Што читате во моментов? (со краток коментар)

[Сатори]

Од Табернакул ја имаш земено или од друго место? Малце стар беше постот али ти текнува валда

Табернакул.Да.

 

[langelina]

Пред две лета се обидов ја да читам Браќа Карамазови ама неуспешно... мислам дека преводот беше ужасен, во издание на Табернакул...Сега сакам да ја почнам од ново, на српски се разбира.

Јас ја го читав постарот издание на Карамазови и имаше пропусти во преводот, ама не до толку да ја расипат книгата. Многу ги сакам руските романописци и често им се навраќам. „Браќата Карамазови“ е недовршена и малку се забележува тоа на крајот, ама не ја намалува нејзината вредност. Тоа е најдобриот роман од Достоевски.

 

[Chanel]

Моментално ја читам "Малечката Фадета" од Жорж Санд.

 

[BilboBaggins]

Орвеловата 1984-на одличен и интересен начин прикажано дистопиското општество управувано од Големиот Брат и Партијата низ очите на бунтовникот Винстон.

 

[FuckYouAll]

Сидарта од Херман Хесе
Прееска ја дочитав и искерно да ви кажам не ми е најјасна поентата на книгава.
Само знам дека дур не ја дочитате немојте да ја затворите.

 

[Гладиус]

Последната кинеска кралица - Анчи Мин
Книгава е буквално за последната кинеска кралица. Анчи Мин истражувала документи од Забранетиот град во Кина, прашувала жители за преданија, ги читала менијата за јадење на кралицата и на уште многу други начини дознавала за вистинскиот животот во палатата за да може што подетално да го долови животот во неа како и случувањата кои довеле до пропаѓањето на кинеското царство. Застапена е секој можен аспект на животот, од трагедии до еротски сцени.

 

[Mary Poppins]

Џејн Ер - Шарлот Бронте
Приказна за сирачето Џејн, кое не знае ништо за своето семејство, а израснува заедно со братучедите и нејзината вујна. Се однесуваат лошо со неа се' додека таа не почне да реагира на навредите што е и причината да ја пратат во училиште за сирачиња. Откако добива работа како гувернанта во куќата на господинот Рочестер, нејзиниот живот се променува....

 

[Ted Dettman4e]

Само што ја завршив книгата од Алан Дершовиц - Писмо до младиот адвокат, каде што Дершовиц го презентира богатството на своите искуства и страста на сопсвените верувања во есеи за животот, правото и за тоа што значи да се биде добар адвокат и добра личност. Тој прави убава работа со тоа што на новаците им укажува во што се влегуваат со завшувањето на правниот факултет. Must Read за сите правници.

 

[Mark Renton]

Септемвриски светлини - Зафон.. Дел од Трилогијата на маглата во која спаѓаат и Принцот на маглата и Полноќна палата.

 

[Opsessive fangirl]

Во моментот повторно ја дочитувам Ана Каренина.. нема што многу да се зборува за книгата која претставува ремек-дело на рускиот реализам. Детално обработени приказни, комплексноста на карактерите на сите ликови и проблемите кои ги доживуваат руските семејства во 19 живеејќи на висока нога, прават да не ја испуштите книгата од раце.

 

[Chanel]

"Авантурите на Артур Гордон Пим". Уште едно ремек дело на Едгар Алан По.

 

[Setsuko]

"Авантурите на Артур Гордон Пим". Уште едно ремек дело на Едгар Алан По.

Ми стои во фиока од поодамна. Ги почнав првите неколку страни. Доста се разликуваше стилски од она што го имам читано во раскази.
Нешто подетално, што ти се допаѓа, што е карактеристично, зошто би го препорачала?

 

[Chanel]

Ова е единствениот роман на Е.А. По и може да се каже дека во него самиот автор ги изразува своите интересирање и преокупации. Се работи за авантуристички роман, главен лик е момчето Артур Гордон Пим кое е желно за поморски патувања и авантури и заедно со својот другар ќе започнат едно такво патешествије. Но, уште на почетокот работите нема да бидат ткви како што тој си ги замислуваат, и водени од судбината влекуваат од една во друга авантура. Најинтересно е тоа што крајот не е зачуван и можеш само да нагодуваш што ќе се случи следно. Прекрасно дело на големиот мајстор. Вреди да се прочита.

 

[la-loca]

Спутник љубов од Харуки Мураками...
Нараторот зборува за неговата најблиска пријателка Сумире и за љубовниот триаголник во кој ке се најдат. Помалку чуден триаголник
Прв пат читам книга од овој писател, но може да кажам дека премногу добро ги опишува сцените, буквално те внесува на местото на настанот (се разбира, визуелизирано на свој начин)

 

[Mary Poppins]

Принцезата Султана - Џин Сасон
Автобиографија која топло ја препорачувам на сите.
Книга која зборува за упорноста на една жена да ги добие своите права во еден свет во кој мажите го имаат последниот збор.