Хороскоп, хороскопски знаци (општо)

[LadySR]

Важи ќе добиеш коа ќе најдам, а ако сакаш повеќе за хороскоп најди ја енциклопедијата од нострадамус за хороскоп “Нострадамусов Хороскоп“ на српски е преведена е во незе буквално се можиш за тебе да си најдиш и пресметаш



Мило ми е што ти се погоди Тестот е повеќе и од одличен

И тестотт ми погоди се Иначе можеш да ми го дадеш линкот каде што го пресмета тоа со датата и времето на раѓање? Шо ми се падна бик, рак, јарец xD

 

[Crveno-bonbonce]

Јас верувам во хороскоп ако ми одговара нешто, ако не заборавам и дека сум прочитала

 

[Златен облак]

Еве еден линк овде можиш слободно да си провериш колку ќе ти го погоди знакот овој тест интересно е ова:

http://astroscopia.com/quiz.php?view=9&lang=3

)

Aaaa testov e fantastičen! Kaj mi go pogodija i znakot i podznakot!!!

 

[Николина]

Астрологијата и релаксирањето во слободно време

Колку навистина знаете да се релаксирате и да се препуштите на мислите кои ви говорат дека животот е убав? Дали бесцелно талкате низ секојдневието кога ќе се вратите дома од училиште, факултет или работа и на крајот од денот сфаќате дека сте проживеале уште еден напнат и заморен ден? Или можеби умеете да го пронајдете вашиот метод на „кулирање“ и да им дозволите на вашето тело и ум да ги „наполнат батериите“ за новото утре? Прочитајте што велат ѕвездите за вашиот хороскопски знак.

Кардинални знаци
Овенот, ракот, вагата и јарецот чувствуваат вишок на енергија во себе, која сакаат да ја согорат со тоа што си задаваат цели кои сакаат да ги постигнат, па изгубеното време поминато во паузи, може да биде стресно за нив. Она што им треба, е да поминат повеќе време со нивните блиски другари и со членовите на семејството и да научат како да забават.
Јарецот мора да научи да биде понежен, полн со љубов, милостив и да посвети повеќе време на своето семејство и на сите блиски луѓе воопшто.
Овенот треба да го научи значењето на зборот сплотеност и да му дозволи на неговиот партнер, барем понекогаш да ги „држи конците“.
На вагата и користи времето помината сама со себе, бидејќи на тој начин се заштитува од нејзино вовлекување во нешто во кое не сака да биде.
Ракот дефинитивно треба да потроши време на самоанализа во мирно опкружување, бидејќи тоа ќе му помогне да си ги „наполни батериите“.

Променливи знаци
Близнаците, девицата, стрелецот и рибите се неуморни знаци, но после напорниот ден, тие со задоволство ќе се стават во „chill-out“ мод.
На близнаците сè што им треба, е да го одржат нивниот ентузијазам и оптимизам на високо ниво, бидејќи кога немаат што да прават, тие стануваат намуртени и меланхолични.
Девицата треба да научи како да „одлета“ со мислите, наместо постојано да се грижи за плановите и за најситните детали.
Стрелецот ќе има поголема корист ако помине повеќе време размислувајќи ги, а не правејќи ги работите.
Рибите ќе се чувствуваат поисполнето, доколку после напорниот ден прават некоја физичка активност.

Фиксни знаци
Бикот, лавот, скорпијата и водолијата имаат тенденција да ги мразат промените, така што нивната промена од состојба на работење кон состојба не правење ништо кога ќе дојдат дома, ќе ги направи нерасположени барем во текот на наредните неколку часа.
Бикот знае да се препушти на мрзата, така што тој не би требало да има никаков проблем во „вклучувањето на копчето за релаксација“.
Имањето пријатели покрај себе е секогаш најдобрата алатка за релаксација на лавот.
Скорпијата треба да усвои малку од методот за уживање и релаксирање на бикот и да се почести себеси со едно сериозно опуштање на телото и умот.
Водолијата треба да научи да ги игнорира сите околу себе и да се концентрира на себеси, барем неколку дена. Ќе се врати ревитализирана и освежена.

 

[ТheWanтed.]

Лол. мене во нс ми пишеше ‘не очекувајте овнови оваа недела да ви падне петка по математика‘ и 4 добив. хх))

 

[HITCH]

Вагата чувствуваат вишок на енергија во себе, која сакаат да ја согорат со тоа што си задаваат цели кои сакаат да ги постигнат, па изгубеното време поминато во паузи, може да биде стресно за нив. Она што им треба, е да поминат повеќе време со нивните блиски другари и со членовите на семејството и да научат како да забават.

