Економија и образование
Градот Штип во минатото и денес важи за град - центар на текстилната индустрија во
Македонија. Некогашните текстилни комбинати-гиганти „Македонка“, „Астибо“ по распадот на
СФРЈ и паѓањето во стечај, денес се поделени на повеќе приватни текстилни фирми кои успешно пласираат производи на домашниот и странските пазари. Во Штип исто така е развиена и чевларската индустрија, во која денес спаѓаат повеќе приватни фирми на местото на некогашниот комбинат „Баргала“. Особено голем е развојот на прехрамбената индустрија која исто така во најголем дел е во приватна сопственост како што се повеќето приватни масларници (меѓу кои најпозната е „Брилијант“), кондиторски фабрики (за слатки, кремови итн.), млекарници и приватни винарски визби („Имако“ и др.) кои успешно го преработуваат грозјето од штипско-виничкото виногорје. Сепак во градот има голем број на невработени стечајци, поранешни работници во текстилните комбинати.
Во градот работат и повеќе гимназии, стручни и музички училишта. Од 2007 година во Штип е формиран и четвртиот државен универзитет
Универзитет „Гоце Делчев“ - Штип. Во состав на универзитетот влегуваат рударско-геолошкиот факултет, педагошки факултет, факултет по информатика, економски факултет, факултет по музика, виша медицинска школа, правен факултет во
Кочани и земиоделски факултет во
Струмица.
Архитектура и локалитети
Штип има еден добро зачуван
манастир од
14 век и рушевини од неговиот стар
замок кој го надгледува градот од ридот Исар. Безистенот, масивна камена градба која порано била затворен пазар (но сега е уметничка галерија),е остаток од исламското влијание во градот. Во старите делови на градот (и особено во населбата Ново Село) некои куќи се градени по стар македонски стил на архитектура. Градот под Исарот ги има и лековитите сили на бањата Кежовица, како и рушевините на античкиот град
Баргала.
Уметност и култура
Штип е домаќин на најголемиот фестивал на забавна музика во Македонија,
Макфест. Тој се одржува веќе преку две декади, секој ноември во културниот центар "Ацо Шопов". Другиот поголем културен настан е
Штипско Културно Лето, фестивал кој трае цел месец и се одржува од 1ви јули до 1ви август, почнувајќи од 1987.
[1].
Медиуми
Штип е богат со различни медиумски установи. Првата приватна телевизија во Македонија, „ТВ Теко“, е формирана во овој град. Денес се активни телевизиските станици „
ТВ Ирис“ и „
ТВ Стар“. Штип е дом и на повеќе радио станици, меѓу кои се истакнува „
Канал 77“
web site, првата приватна радио станица која моментално има проширена мрежа низ североисточниот дел на земјата. Други поважни станици се "
Радио Штип"
web site и ромската станица „
Радио Черења“
web site. Локалниот весник се нарекува „
Штипски Весник“.
Маала
Штип е поделен на многу маала, две од нив се
Леваците и
Деснаците, ситуирани на левата и десната страна од горниот тек на реката
Отиња.
Отиња тече низ центарот на Штип и го дели на два деле пред да се влие во реката
Брегалница во јужниот дел на градот, во
Штипско Ново Село. Штипско Ново Село е во јужниот дел на градот, и продолжува во
Кежовица маало кое се простира до Кежовица минералните геотермални извори. Ново Село е едно од најстарите маала, и за време на турското ропство било единствен дел од Штип каде живееле
Македонци, додека во останатиот дел од Штип живееле претежно
Турци,
Власи и
Евреи. Истовремено е познато и како селото во кое дел од својата просветителска дејност ја поминал познатиот македонски револуционер Гоце Делчев.
Централниот дел на Штип, помеѓу Трговскиот Центар и Градската Црква обично не се води како маало, а се нарекува едноставно Центар.
Исарот е друго интересно маало на падините на истоимениот рид и има најубав поглед на целиот град. Интересно маало е и Раданскиот пат каде претежно живеат припадници од Ромска националност. Од останатиот дел на градот од постарите маала се и Стар Конак (близу до музичкото училиште) и Кадидере. Од поновите маала изградени претежно по Втората светска војна се Осми Ноември (според денот на ослободувањето), Сењак (1-4) Пребег, Дузлак и други.
Познати личности
За автоматски генерирани листи на лица родени или починати во Штип, погледни: Категорија:Родени во Штип и Категорија:Починати во ШтипЗа мануелно оджувани листи на лица родени или починати во Штип, погледни ги статиите: Родени во Штип и Починати во Штип