а мене многу ме нервираат овие наши новинари и коментатори кога ќе речат Џејсон (Jason) Батон а тој е Џенсон (Jenson) - WTF
Берни ограбен и салам наќофтан од арамии
Промотерот на светското првенство во Формула 1, Берни Еклстоун, бил физички нападнат од арамии пред канцеларијата во срцето на Лондон, близу Бакингамската палата. Настанот се случил во средата навечер на 24 ноември, но медиумите за него пишуваат со неколку дена задоцнување, откако дознале од извори блиски на полицијата и болницата каде што бил пренесен за преглед. Според пишувањата на таблоидот Сан, тој бил заедно со својата нова партнерка, Бразилката Фабиана Флоси, која е помлада од него цели 48 години. Берни добил удар во лицето, најпрвин со рака, а потоа со нога, додека арамиите од него и од девојката одземале накит и часовници вредни дури 200.000 фунти!
- Возев, како што тоа често го правам, но кога излеговме од возилото, тие момци ме налегнаа. Ништо не ми рекоа, само ме нападнаа, па немав ни шанса да се уплашам или да реагирам. Додека бев на земја можев да ја слушнам само Фабиана како вриска за помош, по што добив удар или два и се онесвестив. Кога си дојдов на себе, имаше крв насекаде која доаѓаше од мојата рана на главата, но мислам дека имав среќа. Тие не мислеа дали ќе ми го истераат окото или дали ќе имам повреди на главата додека ме удираа. Тоа беше комплетно глупаво и неповикано. Доколку ме застанеа и побараа од мене да им дадам се што имам, ќе ги превртев џебовите, паричникот, се што имав. Нема да одат далеку со тоа што ми го земаа бидејќи никогаш не носам многу пари или скапоцен накит со мене. Најголем дел од работите беа лични на Фабиана, потекнуваа од Бразил и не беа многу вредни,- објаснил 80-годишниот Еклстоун за англискиот Дејли Телеграф.
Истиот весник пренесува и дека Еклстоун веќе се вратил во својата канцеларија на дневните обврски, цитирајќи ја неговата ќерка.
- Тој е на работа и е во добро расположение. Потребно е многу за нешто да го исфрли татко ми (од ритам – з.а.). Страшно е што живееме во општество во кое вакви работи можат да се случат,- рекла Тамара Еклстоун, неговата постара ќерка.
Еклстоун се разведе минатата година од сопругата Славица која беше 25 години помлада од него, по што ланското лето беше со својата јахта во Хрватска, шегувајќи се со медиумите дека бара нова жена од истиот крај, иако веќе беш во врска со Фабиана, со која се зближил за време на трката за Големата награда на Турција во 2009 година. Иако останува дилема зошто немал обезбедување или тоа не реагирало, во оваа прилика се споменуваат и зборовите на Еклстоун искажани за време на минатомесечниот бразилски гран при викенд, кога имаше повеќе обиди за кражби и напади врз лица од Формула 1, вклучувајќи го и Џенсон Батон. Тој тогаш во одбрана на Бразил како локација за трка рекол дека е опасен колку и некои делови на Британија.
- Тие бараат жртви, некои кои изгледаат како меки и не многу умни. Луѓето што се меки и едноставни, секогаш ќе бидат нападнати,- потсети агенцијата Ројтерс на неговите зборови, кои наводно се однесувале на Оксфорд стрит, една од најпознатите шопинг улици во Лондон, која е неколку минути од неговата канцеларија, а важи за честа мета на арамиите.
http://www.f1almanah.mk/formula1/aktuelno/9926-berni-ograben-i-natepan-od-aramii
абе греота чоекот......
да го прашаа и 1 милијарда ќе им даеше........