La nouvelle guerre des boutons. Епа вака, филмов од сам старт беше проблематичен: се измачив додека го најдов и симнав; се измачив додека најдов посоодветен перевод, за на крај да го гледам со превод кој доцни скоро минута и никако не се подесува; кога го пуштив првпат заспав, што ретко ми се случува (го изгледав на два дела).
Како и да е, филмот како филм не е воопшто лош, освен што тематиката е веќе 100 пати гледана. Прогонството на евреите. Сите други филмови со оваа тема најчесто акцентот го поставуваат на страдањето и маките кои ги преживеале луѓето од тоа време. Но, тоа не беше случај со овој филм. Претставен низ играта на децата од селото. Најверојатно ова е првиот филм со таа тематика за кој можам да кажам дека на извесен начин имаше среќен завршеток. Очекував да има поинаков ток, да се случи некаква трагедија со девојчето или сл.
Многу ми се допадна селото, па посакав да сум таму
. Убави предели, убава атмосфера... Можеби не е до сцените од филмот, последно време сакам да сум каде било, само не тука.
Ликовите од филмот ми беа онака. Затоа нема ни да има подлабока анализа. Децата се деца. Некогаш не се свесни што можат да предизвикаат нивните постапки. Најинтересниот дел од филмот беа најверојатно нивните битки. Се млатеа постојано, ама никој не беше повреден и осакатен. За разлика од деншниве деца кои одат на училиште со метални боксови, ножеви, телескопи, пиштоли, нивното основно оружје беа гранките и дрвата. Среќа. Дури имаа и свои трофеи, кои ги понесуваа од победите. Поразените пак, се враќаа во своето село без копчиња. Се на се, симпатично и наивно.
Кога сите требаа да се здружат против непријателот за да го заштитат девојчето, тоа и го направија. И децата и возрасните. Добар пример за кохезија и вистински вредности. Иако цело време очекував да се случи нешто страшно, филмот заврши и толку. Немаше страдања, умирање, заплет, расплет и солзи. Акцентот, поставен исклучиво на играта на децата од двете соседни села. Јас очекував многу повеќе. А за тоа како се претставени нацистите на крајот, подобро да не коментирам. Камо да биле сите како овие од филмов.
Токму поради неколку наведени причини мислам дека ова е филм кој е погоден и за деца, па и за возрасни. Мене лично, не толку многу ми се допадна. И да не се разбереме погрешно, не поради тоа што немаше крај каков што очекував, туку едноставно не ме допре. Ми немаше длабочина и се ми изгледаше веќе видено. Тоа секако не значи дека филмот е лош, само моите очекувања ми го уништија филмот.
Од мене многу слаба
5-ка. Многу ме интересира како останатите го доживеале...
. Децава поише од пола лошо глумеа, другите деца и возрасните просечно, иако тоа се должи и на материјалов со кој располагале глумциве.
