kajgana1001albums група

[Zlatikevichius]

За тие кои не ја виделе темата на Џими, за ова се работи:

Беше крај на август или почеток на септември. Скролав по реддит како и секогаш, кликни - скролни - врати назад, кога наидов на еден пост за хоби или така нешто. Некој пишал „Еве веќе пред скоро две и нешто години го почнав овој предизвик, при крај сум со генераторот“.

Постот ме однесе до https://1001albumsgenerator.com/. 140 дена подоцна, ми светнува дека не сум го споделил ова со моите кајгана другари.

Накратко, 1001 албумс генератор е направен според книгата 1001 албуми што треба да ги слушнеш пред да умреш, или така нешто. Креаторот на овој сајт, некој скандинавски програмер, ја имал книгата долго време ама во пандемијата му светнало - ќе креирам сајт кој на присутните ќе им дава по еден албум од книгата, сосема рандом, без некоја логика, азбучен ред или хронологија. Онака баш рандом.

Сепак, 1001 албумс нема 1001 албум, туку има 1089 моментално. Тоа е ради што книгата доживеала неколку реизданија, па додала албуми (последниот, најнов албум е од Лана Дел Реј од 2021 година).

Денес креираш урл профил, добиваш албум. Утре се будиш, ти дава опција да напишеш рецензија (не мора) и оцена, па ти генерира нов албум. Јас го правам ова веќе 140 дена - се будам, го оценувам албумот од претходниот ден, ми дава нов. Ништо страшно и ако не слушнеш албум, т.е., ако немаш време. Има опција Didn't listen, ќе ти генерира нов албум, па после во History табот можеш да му дадеш оцена кога ќе го преслушаш, дали за една недела или два месеци, неважно.

Сѐ е објаснето на почетната страна и е прилично едноставно. Јас кликнав опција да ми генерира албуми и за викенди, така ќе го завршам каталогот побрзо.

Откако ќе го завршиш, можеш да предложиш албум што мислиш дека требало да биде во каталогот и е од огромно значење. По слушање на 1089 албуми за 1089 дена, тоа ти е наградата, но во истиот момент, ти се „отклучува“ опција да ги слушнеш албумите што ги предложиле тие што завршиле пред тебе. Мислам дека околу 300 и нешто луѓе досега го завршиле каталогот, но кога јас ќе стигнам до 1089тиот ден, очекувам бројката да биде околу 5000 луѓе затоа што расте групата филмски ентузијасти кои го начекале сајтов случајно, или некој им кажал за тоа.

п.с. ако сакате да видите што сѐ има, листата е тука. Најмногу албуми мислам дека имаат Битлси, Бови, Нил Јанг, Пинк Флојд...

По идеја на @McLovin , решивме да направиме група на Кајгана во која заедно ќе слушаме ист албум (генераторот има опција да генерира ист албум за членовите на една група). Групата е направена, kajgana1001albums. Се што треба да направите е да кликнете на линков

1001 Albums Generator

You are invited to join the group: kajgana1001albums

1001albumsgenerator.com

да одберете име на вашиот проект, ви го генерира истиот албум ко на сите нас, го слушате и го рецензирате / коментирате тука, во оваа тема. За индивидуалните проекти останува активна старата тема, за да биде попрегледно и да не се мешаат штипките.

Групата е формирана вчера, на 20.02.2025, што значи првиот албум веќе е поминат и за тие кои сакаат подоцна да се приклучат, слободно можат во секое време, но ако сакаат да надоместат, одат во History секцијата на генераторот и можат од таму да видат и преслушаат се што пропуштиле.

Во очекување на првите коментари за албумот на Дасти Спрингфилд.

ping: @Грут @Ska Maniac @Patience. @Vivienn @JBTgirl @Хоуп @Niccolo @Imperatorot @парва @Луси @Partizanen banditen @бристол @AceCaleb @Ingvar @madrock @Беркут @бристол @JagodicaBobica @zspirit2 @Word$haker @SK-92 @мкд владе @Tyler Durden @SilvijanL @ManUtdChampions @Near @Mojso @DonRistovski @Down @Sussaro @wot @Io Sono Interista @Syn @Ska Maniac @Scirea @Smert @FilipMKD007 @Darklady @Хептаграм XI @StoleD @AceCaleb @moongoses @Darklady @Варвара @Artemisia Vulgaris @брмбрм @Patience. @Staufer @my_name_is_in_use @Invisible Force @Ska Maniac @ohrid66 @~>}VOJVODATA~~LAVOT{<~ @YuZe @StoleD @Ingvar @Ireal @Лаик @Vartolu @Lokvan @Scirea @aivanv69 @.end и сите што ги заборавив

 

[my_name_is_in_use]

еве мој коментар за албумот на Дасти Спрингфилд:
- чуствуваш длабока емоција слушајќи го нејзиниот албул, супер вока. "Но не е мој тип на музика што ја слушам"*
- ги издвојувам нејзините нумери како Son of a Preacher Man и Little Lovin' вистински кои се истакнуваат по својата емоционална сила и нежност
- одличен албум што заслужува да биде слушан од сите љубители на соул и класичната музика.

