Значи дефинитивно не можам да премолчам: не го сфаќам воопшто хејтот поврзан со српскиот јазик. Па што ако се Македонци? Тоа значи дека смеат само на македонски да пејат? И англискиот и српскиот се странски јазици. Зошто според вас смеат на англиски, а не смеат на српски?
Ако одговорите: „Зошто тогаш Србите не пеат на македонски?“ - ќе ве побијам, затоа што на буквално секое талент шоу од српска продукција кое сум го гледал има барем по еден настап со песна на македонски јазик, или минимум 3 настапи со песни од македонски изведувачи. Сакате да одиме step by step и да ви ги набројам кои се тие? Зошто и тоа би можел. А иако - песните на македонски јазик не се така популарни во Србија како што се песните на српски популарни кај нас што е факт кој никој не може да го побие. Мојот заклучок од ова е дека Србите немаат таква аверзија кон македонскиот јазик и македонските изведувачи како што кај нас има аверзија кон српскиот јазик (и тоа само кога треба да го употребуваат наши изведувачи).
Понатаму: зошто не ви сметаше кога Тоше ги издаваше албумите и на српски и хрватски? Исто и Каролина? Или - последниот албум на Калиопи, „Мелем“ е објавен само на хрватски, македонска верзија на тие песни не ни постои. Јас немам ништо против, затоа што реално кај нас нема фајде од издавање албуми на македонски. Кој ги купува нив? Самите изведувачи? Во Србија и Хрватска колку-толку пазарот на носачи на звук е далеку пораздвижен отколку нашиот. Не сфаќам зошто вам не ви смета кога некој од афирмираните ќе отпее на српски или хрватски, а ви смета кога некој како Даниел Кајмакоски пее на српски?
А го знаете ли фактот дека Тоше Проески со Чија си победи на првото издание на Беовизија, во 2003 година, и требаше да ја претставува Србија на Евросонг, но EBU не даде зелено светло за нив таа година. Тогаш кога МРТ се уште не сакаше да го прати да не претставува нас на Евровизија, тогаш кога некои од нас го нарекуваа педерче и го исмеваа, Србите немаа проблем со тоа да го пуштат да победи на нивниот фестивал и да ја претставува нивната држава на Евросог. А кај нас, на наш фестивал да победи Србин - мислам дека тогаш ќе испоцркате од мака сите. Па и што тролање ќе му удрите...
А, и BTW, во контекст на муабетот зошто Кајмакоски ја пеел „Чија си“: автори на песната се всушност Леонтина Вукомановиќ (музика и текст) и Жељко Јоксимовиќ (аранжман).
Друго: не е ли лицемерие тоа што истите вие кои плукате против српскиот јазик, за Нови години, куќни слави, палење на василичарски и коледарски огнови, на свадби и крштевки кршите чаши на Аца Лукас, Бобан Рајовиќ, Цеца и Тропико бенд? Што, ќе ми кажете дека вие не сте едни од тие кои кршат чаши на српскиот турбо-фолк? Ма немој!
И на крај - еве, и јас не слушам турбо-фолк, ама не ми е срам да признаам дека ги слушам Stray Dogg, The Mothership Orchestra, Zemlja Gruva, Intruder, Goribor, Zoravera, Gusti, Ana Stanic, Lena Kovacevic, Filip Dizdar, Let 3... - повеќето од нив се српски изведувачи и во голем дел пејат на српски јазик. Навистина не сфаќам која е улогата на јазикот во музиката? Зошто не смее да се слуша нешто на српски, а смее на исландски, или шпански, на пример?
_______________
Сето ова е не дека ги бранам Србите, туку за да ви покажам колку лицемерен народ сме и колку тој квази-патриотизам не прави трули одвнатре.
Ако веќе влегуваат двајца требаше он и Маид.
