“Вечер“ на тема Интер:
1. Ибишевиќ
Ведад Ибишевиќ му откажа на Интер
Најдобриот стрелец во моментов во германското фудбалско првенство и играч на "сензацијата за годинава", Хофенхајф, Босанецот Ведад Ибишевиќ ја одби понудата на италијанскиот Интер да премине во јануари во гигантот од Милано.
- Голема чест е што Интер се интересира за мене. Ќе ми беше задоволство да играм во тандем со Златан Ибрахимовиќ, но, сепак, решив да останам во Хофенхајм до крајот на сезонава, изјави 24-годишниот Ведад Ибишевиќ, кој е репрезентативец на Босна и Херцеговина.
Според италијанскиот печат интерес кон Ибишевиќ, покрај Интер, пројавуваат и редица други големи европски екипи - Рома, Баерн (Минхен) и Манчестер Јунајтед.
Во досегашната кариера Ибишевиќ играл за американските екипи Сент Луис и Чикаго, француските Пари Сен Жермен и Дижон и германската Алеманија (Ахен). Во моментов босанскиот репрезетативец е играч на Хофенхајм и во есенската полусезона постигна 19 гола во 17. кола.
2. Мурињо
Серија А е број 1 во Европа
Тоа го кажувам зашто тука се игра офанзивно и многу се внимава на тактиката, вели португалскиот стручњак
Секогаш расположен за контроверзни изјави и шокантни коментари, тренерот на бранителот на тронот во Серија А, Интер, Жозе Мурињо, италијанската јавност ја засити со неговото мислење за квалитетот на калчото, најновото засилување на градскиот ривал Милан, Дејвид Бекам, голгетерот Златан Ибрахимовиќ и за претстојниот зимски преоден рок.
- Убеден сум дека ова е најквалитетното првенство во Европа. Не кажувам дека е најдобар, бидејќи Мурињо е во Серија А, туку затоа што тука се игра офанзивно и многу се внимава на тактиката. Само тука има тренери од калибарот на Спалети, Џампаоло, Марино и Ѕенга, изјави Мурињо.
Португалскиот стручњак, додаде дека е задоволен од преселбата на Дејвид Бекам, но искрено се надева дека нема да прикаже некоја добра партија.
- Јас сум среќен. Сакам мојата лига да биде најдобра во целиот свет. Бев горд на англиската премиер лига, кога бев менаџер на Челзи. Фантастична е идејата на располагање да го имаш репрезентативецот на Англија, Дејвид Бекам. Се надевам дека нема да прикаже некоја добра партија, особено во градското дерби. Тој е повеќе од фудбалер. За да имаш квалитетно првенство мора да ги имаш на располагање ѕвездите од калибарот на Роналдињо и Ибрахимовиќ, изјави Португалецот.
Поранешниот менаџер на Челзи, јавно проговори и за најголемата ѕвезда на Интер, Златан Ибрахимовиќ и за претстојниот зимски преоден рок.
- Искрено мислам дека е најдобар во целиот свет. До сега не сум работел со фудбалер кој е висок 196 см и кој поседува таква брзина и техника. Знае што сака, сака да биде дел од секој натпревар. Сака да биде агресивен и сака постојано играта да тече преку него. Златан е на чекор од најдоброто. Што се однесува до зимскиот преоден рок можам да ви кажам дека ќе нема спектакуларни трансфери. Не сакам промени, сакам стабилна ситуација. Сакам да работам со една група до крајот од сезоната. Имам голема група на располагање, изјави тренерот на Интер.
Морати вели: " Важно е што и тој верува самиот во себе.. би било штета да појде во друг клуб и да успее повторно! " 
)), а и не се играт отворен фудбал. Трето, можеби и најважно, ќе ни се помали шансите за земање на Агуеро т.е. тешко да се одлучит Морати да ги земит и Ибишевиќ и Агуеро. Подобро да почекаме уште 6месеци за Кун... Сепак, кој чекал, дочекал. :smir:
