Здраво иден јас
Од сегашна гледна точка, би ти кажал дека ќе бидам задоволен ако сеуште си останал на својот тврд став, дека никогаш нема да си го продадеш газот и да и
служиш на некоја политичка опција.
Знам дека никогаш не сакаше да ја напуштиш државава, но и да си избегал по подобар живот веројатно ќе те сфатам.
Ако после 10 години стигнам да го прочитам постов, се надевам дека веќе ќе имаш неколку остварени прошетки зад тебе.
Мој совет е да си посветиш повеќе време на себеси, и конечно да си подариш нешто на самиот себе.
Не зборам за некои прошетки со авион до Париз, Лондон, Барселона, Рим итн, веројатно ни тогаш ќе немаш средства за такви ексурзии, доволно е да ја прошеташ цела Македонија. Како знаеш и умееш, дали со воз, дали со точак, дали со кола, па дури и да го оствариш она што ми сега ми звучи навидум невозможно, да ја поминеш Македонија планинарски
Дефинитивно ќе се разочарам од тебе ако уште не си положил за кола. Време ти е, доста викаше "ако не оваа есен, тогаш следното лето..."
Но, уште повеќе ќе се разочарам ако пешачењто го замениш со не станување од кола...
Секогаш имај време за прошетките и чувствувањето на природата.
Верувам дека и по 10 години ќе имаш моменти кога ќе си шеташ сам низ маало, расчистувај си ги сите црни мисли во мозокот. И сам знаеш дека таквите прошетки се мевлем за душата
Намали малку со нервозите на утакмици на Вардар.
Искрено се надевам дека ќе доживееш да го прочиташ постов, и нема во меѓувреме да скинеш конци на некоја утакмица...
За 10 години претпоставувам веќе ќе имаш фамилија и деца.
Веќе почувствува дека во државава е тешко да се заработува. Само да си посакам среќа уште од сега, па кога идниот јас ќе го чита постов се надевам само благо ќе се насмее, затоа што веќе успеал да го постигне она по што мечтаел за во блиската иднина. Немој никогаш да дозволиш да им фали нешто на твоите најблиски. Може ќе нема пари за да им ги удоволиш сите желби на децата, но креативноста може да замени многу нешта кои не можат да се купат со пари и ти тоа најдобро го знаеш
Немој никогаш да ги заборавиш оние што те одгледувале толку време. За родителите мора секогаш да имаш време. Немој да си дозволил да скапуваат сами по старечки домови. Погрижи се да им биде убаво, како што они се грижеле за тебе, и секако гледај за некои 5-6 години да ги израдуваш со некое внуче, знаеш дека многу ќе им значи и ќе бидат пресреќни.
П.с. И по десет години, твојот дом мора да го краси некое маче. Ќе ти се налутам многу, ако не чуваш мачор
И најважото, никогаш не го заборавај детето во себе
