МВР кривично гони 12 члена од две комисии на Владата и Министерството за одбрана во 2003 година. Меѓу нив е и актуелниот пратеник на СДСМ Андреј Петров.
Полицијата обвинува дека Комисијата за јавни набави овозможила 16 војнички кантини бесправно да ги добијат четири локални дистрибутери на „Скопска Пивара“, наместо на тендерот да победи „МА Проком“ од Штип, која имала најповолни понуди.
Оштетената фирма се жалела до Комисијата во која член бил Петров, но жалбата незаконски е отфрлена, обвинува МВР.
Со тоа, според полицијата, комисиите овозможиле дистрибутерите на „Пивара“ незаконски да стекнат имотна корист од 42 илјади евра.
„Го прекршиле Законот за јавни набавки во кој е наведено дека предквалификацијата на понудувачите се врши врз основа на економски, финансиски бонитет“, изјави Иво Котевски, портпарол на МВР.
Кога постои сериозна криза во владината коалиција, ВМРО-ДПМНЕ ја крие преку кривични пријави против членови на СДСМ, реагира опозиционата партија.
„Доволно е Гордана Јанкуловска, како најодговорен човек во тоа Министерство да седне и да отвори службен весник на РМ, во кој ќе може веднаш да констатира дека човекот веќе од поодамна не бил член на таа Комисија затоа што извршувал друга функција“, рече Андреј Петров, СДСМ.
Петров побара МВР да му се извини за грешката, најави тужба за оштета која ќе ја донирал во хуманитарни цели.
Што мислите за тактикава на владата и вмро, секогаш кога ќе запне работата кривична за некој опозицонер која секогаш резултира со апсење кое се случува пред тв камери на сител
........дури премногу.
