- Член од
- 17 октомври 2011
- Мислења
- 13.814
- Поени од реакции
- 33.667
Andor, или Star Wars: Andor, е американска научно-фантастична ТВ серија креирана од Тони Гилрој за Disney+. Тоа е четврта live-action серија во Star Wars франшизата, по The Mandalorian, The Book of Boba Fett и Obi-Wan Kenobi. Всушност е prequel на stand-alone филмот Rogue One (2016) и првиот Star Wars филм (1977). Серијата го следи поранешниот крадец, сега бунтовник Касијан Андор за време на петте години кои претходат на случувањата од двата погореспомнати филмови.
Диего Луна ја репризира улогата на Касијан Андор, но тука е и извршен продуцент. Во другите улоги глумат: Кајл Солер, Адриа Арјона, Стелан Скарсгард, Фиона Шоу, Феј Марсеј и др. Серијата беше најавена од Lucasfilm во 2018 уште, а заради COVID пандемијата, снимањето започна во ноември 2020 и заврши скоро година дена подоцна. Премиерата на првите три епизоди беше на Disney+ во септември 2022, а останатите епизоди излегоа во ноември 2022. За разлика од останатите серии од Star Wars универзумот, Andor беше окарактеризирана од критиката како најзрелата, најкомплексна приказна меѓу ѕвездените патеки. Втората сезона на истата е најавена, треба да ја заокружи приказната која понатаму продолжува во Rogue One филмот, но заради тековните протести на сценаристите и актерите во Холивуд, снимањето беше одложено.
Andor, меѓу другото, заработи три номинации за тековните ЕМИ награди и уште 5 номинации за Creative ЕМИ, меѓу кои и номинација за најдобра драмска серија (што и ме доведе мене до неа, и заради што и ја отворам темава, зашто знам дека серијата има гледачи на Кајгана, а и дека оние кои ја немаат гледано, би требало да ја ѕирнат). За мене, искрено, првите 2 епизоди беа многу конфузни, неинтересни, и бев убеден да ја прекинам доколку и третата епизода е иста. Но за среќа, токму третата епизода беше таа која ме навлече, и иако ги немам гледано другите 3 live action серии (а гледани сите Star Wars филмови), сметам дека ова вреди да се ѕирне. Па чекам да кажете што мислите.
