ми фали мене нешто во главата
ми фали едно топло литар ипол горско. ми фали охридската услуга. ми фалат дупиките по улиците. ми фалат вестите. ми фали најскапото кафе у свет на кејот на вардар. ми фали "дупла петка" и "дупла двојка".. особено кога оние од ЈСП се тркаат со приватниците. Навечер сонувам како се варам ко костен во истиот црвен автобус (во лето) и прокиснувањето (во зима). Ми фали таткото на другар ми, за да ми скине некоја казна. Ми фали да поминам на црвено. Ми фали да возам колку сакам, и пијан. Ми фалат басовите од Колосеум, донца навечер, кога спијам. Ми фали ладната пица од Фреш. Ми фали калот во центар. Ми фалат милионите шишиња во Вардар, особено кога е надојден. Ми фалат заебанциите по шалтери. Ми фали да се паркирам на плоштад. Па снемувањето струја, у сред утакмица и тоа.. ми фалат кучињата кои шетаат слободно низ скопје спремни во секој момент да те изедат како коскичка. Ми фали кога се враќам дома и кога е мртва темница на улуца.. одам по осет, по ориентација, пошто ништо не гледам. Скопските таксисти. Ми фали Амди Бајрам. Скара за први, втори и трети мај, особено ако го спојат со четврти пети и шести.. и таман да се фати после сабота недела...продужен викенд де.. Скопските полициајци (шерифи). Престава во драмски за 50 денари. (а кафе на кеј 100 денри, замислете?!) Многу работи ми фалат.. ...ама ете.. сум можел и без нив
бурек од цујо. боза од апче. сладолед од палма. тост жан-мари. шопска со домашна лута. Ганза, Идадија, Маракана, Ринг (екс)... Водно. Матка. Маврово. Радика. Љубаниште. И така натака..
jea:
