Хороскоп, хороскопски знаци (општо)

[FuckYouAll]

Вага а подзнак Лав..........растурам.:p

Ако знајт некој нешо за оваа комбинација нека пишит.

 

[Мачорка]

Вага а подзнак Лав..........растурам.:p

Ако знајт некој нешо за оваа комбинација нека пишит.

http://www.brija.com/forum/index.php?topic=18078.0

Еве ти линк каде што ќе можеш да си прочиташ нешто за твојата комбинација, а богами и за сите други.На српски е, ама мислам дека ќе се снајдеш.

 

[Ендорфиниус]

Астрологијата и трошењето пари

Огнените знаци овен, лав и стрелец сакаат максимално да го живеат моментот и бидејќи тие длабоко веруваат дека Господ повторно ќе ги награди еден ден, не ни помислуваат на опцијата штедење. Авантуристи во душа, стрелците и овните најверојатно со парите би испланирале некое егзотично патување или можеби ќе почнат да тренираат некој скап спорт. Лавот можеби ќе одлучи да организира забава или ќе си купи скапа дизајнерска облека, а можеби и автомобил каков што отсекогаш посакувал. Огнените знаци се дефинитивно најмалку скромните знаци во зодијакот, а лавовите особено треба да бидат внимателни со парите и да избегнуваат лоши инвестиции.

На земјените знаци бик, девица и јарец им е многу важна финансиската сигурност, поради што тие се доста внимателни со парите и нивните навики за трошење. Бикот и јарецот сакаат да имаат тргнато некој денар на страна за „црни денови“. Девицата пак, би си купила нешто практично кое ќе ù послужи во нејзиниот дом или канцеларија. Јарецот ќе се почести себеси со некој квалитетен подарок, со кој ќе ги импресионира неговите пријатели и колеги. Бикот најверојатно би се наградил себеси со некој убав обилен оброк или вкусен десерт.

Воздушните знаци близнаци, вага и водолија немаат баш некој осет за трошење пари, особено вагата и водолијата. Вагата несомнено ќе отиде на голем шопинг, а потоа ќе организира екстравагантна забава. Близнаците можеби би отишле со парите некаде на патување или сериозно ќе си го преуредат нивниот дом во центар за забава. Водолијата најверојатно би си купила некој најсовремен технолошки гаџет и би си уплатила летен одмор на најубавото место на светот.

Водните знаци рак, скорпија и риби се заштитнички настроени кон парите. Ракот наместо за себе, би купил подароци за членовите од неговото семејство и евентуално ќе организира забава за да ги почести најблиските пријатели. Остатокот од парите ќе го сочува за во иднина. Скорпијата најверојатно нема да дозволи никој да разбере дека таа дошла до некои пари. Рибата ќе си го подигне моралот со нов автомобил или ќе го збогати нејзиниот гардеробер со неколку нови парчиња облека, но остатокот со сигурност ќе го тргне на страна и ќе го чува за некоја друга крупна цел.

http://www.kafepauza.mk/astrologija/astrologijata-i-troshenjeto-pari/

 

[Frankie Yale]

Астрологијата и трошењето пари

Огнените знаци овен, лав и стрелец сакаат максимално да го живеат моментот и бидејќи тие длабоко веруваат дека Господ повторно ќе ги награди еден ден, не ни помислуваат на опцијата штедење. Авантуристи во душа, стрелците и овните најверојатно со парите би испланирале некое егзотично патување или можеби ќе почнат да тренираат некој скап спорт. Лавот можеби ќе одлучи да организира забава или ќе си купи скапа дизајнерска облека, а можеби и автомобил каков што отсекогаш посакувал. Огнените знаци се дефинитивно најмалку скромните знаци во зодијакот, а лавовите особено треба да бидат внимателни со парите и да избегнуваат лоши инвестиции.

Jas sum oven a istotaka i zatucan ateist/nihilist i sto da pravam sega? Pogolema glupost od horoskop, amin boze. Ne veruvav vo astrologija ni koga bev teist.

