Сподели ги сите негови подмолни работи и злодела да можеме сите да ги прочитаме.
Не бев активен на форумов неколку години ама чат-пат читав што се случува за да бидам во тек со настаните. Еве и денес отворив да видам што има ново и што да видам? Имаме нов член, тазе-фан на МЗТ Скопје, поддржувач на актуелната управа упс нема управа туку ајде нека биде поддржувач на градоНАЧАЛНИКОТ на Аеродром и верен слуга и другар. Јас не знам од кај да почнам со подмолните работи затоа што се 300 пати кажани ама еве набрзина хронолошки:
-Лажги во врска со салата дека ќе биде на МЗТ Скопје. Салата не е на МЗТ Скопје, туку е на Вардар а кога ќе притреба (читај пред 24ти април) и на ВМРО. Муабетите со гратис комплексот за тренинг, најдобрите услови и многуте години во иднина кога ќе може бесплатно да се користи салата фрли ги во вода. Тоа не пали тука, и не би упалило никаде во свет затоа што со лажги, манипулации и мачкање очи се осквернави еден поинаков дел на градот, една поинаква култура на живеење и битисување како и цела една филозофија. Да не одам понатаму, заклучокот по ова прашање ми е дека сега ситуацијата е каква што е, но тоа нема да биде навек.
1) Водењето на клубот индијански, самоволно и без осет за реалноста. Имаше Зоран Мартич една добра изјава минатото лето кога не беше продолжен договорот со него, верувам ќе се сетиш што точно кажа за нашиот ценет градоначалник а подоцна и кога Змаго Сагадин си отиде беше истиот муабет за носењето одлуки од ракав, носењето играчи на своја рака (замисли само Абрамович без да го консултира Мурињо на своја рака да донесе играч?!), недомаќинското водење на клубот и раководењето во него како во политичка партија по принцип: "Ако не ме слушаш мене и моите наредби утре може да те нема!" Епа затоа од клубот си отидоа оние што го чинеа УО (не многу ама доволно) и останавме со пар потрчковци кои сепак зависат од тие 300-400 евра плата и не би сакале за жива глава да се откажат од нив. Они не смеат да се побунат затоа што ќе летаат од работа, а во денешно време кој би сакал да загуби работа? МЗТ нема управа, нема раководни органи, одлуките не се носат транспарентно, нема состаноци нити записници за истите. МЗТ функционира како партија, авторитарно со еден човек кој носи одлука и под која сите треба да се потчинат. Вистина, од април навака му се дадени малце подоврзани раце на Пипан затоа што се виде колку е саатот ама пак се гледа дека ситуацијата не оди на арно.
2) Од точка два се префрлувам на точка три бидејќи единствени кои се побунија против овој начин на (не)работа беа ФА, иако тоа можеби во почеток изгледаше неорганизирано и во млад и бунтовнички стил сепак зад тоа се кријат јасни и чесни намери клубот да функционира витешки, спортски и без дебилни потези. Ја барате искрата на судирот? Тоа не беше ни салата, ни изгубениот куп, ни катастрофалните резултати лани. Тоа беше идиотската одлука за недавање карти на луѓе кои не се со живеалиште во Аеродром за дербито со работнички, тоа го потегна и нашето соопштение во врска со тоа а подоцна и паролата за ИВИЦАта на срамот на која цела сала аплаудираше како наша поддршка. Тоа беше моментот кога дотичниот не можеше да се помири со тоа дека џабе му се трите титули и трите купа, јадранските и еврокуп одисеи, сите победи и сл. кога пак сам себе се закопува со потег недостоен за МЗТ Скопје. Гледаме годинава пред дербито во четврток дека таква одлука во врска со картите нема што имплицира дека дотичниот сфатил дека сме во право со нашите тврдења дека треба да им се даде колку сакаат, колку можат да дојдат и онака? 100, 200, 500 со се симпатизери? Смешно.
3) Тоа беше искрата која потегна и одземање на договорените карти кои на ФА и следуваа, подоцна и дуелот со Олимпија кога наводно навредливо се пееше и кога и почна бојкотот со напуштање на полувреме или на крај на 3/4 четвртина, не се сеќавам. После тоа следуваа пријавите за тоа, па активирање на 20-30 други стари пријави од ПС Аеродром кои само чекаа како лешинари да ни чукнат на врата и да не малтретираат нас и нашите семејства. Подоцна одеше работата со прекречувањето на графитите, кречењето на графитот на Хард, полициското гасење на ФБ страницата и отварањето на нова која денес ја води ПР агенција (од која можеби и ти лично си дел па ти дале обврска тука да коментираш и да исправаш криви дрини), па годинава имаме обврзно следење на утакмица за децата од 1во до 8мо одделение иначе ќе има неоправдан, имаме по обавезни 25-30 луѓе од секој месен комитет во општината кои по список се проверуваат дали се на утакмица. Шоуто продолжува, едвај чекам што ќе биде наредна глупост.
Има уште многу детали, некои можат да одат јавно а некои не. Навистина ми е жал што има многу такви што не ја согледуваат реалната слика и што под изговор за некои си титули, парчиња метал и тридневна новинарска слава, што за модерна сала и теретани со скајбарови и спа-центри можат да ги дадат годините живот кои голем број на момци ги дале за клубот и групата, а денес први се на листата за шиканирање, први се на листата кога било што ќе се случи да даваат изјава во станица, се тегнат по судови за разноразни глупости а оној што ги направил најголемите криминали во поновата историја на Аеродром се шетка како бела мечка, ужива привилегии и доживува на баскет-утакмица да биде скандирано неговото име наместо името на клубот. Да-да, и тоа го има. Јас не знам со кој образ се јавуваат фантомски ботови овде во име на градоНАЧАЛНИКОТ и кажуваат приказни за тоа што и кој биле ФА, какви им биле членовите или за што биле криви а за што не?!
Да знаете само дека нема вечно да траете и ова не го зборам како закана туку како сурова реалност за секој оној што за момент се почувствувал надмоќен во однос на навидум послабиот и изнемоштен "противник".
За сите оние што пишуваат во име на ФА ќе ве замолам да не го правите истото и да не изнесувате рекла-казала муабети бидејќи пола работи тука пишани не ви се точни. Следете го клубот, одете и во сала ако сакате, ама немојте дополнително да додавате оган кај што не треба. Ситуацијата се следи, за што и да треба има кој да каже ... иако можеби не би требало.
пс. не би ти препорачал да ме тегнеш за јазик и да реплицираш, попаметно е се што имаш да ми кажеш лично а секако и за групата, да го направиш преку приватна порака.
