Првиот проблем е што бездомник не ни може да стигне до солидарното кафе или оброк, уште на врата го исфрлаат за да не им додева на гостите и припадниците на градскиот крем да можат на раат да го испијат своето кафе или да го изедат својот оброк без да мора да гледаат беда и партали
Гулаб писмоносец[DOUBLEPOST=1414487936][/DOUBLEPOST]Второ и многу поважно
Во последниве 25 години жителите на Македонија (генерално и Балкан) беа жртви на секојдневни и разновидни ИЗМАМИ
Почнувајќи од неисполнети предизборни ветувања
Работниците своите акции им ги дадоја на управување на директорите или им беа купени за минимални пари, за потоа преку ноќ да останат на улица (технолошки вишок, отказ, стечајци), а директорите преку ноќ да станат сопственици на опшествените претпријатија
Пирамидални штедилници од типот на ТАТ
Градешни измами од типот на Фиком каде луѓе се заглавија со кредити, а останаа без покрив на глава
Агенции кои посредуваат за работа на брод, во странство и слично, а кога доволен број ќе уплатат за наводни документи, на агенцијата и се губи траг и глас
Туристички агенции кои рекламираат и нудат незаборавен одмор во вила со 5 ѕвезди, а кога ќе стигнете таму ве сместуваат во колиба без топла вода и основни хигиенски услови
Хуманитарни концерти каде што ангажираните музичари прво го земаат својот хонорар, а ако случајно нешто остане оди за добротворни цели (чест на исклучоци - Тоше беше еден од ретките кои се откажуваше од хонорарот)
Волонтери во Црвен Крст кои собраната помош ја пребираат и она што може да го употребат го носат дома, а бескорисните остатоци ги делат по загрозените граѓани
Луѓе со документи за дете болно од рак, леукемија или друга тешка болест, кои одат од врата на врата и бараат пари за операција, но кога ќе им побараш жиро сметка претпочитаат кеш, а кога ќе налетаат на некој што ги познава бегаат како ѓаво од темјан
Луѓе што собираат донации за изградба на непостоечка црква или постоечка црква, но црковниот одбор од таа црква ниту слушнал за нив, ниту пак овластил некого да собира донации
Жени кои одат од врата на врата и бараат помош за гладните деца, но кога место пари ќе им дадеш храна и облека, се лутат и ја фрлаат
Деца кои бараат 5 денари за леб, но кога ќе им дадеш леб не го сакаат, бидејќи тој што ги принудил да просат на улица ги оставил за пари, не затоа што се гладни
Лажни инкасатори кои ограбуваат постари граѓани
Наградни игри во кои сте добитници на патување, но треба само да го платите данокот кој чини повеќе од цената на патувањето
итн, итн, итн
Просечниот македонец е толку параноичен кога некој му бара помош или пари, што дури кога роденото дете ќе му побара пари за на учииште или за излегување во тоа гледа ЗАВЕРА
Затоа и не е чудно што многумина претпочитаат да им помагаат на бездомните и напуштени животни, отколку на луѓе. Животните не лажат, не прават измами и не ја зоупотребуваат вашата доверба.
Во моите средношколски денови (живот во интернат, со помалку од скромен буџет, повремени гладувања и слично) на меѓуградска автобуска последните пари и ги давам на една жена која проси со своето дете (наместо да купам тост за себе), за потоа истата таа жена да ја видам како пуши Марлборо и пие Кока Кола.
Нормално потоа секоја следна слична случка ја гледаш низ призмата на предходното искуство.
Нормално, ваквите измами не се причина да станете параноични и ДА ЈА ИЗГУБИТЕ ВЕРБАТА ВО ЛУЃЕТО. Доколку во Македонија сметате дека некому е потребна помош, ПОМОГНЕТЕ МУ, но директно, без посредници, агенции, организации, здруженија. Само така вашата помош ќе стигне на вистинското место без да биде ЗЛОУПОТРЕБЕНА.
Ако некој е навистина гладен однесете го на ручек или до најблиската сендвичара, ако некому требаат алишта купете им облека или донирајте ги алиштата што веќе не ги носите, ако некому треба покуќнина купете им или дајте им ја вашата што не ја употребувате. Секоја донација во пари овозможува злоупотреба. Децата просјаци доколку успеат да скријат дел од парите од оној што ги приморува да просат, ќе ги искористат за да купат цигари или лепак. Бездомниците парите ќе ги употребат да купат вино или ракија и слично. Со давање на пари вие само им ја продолжувате аггонијата. Ако сакате да им помогнете бидете луѓе и ПОМОГНЕТЕ ИМ.
Плаќањето на кафе плус само и помага на вашата совест, но не и на луѓето на кои им треба помош.