 

[не ми крадат повеќе солзи]

некогаш да некогаш не но да заокружам да верувам во хороскопи, натални карти и слично

 

[Ендорфиниус]

Астрологијата и времето потрошено за себе

Овен

Вие тежнеете да се чувствувате комплетно слободни и ако немате доволно простор за да лутате низ животот, постанувате намуртени и нерасположени. Вашите индивидуални активности треба да вклучуваат елементи на ризик и авантура, бидејќи во спротивно ќе ви стане здодевно. Уживајте во вашата независност, додека си ги тестирате вашите способности во некој нов спорт или некој смел, авантуристички потег.
Бик

Негувањето на вашите сетила, може да ве подмлади и да ви помогне да уживате во времето поминато сами со себе. Поминувањето повеќе време во природа, исто така ќе ви помогне да се поврзете со сопственото „јас“. Потрошете пари на добра масажа, спа-третмани или искачете се на планина и ќе се потсетите себеси, што значи да се чувствувате прекрасно во сопствената кожа.
Близнаци

И покрај тоа што вие сте многу социјализирана и комуникативна личност, понекогаш сакате да поминувате време и сами, но само доколку тоа време, вклучува некаква ментална активност. Вие уживате кога ќе се тргнете настрана од светот и ќе прочитате нова книга, ќе решите тежок крстозбор или ќе научите нешто ново.
Рак

Да бидете сами, не ви звучи воопшто страшно. Вам ви е секако потребно време подалеку од луѓето во вашиот живот, за да ù дадете доволно простор на вашата имагинација да работи. Особено уживате кога имате време да ја апсорбирате исцелителната моќ на водата. Направете си топла бања и капнете неколку капки етерично масло за релаксација или посетете некоја минерална бања и вклучете ја фантазијата да ви работи.
Лав

Вам ви е тешко да бидете сами некаде каде што ќе немате публика која ќе го следи вашиот „перформанс“, но и тоа може да се случи. Вие уживате во креативно поминатото време. Без разлика дали преферирате уметност, музика, глума или пишување, вклучете ја вашата страст и изразете се себеси преку вашиот омилен медиум.
Девица

Како хороскопски знак кој се воздржува од многу нешта во животот, вие уживате да поминувате време насамо. Кога сте сами, вие ја цените приликата што ви се пружила да ги процесирате екстерните искуства кои сте ги искусиле во вашиот живот и да ги конектирате со вашето внатрешно „јас“. Повлечете се некаде во природа, на чист воздух, каде ќе можете да ги разрешите вашите дилеми.
Вага

Поради вашата фокусираност кон љубовните врски, може да ви биде тешко да се повлечете во сопствените мисли извесен период. Но, ако ја одберете вистинската активност за вас, веднаш ќе ги почувствувате бенефициите од независноста. Јогата или медитацијата можат да ви помогнат да си создадете внатрешен мир и да си ја пронајдете рамнотежата, по која толку многу копнеете.
Скорпија

Развивањето на длабочината на вашата душа вам ви е битна задача во животот, така што немате никаков проблем да си свикувате редовни состаноци сами со себе. Ослободете ги чувствата и спомените кои прават да се чувствувате заглавени во времето. Водењето дневник или нешто слично, ќе ви помогне да се ослободите од багажот од минатото и ќе ви ја врати енергијата и еланот.
Стрелец

Вие сакате соло авантури и потребно ви е само да одберете насока и да се упатите натаму. Доколку физичкото патување не ви е доволно, тога препуштете се на менталното. Прочитајте некоја книга, која ќе ви даде нова перспектива во животот и која ќе ги освежи вашите односи со другите луѓе.
Јарец

Како знак кој често се поврзува со осаменоста, вие можете да поминувате многу долго време сами со себе. Па затоа, додека размислувате планирајте ја иднината со вашиот идеален љубовен партнер. Исто така, за вас е важно понекогаш да се ослободите од работните обврски и да се поврзете со вашето внатрешно„ јас“.
Водолија

Вашиот знак е често поврзан со слободата, па токму затоа вие и немате некој проблем да поминувате малку повеќе време, посветено само за вас, кое е надвор од вашите планови. Времето потрошете го размислувајќи за иднината и оставете го вашиот креативен ум да талка.
Риби

Бидејќи вие често се однесувате како да сте емоционален сунѓер за другите, за вас е многу важно да поминете некое време сами. Духовното повлекување или медитацијата ќе ви помогнат да ги наполните вашите батерии.

http://www.kafepauza.mk/astrologija/astrologijata-i-vremeto-potrosheno-za-sebe/

 

[Мaријанела]

Вашиот хороскопски знак и раскинувањето на љубовните врски

Не сте единствени на кои раскинувањето на љубовната врска ви изгледа како крај на светот... или можеби на тоа не гледате така црно? Астролозите тврдат дека начинот на кој што го доживувате раскинувањето многу зависи од вашиот хороскопски знак.

