Аурора Ресорт и Спа, место каде се ужива со сите сетила
15/08/2013
Желни сте за малку мир, спокојство, свеж воздух? Тогаш Аурора Ресорт и Спа е вистинското место за вас. Сместен во срцето на Малешевијата, на брегот на Беровското езеро, ресортот со пет ѕвездичи нуди задоволство на сите сетила. Ресортот, направен по светски еко стандарди, од вулкански камен стар три милиони години и од дрво, одлично се вклопува во природата која плени со своето раскошно зеленило. На 1.100 метри надморска висина, комплексот составен од луксузни куќички со капацитет од 120 гости е одличен избор за бегство од градската врева и дневната рутина.
Има и многу добра причина зошто да го изберете токму Берово за бегство од асфалтирната џунгла. Берово е град со највисока концентрација на кислород на Балканот, а над Беровското езеро минува еден од четирите коридори во светот богати со кислород, покрај Перу, Аљаска и Северна Индија.
А кога чистиот воздух ќе се спои со традиционалната македонска кујна, тогаш не ви преостанува ништо друго освен да заборавите на се и да уживате во беровското сирење, кашкавал, беровски компир, беровски крап, клиси со праз, зелник, баница, јагне на жар, македонска салата и чашка ладна беровска ракија. Сопственикот на ресортот, Славчо Сирачевски, ни ја откри тајната зошто беровското сирење е посебно и толку вкусно. Тоа е мајчината душица, со која изобилува овој индустриски незагаден крај, со која се хранат овците.
И поради тоа што овде се во хармонија со природата, во самиот ресорт и во околината можат да се забележат поставени куќички во кои се остава храна за верверичките, кои се негови редовни посетители. Друштво на верверичките и многубројните птици им прават и пауните што шетаат по дворот, а во зима знае да дојде и по некоја срничка. Во најава е и мала зоолошка градина со домашни животни, на која најмногу ќе се радуваат најмладите.
Џип авантури и кајакарење на мирни води
Ако мислите дека одморот на планина не е толку интересен како на море или езеро, во заблуда сте. Освен отворениот Инфинити базен, во ресортот има уште еден покриен базен. Покрај луксузниот фитнес и спа центар, центарот за масажа и џакузи, ултра модерниот ресторан, ресортот има најразлични понуди за љубителите на природата и за авантуристите.
За оние што престојуваат тука, се организираат сафари џип авантури на пет различни дестинации, велосипедски тури, тенис на трева, а наскоро ќе има и терен за мини голф и коњи за јавање. Беровското езеро не го фаќа ветер за да го разбранува и затоа е идеално место за кајакарење на мирни води. Во соработка со кајакарското друштво, со професионалци, Аурора ресортот ќе стане место каде што ќе можат да се подготвуваат европските кајакари за разни натпревари. Аурора подготвува уште една новина, нешто што е сосема ново за овие простори – летање со балон.
Во ресортот секоја година се одржува сликарска колонија, но уметниците доаѓаат и индивидуално, затоа што овде секогаш имаат инспирација.
За децата има посебно игралиште, а оние што не се многу по шетањето, можат да играат билијард, пинг понг, пикадо, шах, бадминтон…
Комплексот е идеално место и за одржување тим билдинзи, конференции, презентации и секаков вид на политички и бизнис регионални и интернационални настани.
А дека Аурора Ресорт и Спа е нешто посебно, ја потврдува и првата награда што му беше доделена пред неколку месеци во Бугарија за најдобар планински СПА Ресорт на Балканот во конкуренција од осум земји. До крајот на годинава Аурора ќе добие уште едно светско признание, а тоа е The Green Hotel Award за еко хотели што ќе се доделува во Лондон.
http://bi.mk/аурора-ресорт-и-спа-место-каде-се-ужива/
--- надополнето: 21 август 2013 во 09:45 ---
http://auroraresort.mk/index.html