Искрено ова беше првпат да изгледам цел меч после оној со Бурнемут, и тактикава не ми се допаѓа баш.
Играме некој вид на 4-2-2-2, со среден ред многу сконцентриран кон средината. Се гледа дека Карло сака да ја промени играта која ја теравме под Мурињо, пред се сака поголем посед и задржување на топката. Слично нешто на ова пробуваше и Мурињо лани кога ги играше Модриќ и Озил напред заедно, кога Ди Марија беше повреден.
Сепак овие играчи се поспособни да играат директен фудбал и пред се широк, се виде тоа после влегувањето на Ди Марија. Иако тој самиот не изигра ништо посебно, играта се рашири и имаше повеќе простор. Претходно по тројца на мал простор се кочеа. Не велам дека тимот нема да се приспособи на таков стил, но за тоа ќе треба време.
Друго, во таква формација, мислам дека Модриќ мнооогу се ограничува. Лука е тип на играч кој умее и тоа како добро да отиде и напред (го видовме тоа и вечерва кога ги навезе тројца во продор) и да биде од круцијална корист. Вака, најголемиот дел од времето го минува околу центарот, нешто што Алонсо го правеше. Минативе сезони, Алонсо беше играчот кој остануваше последен, а Кедира одеше понапред. Мислам дека сезонава мора да се смени тоа, Лука да оди напред, а Кедира/Касмеиро да стои назад. Така би го извадиле максимумот од Модриќ, а тој максимум е огромен.
Е сеа, тука има проблем, двајцава шупаци од одбрана се навикнати Алонсо да е до нив секогаш и да му подадат. Кедира нема чуство за тоа, така да пак Модриќ ќе треба да покрива голем простор.
Трето, гледам Карло форсира висока игра на бековите, нешто што ја одликуваше Барса минативе сезони. Тоа е и логично, затоа што играме без класични крила, но тоа е и ризично оти одбраната ни е шашава. Значи има и добри и лоши особини, но доминираат лошите. Најдобра е што може често да се користи перфектниот центаршут на Марсело и неговата помош на Роналдо, но треба човек кој ќе покрива назад. И така бевме навикнати до душа. Марсело идеше напред, позади покриваше Чаби, а десниот бек (Арбелоа) остануваше позади. Сега проблемот (!?) е што двата бека идат напред и треба двајца да покриваат позади, што е тешко да се примени во практика.
Да не го должам сеа многу, ама мислам дека има уште многу работи за поправање во играта и дека е далеку од комплетна и игра што би не довела до доминација врз противникот, а низ тоа да немаме 10 пати опасност да примиме гол.
)