ОВЕН (21.март – 20.април)

Пати многу повеќе и подолго отколку што покажува. На прв поглед припадниците на овај знак изгледаат како да не му е грижа и воопшто не чувствуваат љубовна болка, но вистина е дека патат бесконечно. Се повлекуваат во себе и ретко на кого ќе кажат како се чувствуваат.

Како ќе преболат: Кога ќе помине “драмата” храбро ќе тргнат во нови победи. Зошто поради една пропадната врска да го пропуштат животот?!

БИК (21.март-20.април)

Го цени мирот и удобноста на долгите врски. Вистинските Бикови добро ќе размислат пред да одлучат да ја прекинат врската со партнерот. Ако постои и најмала ситница која може да ја одржи врската во живот, сигурно нема да ја прекинат врската.

Како ќе преболат: Ако се случи најлошото многу брзо ќе ”влетаат” во нова врска во која на сила ќе создадат склад и хармонија.

БЛИЗНАЦИ (21.мај-20.јуни)

Тие од сите знакови најлесно го поднесуваат прекинувањето на врската. Колку и да зборуваат дека им е тешко тие поседуваат способност брзо да ги заборават лошите работи кои им се случиле.

Како ќе преболат: многу брзо после прекинувањето на врската вистинскиот Близнак ќе го пронајдете како освојува нова симпатија!

РАК (21.јуни-22.јули)


Плаче и жали поради прекинувањето на врската долго и искрено. Кога ќе се прекине врската, Ракот има чувство дека се распаднал целиот негов свет кој никогаш нема да може да го состави.

Како ќе преболат: единствено нешто што може да му го олесни патењето е нова симпатија која ќе покаже разбирање за состојбата на неговата душа. Без оглед колку прекинот бил болен, никогаш нема да го опрости изневерувањето.

ЛАВ (23.јули-22.август)

Тешко ги покажува чувствата, така што нема да ви покаже колку сте го повредиле, бидејќи тоа за еден Лав би значело помалку самопочитување. Суетата е тоа што најтешко се лекува, па кога ќе осетат дека се ближи крајот, итро ќе го остават партнерот само да не случи да бидат оставени.

Како ќе преболат: Не се злопамтила така што лошите искуства нема да им ја уништат вербата во љубовта. Ќе се опорават кога ќе ја нахранат својата суета.

ДЕВИЦА (23.август-22.септември)

Не се многу емотивни, но цврсто се врзуваат за луѓе и тоа е причина зошто тешко ги прифаќаат прекинувањето на врската. Распаѓањето на врската ја доживуваат како да им се срушила кула која долго ја граделе. Промената на животниот простор и кругот Девиците го доживуваат како личен неуспех.

Како ќе преболат: ќе помине малку време, а Девицата ќе ги среди своите мисли, ќе ги состави коцките и ќе продолжи понатаму. Рутината е тоа што припадниците на овој знак ги враќа во живот.

ВАГА (23.септември-22.октомври)

Сакаат хармоничен однос без кавги и кога ќе осетат дека работите излегле од контрола, сами ја прекинуваат врската. Овој знак сака да ужива, така што љубовната врска има смисла доколку е полна со уживање.

Како ќе преболат: карактеристично за Ваги, посебно машки, е страст за заведување, па често се наоѓаат во љубовно искушение. Тоа е она што ќе ги врати на вистинскиот пат.

ШКОРПИЈА (23.октомври-22.ноември)

Многу тешко и болно ги преживуваат разделбите. Времето го минуваат во анализирање на врската со цел навреме да ги откријат тешкотиите кои би можеле да ја загрозат врската. Шкорпијата никогаш нема да се обвини самата себе за проблемите, секогаш е крива другата страна.

Како ќе преболат: ќе ги прикријат чувствата, ќе прават шеги на своја сметка, додека во себе ќе патат. После љубовниот бродолом, не е исклучок дека тие никогаш нема да се опорават.

СТРЕЛЕЦ (23.ноември-21.декември)

Лесно преживуваат прекини иако на прв поглед изгледа како да паѓаат во депресија од која нема враќање. Тие, сепак, пред се мислат на својата среќа, па нема да дозволат некој да ги повреди.

