Цитати

[BilboBaggins]

"Човек го запознава светот, го запознава јазикот за опис на светот, но не се запознава себеси. Повеќето луѓе - речиси сите, како што сметам - до смртта нема да го научат јазикот на којшто би можеле да се опишат себеси.

Кога за некого велам дека е кукавица, тоа значи оти сметам дека тој се однесува кукавички - тоа не значи ништо повеќе, бидејќи секако нема да му ѕирнам во длабочината на душата и нема да дознаам дали е кукавица. Сепак, тој јазик не можам да го употребам да се опишам самиот себеси: во опсегот на моето искуство јас останувам единствената личност за која нејзините зборови, чинови и отстапки, претставуваат едвај блед и всушност случаен одраз на она што се крие под нив, што ја претставува нивната причина и извор. Постоењето на овој извор непосредно го доживувам во времето кога за дел од моите постапки воопшто не сум свесен, а сите ги восприемам на нецелосен, искривен начин. Самите секогаш последни дознаваме каков идиот во друштвото сме направиле од себеси. Подобро ја знаеме намерата на нашите чинови, отколку овие чинови. Знаеме кој сакаме да бидеме - не знаеме кој сме.

Јазикот за опис на нашите постапки постои, бидејќи таа реалност ја искусуваат мноштво луѓе и можат меѓу себеда продискутираат за нечија демонстративна љубезност или нечија faux pas. Јазик за опис на мене самиот не постои, бидејќи таа реалност не ја доживува никој друг освен јас.
Тоа би бил јазик за употреба на една особа, неискажлив, незапислив. Секој мора самиот да го создаде. Повеќето луѓе - речиси сите, убеден сум - до смртта на тоа не се одлучуваат. Единствено во себеси си ги повторуваат туѓите описи на сопствената личност, искажани на овој деривиран јазик - на јазикот од втор вид - или си замислуваат што на тој јазик за себеси би кажале, доколку би им било овозможено одвнатре да се видат себеси.

За било што за себе да кажат, мораат самите за себе да се сторат туѓинци."

-Јацек Дукај, Мраз

 

[khz777]

 

[Saladin]

„Предноста на соло патувањето во друг град е тоа што можеш да го постигнеш идеалот на незабележливост. Во сопствениот град никогаш не можеш целосно да бидеш странец. Во овој случај странецот доаѓа до полн израз, и навистина е прекрасно додека се шеташ низ улиците на странската метропола, а секој си брка своја работа и воопшто не те забележува. На тој начин се постигнува „абсолут“ во анонимноста, па дури за момент почнуваш и самиот да се прашуваш дали си тоа ти, или тоа е некој странец кого го набљудуваш отстрана додека со својот фотоапарат ги разоткрива најскриените градски тајни во улиците кои се туѓи, но со самото нивно фотографирање, сепак некако блиски и познати.“

„И таа знаеше дека нема потреба од зборови. Нејзиниот грб раскажуваше многу приказни, иако не сум сигурен дали тие се доживеани, или се само отсонувани и силно посакувани. Таа беше млада, но имаше амбиција да влезе во светот на шоу бизнисот, и оваа фотосесија многу и` значеше. Имав чувство дека можам што сакам да правам со неа, но морав да остана професионален, бидејќи градот е мал, а суетите неверојатно големи.“
Игор Анѓелков - „Фотосинтеза“

 

[.Sky.]

„Оној кој го следи патот на љубовта, преминува илјадници чекори како еден”- Јапонија

Ако некогаш посакаш душата да ти танцува во облаците, во одреден дел од танцувањето ќе мора да претрпиш молњи и да го вкусиш невремето. - Кристофер Поиндекстер

Тишината е прекрасна, не чудна. Човечката тенденција да се плаши од нешто убаво е чудна. - Елиот Кај

„Наместо да размислуваш каде ќе биде твојот следен одмор, можеби е подобро да изградиш живот од кој нема да имаш потреба да бегаш“ – Сет Годин

 

[MonaLiza]

„Ти си посебен, но посакуваш да си ист како останатите. Обичен. Тоа е сериозна болест.”
- Пауло Коељо

 

[Miss.Independent]

"За жал, има разочарувачки моменти од македонската историја, кои покажуваат неединство, истребување, убиства... Во едно семејство ќе најдете еден брат за Грците, друг за Бугарите трет за Србите. Ќе најдете луѓе од тогашната организација кои биле разединети и политички и идеолошки, но ќе најдете и Македонец кој е навистина Македонец што и мислел добро на Македонија"- Снежана Лупевска Созен

 

[Толстој]

„Но времето лета, летаат и лета
и Смрта ќе стигне набргу крај брегот
Со црна 'ил бела коса
ќе следам јас сегде сенчичика од ларви:
по најжешко сонце и по глечер-снегот
се додека суден ден ми смрачи поглед„

Канцониерот - Франческо Петрарка

 

[Ipsissimus]