 

[Erich Zann]

Го бичам и јас ова, го почнав после тагот на џими. Дојден сум до некој 6-7 албум, не бројам точно. На работа кога сум в канцеларија постојано слушам музика, па така еден албум во денот не ми е ништо
Моментално ми го даде од Битлси, Abbey Road

 

[Darklady]

Се придружувам

 

[Zlatikevichius]

01. Figure 8 - Elliott Smith (2000)
За тие кои покасно се вклучуваат - не сум грешка, ова е албумот кој го испуштивме сите во групата освен @McLovin . Албумот го даде вчера, 20.02.2025 и затоа за да го слушате и оцените, одете во History секцијата на генераторот.

Бледо, неинтересно, досадно, ништо посебно - се тоа може да се смести тука а и многу повеќе. Да не се убиел типов којзнае дали албумов ќе влезел во 1001 Albums... листата. Oд тоа што прочитав на Wikipedia, 99 место на Билборд листата и 37 во UK му се пиковите. Плус на некоја листа на 200 најдобри албуми од 2000 година го зазел одличното 190 место. Ама важно тука е.

Значи една песна нема што ми се допадна толку многу за да ја ставам во листа и што би сакал да ја слушам отпосле. Не дека се сите лоши, има и ОК песнички, ама ни една не е WOW, ни една не се издвојува. Инаку, не, немам ништо против инди-рок / инди-поп звукот, напротив, дури и слушам таква музика, но ова е многу многу бледо и без врска. Ама го преслушав, не умрев, не се самоубив и не ме нервираше, затоа и јас ко @McLovin ќе го оценам со 2/5.

 

[Ska Maniac]

Се приклучувам и јас. Сега почнав да го слушам албумот на Дасти Спрингфилд.

 

[Rollo Tomassi]

Ја ислушав Дасти сега дур работев, првите 4 песни ги пратев после тоа отиде мозокот на друго место, не ни приметив дека заврши и дека почнало нешто друго.
Искрено ми легна, така лабаво, опушти при работа.

4|5

Автоматски споено мислење: вчера во 13:05

Само како се става рејтинг на албум? Нигде не можам да најдам.

 

[Zlatikevichius]

Само како се става рејтинг на албум? Нигде не можам да најдам.

Утре тоа, од сабајле. Немаш таква опција денес. Денес слушаш, оставаш да ти легне, утре стануваш, го оценуваш, и ти дава нов албум.

 

[Niccolo]

3/5 од мене за Дасти.

 

[џимеј]

Го бичам и јас ова, го почнав после тагот на џими. Дојден сум до некој 6-7 албум, не бројам точно. На работа кога сум в канцеларија постојано слушам музика, па така еден албум во денот не ми е ништо
Моментално ми го даде од Битлси, Abbey Road

Кај е еден, таму се и два Љубопитен сум да видам како ќе ни функционира групата затоа што сите горе-долу имаме различни вкусови. Моментално 11 члена броиме, влегувај

 

[Ska Maniac]

Рецензија за денешниот албум :
Son Of A Preacher Man песнава ја знам од Маракана и Салун. Сега дознав дека она ја пеела. Ништо посебно.
Се на се лимунада.
Би идел со 1.5 оцена од 5 . Ако кец е апла тапа а нула е грд, глуп албум.

 

[Zlatikevichius]

02. Dusty In Memphis - Dusty Springfield (1969)
ОК, лабаво албумче, убаво рече некој погоре, за чил аут да си го пуштиш во позадина е супер, не замара. Дефинитивно единствена песна што отскокнува е Son Of A Preacher Man. Ова ми е веќе 14 албум од листава што го преслушувам и освен Bad на Мајкл Џексон, прв поп албум (или најблиску до поп што може да биде). Ми се допадна музиката, аранжманите се ОК, цели симфонии има позади нејзиниот глас. Но останува впечатокот дека албумот како целина е само просек. Не може ова да се спореди со некои музички величини кои ќе ги сретнеме тука. Затоа само 3/5 од мене.

Е сега за тие кои го немаат преслушано, да не ви се види долг - на Spotify е ставено реизданието на албумот од 2002 кој има 8 песни плус (до душа истите се, се повторуваат, само со моно звук). Оригиналното издание има само 11 песни, па така од 12 надолу нема потреба да ги слушате. Да не ви се види предолг, само околу 32 минути е.

 

[McLovin]

02. Dusty In Memphis - Dusty Springfield (1969)



Многу добро албумче, за овој период од годината. Лабаво и смирувачко. На работа сега го преслушав, добро ми легна додека проектирам сала за свадби, баш ме внесе во атмосферата . А сега одам на нешто хард метал.


3/5

 

[Ingvar]

2. Dusty in Memphis

Добар албумов, го има тој духот на тоа време....мислев дека е некоја американка, а оно излезе британка била. Музиката е солидна, вокалот е исто солиден. Малку некои детали да сределе ќе бил уште подобар. Се на се е уникатен проект, заслужува место на плеј листите. Добар материјал и за преработка, 4/5 оценка од мене секако и заради Son of a preacher man.

 

[DonRistovski]

Dusty In Memphis - Dusty Springfield (1969)


Чил и лабаво албумче, од секогаш ми се допаѓала музиката од оваа ера. Son of a preacher топ песна, најдобра од цел албум.
4/5