Јас мислам дека во саботата против Лацио го почувствувавме отсуството на Маркизио. Не се сеќавам во некој натпревар толку многу простор на имал противникот за удари од далечина. Колку и да е далеку, сепак опасни ситуации имаше, од една дури и гол примивме. Погба е одличен, не велам не, ама Маркизио и те како ни е уште многу важен играч во покривањето во средината.
Не дека не е Маркизио подобар од Погба во дефанзивните задачи, но сепак нападите на Лацио им се состоеја во шутеви од далечина, поточно играа на кикс на Џиџи Буфон со долги топки. Тоа им беше разработена тактика од Петкович, согледувајќи ја нивната сосема поинаква игра на Супрекупот.
Мислам дека трансфер периодов помина супер. Нормално е дека секогаш може повеќе, и дека како навивачи секогаш се бара повеќе, но тие што се на чело на клубот (Ањели,Марота,Паратичи и Недвед) мора да сметаат на сите аспекти (спортски,играчки а најмногу и на финансискиот аспект) околу трансферите во Јуве.
Ќе ги споменам поглавните трансфери:
In: Огбона,Љоренте,Тевез
Out: Џакерини и Матри.
Огбона - Со оглед дека Конте го побара играчов под секој услов, затоа можеби и Марота играше до крај и мораше да го ангажира. Можеби е платен малку солено, ама треба една квалитетна замена на триото Џорџо/Бони/Барзаљи, плус и оваа сезона ќе се обидат да стигнат подалеку во ЛШ од лани. Сепак, мора да се размислува и за соодветна замена на Барзаљи, бидејќи кога и да е, со оглед на годините нема да може да игра како во моментов. Тоа е реалноста.
Љоренте - Медиумиве во Италија веќе сенешто пишуваат во поглед кон него, и тие нивни „експертски“ констатации ги темелат врз 15 мин. игра во официјален натпревар, и тоа како замена. Ама не е Италијанец, така да според овие експертиве, доволни му се.
Тевез - Најголемото засилување за ова лето. Мислам дека првите три официјални натпревари го потврдија тоа и нема многу повеќе што да се пишува во однос на тоа.
Џакерини - Си замина во период кога покажа одлични перформанси на Купот за конфедерации, но најверојатно сака да си се покажи и константно да игра, за да биде повикан во потесниот список на Прандели за СП.
Матри - Мислам дека непотребно беше продаден. Повеќе му требаше на Јуве профил на напаѓач како Матри него ли како Кваљарела, но што е тоа е.
И другите тимови се засилија добро, особено Фиорентина,тим кој направи брилијантен трансфер пазар. Паметно,без многу трошење склопи тим кој не е ни чудо да се бори за првите 2 места во Италија.
Но сепак мислам дека разликата и предноста меѓу Јуве и другите клубови најмногу ја прави едно нешто:
одбраната. А во Италија е добропознато, дека тимот што има најдобра одбрана,освојува титула.
Но факт е дека оваа сезона ќе биде потешко да се дојде до титула од лани, но време е Јуве да го направи и официјално на крајот на сезонава да ја прикачи и третата ѕвездичка на дресовите, и да се исполни сонот на Умберто Ањели.
Емто блокира играчи шо не им се игра тука. За Кваљарела ќе го разберам ако му дај шанса да игра,ама за Исла ич не ми е јасен. Имаја време и да го продат и да најдат асална замена
