе со метастази што се излечени, операции, хемо, зрачење, имаше еден човек рак на желудник со метастази во мозок, се оперираше, примаше хемо, повторно операција на мозок и еве го 8 години подоцна си чува внучиња.

Татко ми имаше adenocarcinoma во желудник. Прво муабетот беше обичен чир е, за после да испадне дека е карцином. Му беше изваден цел желудник и 21 лимфни јазли. По операција стана од кревет за 14 дена, според неговиот хирург тоа било одлично за таков пациент со таква операција. Првите 2 месеца беше како нов, дури посилен од мене во движење, јадење...После тие 2 месеца почна со Xeloda, и беше уште подобар. На тестовите што ги правеше резултатите покажуваа дека НЕМА ништо во него...Според оние дибеци на Онкологија, беше пратен на "превентивно" зрачење, за "сваки случај" и тука зезнаа работа. Бев против уште од првата секунда, ама нели не сум јас докторот... Пред операција 82кг, по операција 54кг....пред зрачење 70кг, за после зрачење да падне на 50кг и да не може да мрдне нагоре. Изгуби апетит, изгуби општа сила на организам...и за 6 месеци после зрачење ПОЧИНА!!! Кога тест ќе каже НЕМА (ги правеше по 2 во месец, рацете му беа како ренде со дупки од игли) тоа значи НЕМА ПРЕВЕНТИВНО уште ова, па ај уште ова...ама нели не сум јас докторот, па кој ме врти мене
--- надополнето: 30 септември 2013 во 15:49 ---
Бројот на новозаболени од малигни заболувања во Македонија е во пораст. Потребно е на повисоко ниво да се подигне свеста кај населението дека контролните прегледи еднаш годишно се неопходни за нивно рано детектирање и третман, со што може да се спречат предвремените смртни случаи од малигните заболувања.
Ова беше истакнато денеска на прес-конференција на првото антиканцер Здружение „Животна искра“ по повод Октомври-месец на борба против ракот во Македонија.

​

Од Здружението посочија дека бројот на новозаболени од малигни неоплазми во Македонија, според податоците во Извештајот за здравјето и здравствената заштита на населението во Македонија, објавени во 2010 година од Институтот за јавно здравје, за само десет години (1997-2007) се зголемил за 3,5 индексни поени и достигнал 5.841 (стапка 258,8 на 100.000 жители).
Доктор Горан Кондов од Клиниката за торако-васкуларна хирургија на прес-конференцијата рече дека ракот на дојката е на прво место меѓу малигните заболувања кај жената.
- Годишно во Македонија се откриваат 700 нови пациенти со рак на дојка. Од нив на Клиниката се оперираат 400 пациенти. Мамографскиот скрининг во Македонија не е почнат, а тоа е вистинско решение за детектирање на ракот на дојката во почетна фаза, истакна Кондов и додаде дека од интервенциите што ги прават на Клиниката, меѓу кои и примарната реконструкција на дојка, е неопходно да се изведат по раното детектирање на болеста.
Доктор Горан Димитров од Клиниката за гинекологија и акушерство рече дека со стапка на заболени од рак на грлото на матката од 23,4 на 100.000 жители, Македонија е на второ место во Европа.
- Ако нема редовни прегледи можноста за појава на рак на грлото на матката е честа. ХПВ вакцината е одобрена во 128 земји, додаде Димитров.
Според доктор Милчо Пановски, програмите за колоректален карцином се непотполни и несоодветни.
- Сите скрининг програми се правени според желбите на пациентите и тие не се повикуваат по име и презиме да дојдат на преглед, додаде Пановски.
Според податоците на СЗО, со над 7,6 милиони случаи годишно (13 отсто од сите смртни случаи), малигните заболувања се водечка причина за смртност во светот. Предвидувањето на СЗО е дека смртните случаи предизвикани од малигни заболувања до 2030 година ќе ја достигнат бројката од 11 милиони жители. ---- Вака се лекува рак?

