http://www.sport.es/es/noticias/barca/asi-fue-primera-charla-guardiola-barca-2253161
Пеп Гвардиола, кога дојде на клупата на Барса, при првиот тренинг со тимот, им одржал говор на играчите. ГОВОРОТ НА ПЕП:
„Добар ден, господо. Можете да замислите колку сум мотивиран во овој момент, да се тренира ваков тим. Тоа е најголема чест. Пред се, го сакам овој клуб. Никогаш нема да донесам некоја одлука која ќе оди на штета на клубот. Се што ќе направам ќе се заснова на љубовта спрема Барселона. Ни треба и сакаме ред и дисциплина“, кажал Гвардиола тоа утро.
„Тимот помина низ период во кој сите не беа професионалци како што требаше да бидат. Време е да продолжиме понатаму и сите да дадат се од себе. Член сум на овој клуб многу години и свесен сум за грешките кои се направиле во минатото. Ќе ве бранам вас до смрт, но и ќе барам многу од вас како и од себе“.
„Само тоа ве молам. Нема да ве искритикувам доколку не направите добар пас, доколку не изведете добар удар кој ќе не чини гол, но од вас барам да дадете 100% од себе. Можам да ја простам секоја грешка, но нема да ви простам доколку не ги оставите душата и срцето за Барселона. Не барам од вас резултати, туку само перформанси. ОВА Е БАРСА ГОСПОДО. Ова е она што се бара од нас и што јас го барам од вас. Мораме да дадеме се од себе. Поединец без соиграчи е никој.“.
„Многу од вас не ме познаваат, така да наредните денови ќе ги искористиме за да се зближиме и запознаеме, да формираме една група, една фамилија. Доколку некој од вас има некој проблем, јас сум секогаш тука, без разлика дали се работи за спортот или некој приватен проблем“.
„Тука сме за да си помогнеме едни на други и да се осигураме дека ќе има спокој за играчите да не чувствуваат тензии и поделби. Ние сме едно. Ќе бидеме заедно и во тешките моменти. Нема да пренесеме ништо на медиумите. Не сакам никој да прави војна на своја сметка“.
Се останато е историја...
Via
http://www.facebook.com/FCBMacedonia?ref=ts&fref=ts
....
