Еве некои информации за играчите од Кастиља кои се повикани за утрешниот меч.
Давид Матеос (22.4.1987)
Ова е еден од играчите кој е дефанзивно настроен, и без проблем може да игра на две позиции, централен дефанзивец, и последен играч од средниот ред. И во оваа сезона во Реал Мадрид Кастиља покажа дека е еден од главните играчи во тимот, и ги држи сите конци во одбраната, и е еден од главните мотиватори во тимот.
Педро Москвера (1.4.1987)
Својата кариера ја почнал во Санта Марија дел Мар, и може да се каже дека по доаѓањето во Реал Мадрид беше еден од играчите кој најбрзо напредуваше преку младинските погони во тимот. Тој е класичен играч од средниот ред, но добро знае да се снаоѓа и по крилните позиции. За него, тренерот кажува дека игра елегантно, дека не е оптеретен и нервозен. Играчот кој е задолжен да ја поврзи одбраната со средниот ред, односно средниот ред со напаѓачкиот дел. Капитен е во Кастиља, а таму дојде пред 4 години.
Раул Руиз (25.3.1990)
Спаѓа во засилувањата кој се доведени во зимскиот преоден рок, а донесен е од тимот на Херкулес. Раул е еден многу брз и експлозивен напаѓач кој има искуство со играње во втората лига во Шпанија, како и за репрезентацијата на Шпанија за играчи под 19 години, каде има одиграно два натпревари и има постигнато еден гол. Имаше проблеми со прилагодувањето кога дојде во Мадрид, но неговата техника и брзина се нешто посебно од што беше импресиониран тренерот.
Родриго Морено (6.3.1991)
Морено е роден во Бразил, и има двојно државјанство (Шпанско - Бразилско). Дојде минатото лето од Селта каде се докажа во улога на напаѓач, а неговата предност е што има силен и прецизен удар со двете нозе. Најчесто во Кастиља играше во пар со Адам Салаи, но исто така беше подеднакво ефикасен и на позиција лево крило.
Според пишувањето на медиумите ова се 4 играчи од кој Мануел Пелегрини најмногу очекува, и кој полека ги префрла во првиот тим на тренинзите, но и на списокот на повикани играчи за натпреварите.
.
