Еве и јас да се вклучам во дискусијата за прелистувачите.
Не користам само еден и не можам да речам овај е најдобар. Еве зошто.
Операта ми е прв и најчест избор не толку заради толку спомнуваната брзина ( опера не е најбрза проверено ) туку заради интерфејсот и лесното прилагодување на опциите ( кои ги има доволно и лесно се достапни и разбирливи), заради одличниот speed dial и одличното менаџирање на букмарсите, како и единствено кај опера присутната paste and go опција.Да не збориме за таб поставката на страниците ( опера е прв брузер со мулти таб опцијата). Има и други причини задега толку.
Firefox -от е одличен заради богатството на аддони и плагини.Ги има за секој вкус и потреба.Со комбинација и надоградба преку нив фаерфоксот станува моќен развоен центар и силно кориснички близок за секоја намена.Кој не верува само нека погледа што се може фаерфоксот преку додатоците.Лично не можам да најдам некои маани ( теоретски некои сигурносни пропусти и ранливости ) но ми недостигаат некои опции од операта ( на пр. download на десен клик на линк , кое го има и тука но без опција за избор на кој менаџер мој избор mass downloader и спомнатиот paste ang go, speed dial го има како аддон)
Инаку фаерфоксот ми прв избор ако треба да користам прокси ( кажете друг прелистувач кој менува сетинзи и прокси на еден клик) или кога сакам контрола на надворешната IP.
IE со 7-ката сум доста задоволен иако ретко ја користам, но и покрај сите слабости и маани не го отпишувајте предвреме , ќе ви треба кога ќе налетате на страница која само со него ќе ви дозволи да симнувате,( сте имале ли - x.php искуство) го користам значи и него но само ако морам.
Да разбијам една предрасуда и вкоренето мислење - Операта е брз прелистувач (од самиот почеток се рекламира за "посиромашни" системи ) но не најбрза . Најбрз е Сафари брузерот кој е наменет за ејпл системите но го има и во Win верзија. Ако имате време инсталирате и проверете и самите , гарантирам дека пријатно ќе се изненадите од сафари-то. Она што кај него ми пречи е спартанскиот интерфејс и малата корисничка контрола врз изгледот и однесувањето на брузерот. Пофалба заслужува опцијата Private Browsing, при што сите траги ( историја , колачиња , и сл.) автоматски и комплетно се бришат .
Во последно време сум пријатно изненаден од Avant и Orca прелистувачите ( двата се од иста куќа , за меѓусебните разлики друг пат) Убедливо нај јака аддблок и анти спам заштита , прифатлив и логичен интерфејс, прекрасна опција за Оnline storage на сетинзи букмарси пасови рсс и сл.
Слабости , недовршеност и багови посебно орката која е сеуште бета, кое малку почесто води до паѓања и замрзувања. Треба да се прати имаат одлични идеи.
Не го спомнав сега модерниот Chrome на гугл, но го ставив и него и не ме воодушеви, да не зборам дека му излегоа муабети дека многу сака да знае за вашите сурферски активности и навики.
На крај изборот на прелистувач е дилема и прашање на вкус и навики и лични преференци исто како и изборот на антивирус софтвер
но како и таму не се потпирајте само на еден програм.