 

[nikola_bb]

наместо да се вложува во превенција да не дојде до тоа ние вложуваме во дијагностичка опрема, во бла бла бла. не викам дека не треба и тоа но треба прво државата да превземе нешто за да си го заштити населението а не само да гледаат на кој начин може повеќе пара да дрпнат

 

[cige]

Влијаат многу и годините, пример кај постарите луѓе над 60 години природно им се успорува метаболизмот, па и ракот споро напредува. Кај млади луѓе е многу поагресивен.

Имам дедо заболен од глиобластом од 4ти степен, и следам доста литература на интернет, па наидов на една статистика која вели дека пациентите помлади од 70 години починуваат во просек во 11тиот месец од дијагностицирањето, а постарите од 70 години во просек на 7миот месец.

 

[Gregor]

Имам дедо заболен од глиобластом од 4ти степен, и следам доста литература на интернет, па наидов на една статистика која вели дека пациентите помлади од 70 години починуваат во просек во 11тиот месец од дијагностицирањето, а постарите од 70 години во просек на 7миот месец.

Се зависи од видот на ракот. Јас ич нејќам статистика, затоа што кога ќе ја направат и публицираат поминува година, а секогаш се воведуваат нови лекови, експериментални студии и така натаму.

Ако гледаш статистика на некоја европска земја, за кај нас додади уште 10-20% во морталитетот и одземи 10-20% во преживувањето... оти толку сме добри.

 

[Erich Zann]

Едно јако професорче денес спомна на предавање Сода бикарбона околу чудово. Некој да изнеси повеќе детали ако е запознаен?

 

[MajMyH]

Едно јако професорче денес спомна на предавање спомна Сода бикарбона околу чудово. Некој да изнеси повеќе детали ако е запознаен?

http://www.curenaturalicancro.com/
демек лекува докторов од италија. Јас му имав испратено и мајлови и го скапав барање али не добив одговор. Инаку има истиов и во јапонија сега отворено болница мислам. Ако е во порана фаза и зависи кој тип на карцином го “лекува“, али овие лекови од алтернативната медицина се 100% лага. Б17, газија, сода бикарбона, ДЦА *дихлороацетат .....и се што ќе видиш се речиси лага. Ете можеби помагаат од 1000души на 5мина али тоа не го сметам за помош и лек, на грешка може и самиот карцином мутирал или се повлекол кај толку мал процент и после се кажува дека помагаат.

 

[Плавооко]

http://www.curenaturalicancro.com/
демек лекува докторов од италија. Јас му имав испратено и мајлови и го скапав барање али не добив одговор. Инаку има истиов и во јапонија сега отворено болница мислам. Ако е во порана фаза и зависи кој тип на карцином го “лекува“, али овие лекови од алтернативната медицина се 100% лага. Б17, газија, сода бикарбона, ДЦА *дихлороацетат .....и се што ќе видиш се речиси лага. Ете можеби помагаат од 1000души на 5мина али тоа не го сметам за помош и лек, на грешка може и самиот карцином мутирал или се повлекол кај толку мал процент и после се кажува дека помагаат.

B17 е цијанид!!! докажано со многу тестови

 

[MajMyH]

B17 е цијанид!!! докажано со многу тестови

татко ми боледуваше од карцином на бели дробови, планоцелуларен неситноклеточен.
пробав речиси се, на крајот користевме дихлороацетат, а б17 зеде 2 пати доза но никаква помош не видовме. Ми е жал што ја откажавме хемотерапијата, но беше ризик и никој не ветуваше ништо бидејќи изгуби многу килажа (од 86 на 47 кг и тоа 86 предходно со страшна мускулатура и физичка спремност бидејќи човекот беше атлета, цел живот беше кондиционо спремен но единствена мана му беа цигарите). Најдов и марихуана и симнав видеа како оди процесот за одделување на ТХЦ, но веќе беше касно се, последно му метастазира во мозокот, претрпи последната недела и мозочен удар и не ме препознаваше и мене. Според мене речиси се е лага од овие лекови кои ги нуди алтернативната медицина, не дека другава лечи али барем колку толку со Тарцева и слични лекови се продолжува животот, но проблемот е што се прескапи и не ги покрива фондот кај нас а коштаат по 2000 евра месечно, што тешко дека ќе може некој да си ги дозволи да ги зема со години.