На вагата и користи времето помината сама со себе, бидејќи на тој начин се заштитува од нејзино вовлекување во нешто во кое не сака да биде.

ДА!!! Ова е точно! Ова сум јас и го применувам ова премногу. Сакам сето слободно време да го поминувам со луѓето кои си ги сакам, ама сакам и да си посветам време на себе, многу време. Луѓето кои си ги сакам никогаш не ми се досадни!

 

[Николина]

Астрологијата и сексуалната предигра

Се обидувате да ги „загреете“ страстите помеѓу вас и вашиот партнер за обострано да уживате во претстојната ноќ? Астрологијата и овој пат ќе ви помогне да сфатите што е тоа кое вас двајца ве возбудува и ќе ви обезбеди незаборавно сексуално доживување под чаршавите?

Земјени знаци: бик, девица и јарец
Дел од предиграта на овие знаци се вкусна храна и квалитетно вино. Тие обожаваат масажа, прегратки, допири и еден куп нежности. Земјените знаци се страсни и сензуални типови луѓе, кои брзо ќе се возбудат и ќе се препуштат на милувањата под чаршавите, но само доколку сите нивни сетила, се комплетно задоволени.
Совет: Доколку вашиот партнер е земјен знак, ви советуваме да го нагостите со гурманска храна, добра музика, пријатен мирис и безброј нежни допири. Ако и понатаму се двоумите дали вашиот партнер е подготвен да ја помине вечерта со вас и „да оди до крај“, пробајте со масажа на стапала, притоа употребувајќи лосион со свежа арома или масло.

Огнени знаци: овен, лав и стрелец
Страст, возбуда и опасни, авантуристички доживувања ги „палат“ огнените знаци. Овие личности посакуваат креативност и спонтаност во спалната соба и сакаат да испробуваат нови секс-пози и да експериментираат со повеќе различни партнери. Искусни и по малку диви, огнените знаци ценат кога личноста со која се во кревет, ќе ја покаже својата „дива страна“.
Совет: Доколку се спремате да излезете на состанок со некој огнен знак, изберете некоја невообичаена локација и облечете се во примамлива секси облека. Изненадете ги со некоја интересна играчка или некој специјален подарок. Заземањето улоги или некои други авантуристички сексуални игри, дефинитивно ќе го возбудат вашиот партнер, кој е огнен астролошки знак.

Воздушни знаци: близнаци, вага и водолија
Овие остроумни и интелигентни личности ќе се возбудат во оној момент кога нивниот ум ќе биде стимулиран. Со добар разговор, разменување интересни идеи и кажување досетки, ќе го одведете вашиот воздушен знак во кревет побрзо отколку што сте очекувале. Бидејќи бакнежите, милувањата и гушкањата не се дел од нивниот заводнички репертоар, пробајте да ги освоите со одбрани интелигентни реченици.
Совет: Ако вашиот партнер припаѓа во астролошката категорија воздушни знаци, неколку часа пред да излезете на состанок со него, испратете му секси смс порака или имејл, бидејќи тој неверојатно многу ужива во сексот преку телефон. Пронајдете некои еротски приказни и книги и испратете им ги на вашиот партнер, пред да се видите, за да му ги „подгреете“ страстите.

Водни знаци: рак, скорпија и риби
Романтичните и чувствителни водени знаци, сакаат прво да се почувствуваат емотивно поврзани со партнерот, пред да се поврзат на други начини. Ним им е потребно да мислат дека нивниот партнер можеби е нивната животна судбина или дека нивната врска има некаква цел и води кон нешто или пак да осетат обострана магнетска сексуална привлечност, пред да се „претопат“ во прегратките на својот партнер. Целосно ги вклучуваат нивните емоции во секоја ситуација, па ако не сте доволно внимателни со нив во своите постапки, тие ќе се предомислат во врска со вас и ќе го вратат односот кој го градите, за неколку чекори наназад.
Совет: Магнетизирајте го вашиот партнер кој спаѓа во категоријата водни знаци, со долготраен, непрекинат контакт со очи, бидејќи тие ќе го „прочитаат“ она што го чувствувате за нив преку вашиот поглед. Кога им се обраќате, кажете малку, но одбрани зборови кои ќе имаат подлабоко значење за нив. Водните знаци ценат нежна, но истовремено длабока и страсна ноќ под чаршавите и еден куп бакнежи.