Како ќе преболат: ужасно се егоцентрични, па ако саканата личност ги остави, можат да станат вистински “гњаватори“ кои ќе сакаат да ја обноват врската по секоја цена.

ЈАРЕЦ (22.декември-19.јануари)

Срамежливи се и многу тешко пронаоѓаат партнер. Кога еднаш тоа ќе им се случи, тешко дека ќе ја прекинат врската. Кога сепак тоа ќе се случи тешко дека со некој би ја поделиле својата тага. Своите проблеми ќе ги решаваат во тишина во својата соба.

Како ќе преболат: ќе се изолираат и ќе размислуваат за се. Кога ќе се опорават ќе бидат спремни за нови предизвици.

ВОДОЛИЈА (20.јануари-18.февруари)

Разделбата ги наведува на долго анализирање на пропаднатата врска, но ќе погледнат од сите агли и ќе прифатат дел од вината. Водолиите многу тешко забораваат и не се склони да опростат.

Како ќе преболат: времето лекува се е изрека создадена за припадниците на овој знак.

РИБИ (19.фебруари-20.март)

Кога е крај на љубовта, тогаш се паднало во вода. После раскинувањето за Рибите следува долг период за прифаќање на новонастанатата ситуација и идејата дека се напуштени. Потоа следи долг период на плачење во друштво на сродни души кои ќе им пружат рамо за плачење.

Како ќе преболат: со пријателите ќе поминат многу време во разговор за пропаднатата љубов.

http://www.motika.com.mk/

 

[BooBojan]

Ја девица она стрелец.Има шанса да биде нешто?

 

[Mark Renton]

Ја девица она стрелец.Има шанса да биде нешто?

Ќе ве биде..

 

[Black Knight]

јас вага она девица ? ај објаснување околу оваа комбинација

 

[Mark Renton]

јас вага она девица ? ај објаснување околу оваа комбинација

Да бе тоа е најдобра комбинација. Објаснување сакаш ?
Епа оваа недела е недела на сексот и Петок вечер накај Сабота ќе имаш односи со неа.

 

[Black Knight]

Да бе тоа е најдобра комбинација. Објаснување сакаш ?
Епа оваа недела е недела на сексот и Петок вечер накај Сабота ќе имаш односи со неа.

^^ ее тоа е тоа...ако бидне нешто имаш кригла пиво

 

[Николина]

Ја девица она стрелец.Има шанса да биде нешто?

Љубовната врска помеѓу стрелец и девица е хармонична, оформена на цврста основа и задоволувачка за двајцата партнери во многу аспекти. Стрелецот е дружељубива и авантуристичка личност, која постојано нешто истражува, додека девицата сака да ги анализира резултатите од неговото истражување. Очигледно е дека двајцата обожаваат долги разговори.

а почетокот девицата можеби ќе има големи очекувања од стрелецот и ќе очекува совршена врска, која не е „по вкус“ на стрелецот, но тој со тек на време ќе почне да ги цени истрајноста, упорноста и сталоженоста кои го карактеризираат неговиот партнер и чија глава не е во облаците.
Девицата и стрелецот имаат уникатен поглед кон животот. Девицата е практична, посветена и концентрирана, а стрелецот е енергичен и секогаш наоѓа задоволство во новите животни искуства. На стрелецот може да му биде проблем да се справи со „разумната реалност“ на девицата, додека на неа може да и биде проблем големата темпераментност на стрелецот. Но, во секој случај, девицата може да му понуди на стрелецот сигурност во врската и да му помогне да ги оствари неговите желби, соништа и амбиции. Стрелецот може да додаде разновидност и возбуда во секојдневието на девицата.
Водечка планета на стрелецот е Јупитер, која е симбол на филозофија, образование и патувања. Девицата е управувана од планетата Меркур, која симболизира комуникативност и анализа. Овие партнери уживаат во интерперсоналната комуникација, поради која нивната врска може добро да се одржува на долг рок. Овие партнери можат да се забавуваат ако длабински дискутираат за некој филм или книга, девицата задржувајќи се на сите детали, а стрелецот заокружувајќи ја пораката која содржината и ја пренесува на публиката.
Овие партнери имаат различни приоритети во животот. Стрелецот сака слобода, а на девицата и е потребна финансиска стабилност и хармонија во семејството. Стрелецот го мотивираат чистите мисли и јасните емоции, а девицата преферира долго да ги обмислува работите. Се додека партнерите меѓусебно си ја докажуваат цврстината и постоењето на нивната љубов, нивната неслога може да биде победена.
Овие партнери уживаат зборувајќи на еден куп различни теми, а за секој од нив е многу едноставно да се заинтересира за оние работи кои другиот ги прави или сака. Исто така, овие знаци немаат проблем да му ја допуштат на својот љубен/а слободата да ужива во индивидуални активности кои не се дел од врската. Нивниот прекрасен стил на меѓусебна соработка и поддршка е навистина за пофалба. Благодарение на овој аспект од нивната врска тие можат да бидат успешни соработници и на професионален план.
Најдобрата работа во нивната врска е емоционалната сигурност која тие можат да си ја овозможат доколку сфатат дека имаат многу сличен животен стил. Тие формираат еден прекрасен љубовен пар, во оној момент кога меѓусебно ќе се научат да го погледнат светот од една поинаква перспектива. Сè додека нивната комуникација е добра и го ценат она кое можат да го научат еден од друг, оваа врска ќе биде стабилна и среќна.
--- надополнето: Jul 18, 2011 3:27 PM ---

