Веста дека во Египет е пронајдена уште една пирамида не вознемири никого посебно во светот на археологијата. Тоа е сто и десетта досега откриена пирамида во Гиза, така што не е сензација ни во археолошкиот свет, иако археолозите овие древни споменици секогаш ги гледаат како "нешто посебно". "Кога ќе се открие гробница или кип е важна работа, но нема ништо повозбудливо од откритие на нова пирамида", изјавил Заки Хавас, директор на египетскиот Врховен совет за антиквитети.
Пирамидите отсекогаш ги фасцинирале луѓето поради мистериите што ги следат четири и пол милениуми, кога се градени.? Масовните камени ридови стојат неподвижно на пустинскиот песок западно од Каиро, тие се цел на милиони туристи, кои се потпишуваат со кармин или спреј во боја, а некои се качуваат на врвот.
Меѓутоа, внатрешноста на овие споменици и понатаму чува безброј тајни, а за нив дури и науката знае сосем малку. Зошто се градени? Како било можно да се подигнат овие огромни споменици? Дали се гробници, религиозни објекти или астрономски опсерватории? Дали фараоновите инженери располагале со градителски знаења, што останале закопани во длабоката историја? Овие прашања ги поставил уште грчкиот историчар Херодот, во чие време тие биле стари 2.000 години.
Меѓутоа, истите енигми траат до денес и, главно, остануваат без одговор. Секако, поставени се уште многу на кои науката не може да одговори. Зошто жилетот, ставен во мини-копија од обичен картон, се остри сам од себе? Поради што телата на животните не се распаѓаат во внатрешноста на пирамидите?
Пирамидите се загадочни не само според чудните дејства и функции, туку и од чисто архитектонски аспект. Пресметано е дека изградбата на една копија на најголемата - Кеопсовата пирамида со денешната технологија е можна, но би чинела цца две милијарди долари и би траела најмалку три години. Тешко е да се замисли како старите Египќани, со својата примитивна технологија, успевале да пренесат и да наслагаат милиони камени блокови. На пример, тогашните бродови немале ни еден метален клин, а од каменоломот, осумстотини километри низводно по реката, пренесувале блокови потешки од педесет тони.
Понатаму, геометриските премерувања покажуваат дека димензиите ги одразуваат растојанијата на планетите во Сончевиот систем, па нашле дека косата страна на Големата пирамида е еден милионит дел од растојанието меѓу Земјата и Сонцето.
Со најсофистицирани инструменти е утврдено дека во внатрешноста на пирамидите електромагнетските, вселенските и другите видови зрачења се пренасочуваат. Не може да се објасни механизмот на дејството, но се знае дека кај сите видови зрачења настанува вистинска збрка која, за да биде чудото поголемо, дејствува врз живите организми и предметите.
Така е утврдено дека животните што залутале во лавиринтот ходници и пцовисале не се распаѓаат, туку се мумифицираат по природен пат. Процесот на мумификација прв го открил Французинот Антоан Бови во триесеттите години, кој подоцна истиот метод го користел за чување на свежината на овошјето и зеленчукот.
Кон крајот на четириесеттите години чехословачкиот радиотехничар Карл Дрбал открил дека ножето за бричење, или жилетот, се остри сам од себе ако се стави во картонска пирамида. Тој го патентирал својот изум, со кој се гарантира употреба на истиот жилет четири месеци.
Најновите истражувања ги спроведоа американските научници Бил Керел и Кети Гогин, кои забележале извонредно интересни резултати. Вкусот на храната сместена во внатрешноста на пирамидите бил подобрен: кафето било помалку горчливо, овошните сокови послатки, виното помалку скоминаво. На некое деветгодишно девојче, искасано од комарци, му ставале два вида облози - од обична вода и од вода чувана во лабораториската пирамида. Се покажало дека втората веднаш го запрела чешањето.
Други истражувања покажале дека ако над глава се стави пирамида, потребни се помалку часови спиење, а сонот е поздрав и помирен. На одредена група испитаници им биле врзани очите и на половината од нив, без нивно знаење, над главите им биле ставени пирамиди. Сите испитаници биле поврзани со апарат за електроенцелографија. На лицата во групата со пирамиди за 30 секунди им се зголемила фреквенцијата на алфа и бета-брановите во мозокот, а нивната амплитуда била двојно повисока од вообичаената.
Саркофазите на некои фараони покажуваат дека пирамидите биле градени како кралски гробници, но можно е да имале друга намена. Прво, има повеќе пирамиди отколку што имало фараони. Второ, во многу од нив нема ни трага од саркофази, мумии, накит или други обележја на погребните обичаи од тоа време, и тоа без траги од пљачкање.
Многу реченици кои тераат на размислување нели лет 3