Во просечното човечко суштество има доволно
предавства, омраза, бесмисленост и насилие
за да се опреми било која војска во било која доба.
Најдобри убијци се оние кои проповедаат против убивањето,
најдобро мразат оние кои проповедаат љубов,
и, конечно, најдобро војуваат оние кои проповедаат мир.
Тие што го проповедаат бога, ним бог им треба,
тие што проповедаат мир, мир во себе немаат,
тие што проповедаат љубов, љубов не знаат да дадат.
Варди се од проповедниците, варди се од упатените.
Варди се од оние кои постојано читаат од книги.
Варди се од оние кои ја презираат сиромаштијата
или се гордеат со неа;
Варди се од оние кои се брзи со пофалбите
бидејќи брзо ќе ти бараат назад пофалби за нив.
Варди се од оние кои лесно и набрзина осудуваат,
тие се исплашени од она кое не го знаат.
Варди се од оние кои постојано
се приклучуваат кон мнозинството
бидејќи се ништожни како сами.
Варди се од просечен маж и од просечна жена,
варди се од нивната љубов,
таа е просечна и бара просечност.
Но, постои генијалност во нивната омраза,
доволно генијалност за да те убие тебе
или било кого.
Не барајќи осаменост,
не разбирајќи ја осаменоста,
тие ќе се обидат да го уништат сето она
кое е различно од нивниот светоглед.
Неспособни да создаваат уметност,
тие уметноста и не ја разбираат
па својот неуспех како творци тие го припишуваат
како неуспех на целиот свет.
Неспособни посветено да љубат,
тие ќе веруваат дека твојата љубов е нецелосна
и тогаш тие ќе те мразат
и нивната омраза ќе биде совршена,
како блескав дијамант,
како нож,
како планина,
како тигар,
како пелин -
тоа е нивната најчиста уметност.

“Генијалноста на мноштвото“ - Чарлс Буковски

 

[MonaLiza]

Предноста да си паметен е тоа што секогаш може да се направиш будала, додека спротивното е апсолутно невозможно. - Вуди Ален

Луѓето велат дека животот е краток и дека никој не знае дали утре ќе го удри автобус, па затоа треба да живееме на начин, на кој што утре е нашиот последен ден. Глупости. Животот е долг. Најверојатно нема да ве удри никаков автобус и ќе треба да живеете следните 50 години со одлуките што сте ги донеле денес. - Крис Рок

Дај ми обичен службеник со цели во животот и ќе го претворам во човек кој ќе влезе во историјата. Дај ми човек без цели и ќе ти го вратам како обичен службеник. - Џ. K. Пени

 

[Толстој]

 

[razbirashh]

-Љубовта се ρаѓа од љубопитност,а тρае од навиκа.

-Сρамота е да си сиρомашен во богата земја,и богат во сиρомашна.
-Κонфучие

-Κога ќе ви застане κомаρец на тестисите,тогаш сваќате деκа неκои ρаботи можат да се ρешат без насилство.
-Индиρа Ганди

 

[Ipsissimus]

Повеќе биолошки студии докажале дека жабата не реагира на загревање на водата доколку во лонецот е ставена заедно со водата во која живеела. Воопшто не реагира на постепеното покачување на температурата, на промената на околината, така да кога водата ќе зоврие, жабата умира надуена и среќна. Од друга страна ако ја фрлиме жабата во врела вода,таа веднаш би скокнала. Ќе помине со изгореници, но сепак ќе остане жива.
Веќе сум се однесувал како варена жаба. Не ги забележував промените. Мислев дека се е во ред, дека се ќе помине, дека е само прашање на време.
Наместо да реагираме, апатично лебдиме над водата која од минута во минута се повеќе се загрева.
Има уште многу варени жаби кои сеуште веруваат дека послушноста а не компетентноста е основа на се. Наредува оној кој може, а слуша оној кој има разум. А каде е тука вистината??
Подобро е од некоја ситуација да излезеш со изгореници, ама сепак жив и спремен за акција.

,,Победникот е сам,, - П. Куељо

 

[Miss.Independent]

„Зашто жената – тоа ти е брате, ѓаволот знае што е, барем нив добро ги познавам! Само обиди се пред неа да ја признаеш сопствената вина: ‘Виновен сум’, – речи – ‘прости ми, извини’ – ќе ти упати цел порој префрлања. Воопшто таа нема да ти прости веднаш и просто, туку ќе те понижи како крпа, ќе ти го нареди и она што не било, сѐ ќе земе, ништо нема да заборави, дури и ќе додаде нешто свое, и дури тогаш ќе ти прости. И тоа најдобрата, најдобрата меѓу нив! Ќе ти истружи сѐ што може, потоа сѐ ќе ти натовари на главата – во нив се крие некакво мршојадство, во сите до последната, во тие ангели, без кои не можеме да живееме.“
-Достоевски

 

[.Sky.]

„Ни љубовта и омразата меѓу клучот и катанецот, ни притаената светлина во купениот кибрит;
ништо не е повидливо од твојата трага пред мене и зад мене, со мене и во мене.

- Петре М. Андреевски​

 

[Kangchenjunga]

Во мојата куќа. Еден ден ќе ослепиш. Како мене. Ќе бидеш седнат некаде, изгубен во празнотијата, засекогаш во темница. Како мене. Еден ден ќе си речеш, уморен сум, ќе седнам и ќе седнеш. Потоа ќе си речеш, гладен сум, ќе станам и ќе си направам нешто за јадење. Но нема да станеш. Ќе си речеш, не требаше да седнам, но веќе кога сум седнат, ќе останам да седам уште малку, потоа ќе станам и ќе си направам нешто за јадење. Но нема да станеш и нема да си направиш нешто за јадење. Ќе го погледаш малку ѕидот, а потоа ќе си речеш, ќе ги затворам очите, можеби малку ќе поспијам, потоа ќе биде подобро и ќе ги затвориш. А кога повторно ќе ги отвориш, нема повеќе да има ѕид. Бесконечноста на празнотијата ќе биде околу тебе, а сите воскреснати мртви од сите времиња нема да ја исполнат, ти ќе бидеш како мало зрнце песок во средината на една степа. Да, еден ден ќе дознаеш како е, ќе бидеш како мене освен што ќе немаш никој, бидејќи ќе немаш милост за никого и никој ќе нема милост за тебе.

Семјуел Бекет ~ Крајот на играта​