јас вага она девица ? ај објаснување околу оваа комбинација

Кога вага и девица стапуваат во љубовна врска, тоа доаѓа како спојување на две парчиња од сложувалка. Двете парчиња перфектно се совпаѓаат и комотно си го наоѓаат своето место. Двата знака се препознатливи по тоа што бараат сигурност во една врска и сакаат да споделуваат љубов, убавина и култура.
Практичноста и задоволството се многу важни за двата знака, па така тие се надополнуваат еден со друг на многу начини. Девицата многу ги почитува шармот и дипломатскиот карактер на вагата, додека таа знае како да ги „израмни“ работите кога девицата не го добива тоа што го сака. Вагата ги цени љубовта и мирот кои ги нуди девицата, но и материјалните награди кои доаѓаат со нејзе. Исто така, овие два знака се спремни и секогаш целат да ги согледаат и двете страни на случувањето, па така тие заедно можат да донесат одлука само после согледувањето на сите факти. Доколку вагата е иницијаторот во врската, тогаш девицата е онаа која знае да ги води започнатите работи до крај.
Вагата и девицата ценат површни задоволства и често сакаат да собираат кинески и коскени предмети, уметнички дела и фотографии. Исто така уживаат да посетуваат театарски претстави, но и какви било други настани од уметнички карактер.
Планетата Меркур ја предводи девицата, додека вагата е под влијание на Венера. Бидејќи девицата е одличен комуникатор, аналитичар и мислител, овие партнери уживаат во долги и искрени разговори. Заедно, тие носат радости и убавина на светот околу нив. Вагата сака да теоретизира за многу различни работи, додека девицата е повеќе прагматична. Девицата секогаш се запрашува „Како ова ќе ми помогне да си ги постигнам моите животни цели?“, додека вагата се фокусира на она што нејзе ѝ се случува, без разлика колку е важно тоа.
Оваа врска на почетокот може да биде малку полабаво поставена, додека двајцата партнери не научат да се почитуваат повеќе. Понекогаш се случува да настанат и некои недоразбирања. Конфликтите најчесто започнуваат кога девицата станува премногу критична и кога вагата ја започнува својата игра на манипулација. Во таквите ситуации и двата партнери треба да сфатат дека нивните гледишта кон светот се различни и треба малку да ги „оладат“ работите.
Во оваа врска, вагата на некој начин „ги држи конците“. Девицата знае да биде безгрижна и задоволна, па така вагата без да ја премине границата умее да се наметне како доминантна. Понекогаш неодлучноста на вагата може да ја иритира девицата, но вагата многу лукаво знае да ги согледа сите страни на проблемот и лесно да се сложи со нејзините одлуки и гледишта.
Најдобриот аспект од оваа љубовна комбинација е сличниот вкус и заедничките интереси на вагата и девицата, кои создаваат баланс и хармонија во врската.

 

[galaxy]

Овие религиозните некако ги толерирам, ама овие со хороскопот ги бришам на прв поглед. Социјални мрежи и форуми.

 

[Chanel]

Не верувам многу во хороскоп, но само што си направив натална карта и сум пријатно изненадена. Сепак има нешто во сето тоа.