--- надополнето ---

Машко-женски хороскоп

Сте се запрашале ли некогаш зошто мажите со хорскопски знак вага се различни од жените ваги? Или зошто мажот рак и жената рак не се „правени со истиот калап“? Тоа е така, бидејќи некои хороскопски знаци значително се разликуваат во зависност од полот, додека кај други знаци и не се забележува некаква разлика.

Овен
Овните се активни, страсни и располагаат со силна енергија, а тие карактеристики се воочливи и кај машкиот и кај женскиот пол. Кај овните секогаш постои динамична амбиција да направат многу работи за кратко време. И кај двата пола се забележува натпреварувачки и авантуристички дух. Жените овни не се нежни и женствени, туку напротив се многу силни и енергично се движат кон патот на успехот.
.
Бик
Биковите, без разлика на полот, се добро познати по својата приземност, сталоженост, загриженост за иднината и посесивност. Додека мажите се големи гурмани и вистински уживаат во храната, жените бикови сакаат комфорен и убав дом. И мажите и жените бикови се тврдоглави, но за мажите е карактеристична големата жед за моќ.
.
Близнаци
Близнаците се комуникативни, рамнодушни и прилично расеани. Мажите родени во знакот на близнаци уживаат во добро друштво и забава, но се непостојани во љубовните врски и тешко се приврзуваат. На сличен начин, жените близнаци се колебаат помеѓу тоа дали во секојдневието треба да се потпираат на својата интелигенција или на емоциите и инстинктот. Во љубовта, жените се претпазливи и одмерени.
.
Рак
Најголема астролошка разлика помеѓу машкиот и женскиот пол, постои кај раковите. И двата пола се емотивни и се обидуваат да се заштитат од надворешниот свет. Но со зрелоста, жените стануваат поцврсти, постабилни и се глава на семејството. Од друга страна, мажите најчесто остануваат приврзани за престилката на нивната мајка, а некои од нив остануваат засекогаш деца.
.
Лав
Кај лавовите постои голема сличност меѓу различните полови, со тоа што кај мажите е поочигледна потребата да бидат во центарот на вниманието. Жените родени во знакот на лав се помалку горди од мажите и се попопустливи, но често тоа го прават половично. И мажите и жените обожуваат да бидат главни во друштвото.
.
Девица
Девиците се зборлести, неуморни и по малку ситничави. И двата пола имаат тенденција да останат стари моми или ергени, ако не внимаваат. Мажите родени во знакот на девица, исто како и мажите близнаци лутаат во љубовта и се хиперактивни, за разлика од жените, кои ја немаат таа особина.
.
Вага
Овој знак е симбол на рамнотежата. Кај вагите, веднаш после раковите, воочлива е голема разлика помеѓу мажите и жените. Господин Вага има мажествено тело, а феминистички дух, додека Госпоѓица Вага обратно, женствено тело, а силен, мажествен карактер. Тој има тенденција да биде нежен и мил, додека таа е поотворена, директна и аргументативна.
.
Скорпија
Не е тајна дека скорпиите се интензивни, емотивни, таинствени, жилави и сакаат приватност. И двата пола располагаат со голема скорписка енергија, со тоа што жените имаат поголема тенденција да бидат љубоморни, посесивни и остри во нивното однесување, кога се повредени.
.
Стрелец
Стрелците се сраствени, енергични и големи авантуристи, кои никогаш не престануваат да зборуваат. Мажите стрелци се доста силни и мажествени, а ни жените стрелци не се баш кротки и питоми. Мажите се повеќе склони кон интелектуална работа.
.
Јарец
Јарците имаат репутација на страшно вредни и работливи луѓе. Машките во однос на женските јарци се вистински душички. Жените се порамнодушни, оставаат крут впечаток и се многу амбициозни, и кога станува збор за успех во кариерата, и за својот статус во општеството.
.
Водолија
Водолиите се независни во одлучувањето, непристрасни и дефинитивно комуникативни личности. И двата пола родени во знакот на водолија имаат релаксирачки поглед кон животот и се доста тврдоглави. Машките водолии се љубители на новите технологии, а жените едноставно многу сакаат да сурфаат на интернет.
.
Риби
Рибите се големи сонувачи. Многу се емотивни и не се баш одлучни. Шармот и добрите манири на мажите родени во знакот на риби, ги прави привлечни за повеќето луѓе. Тој е одличен слушател и сите се потпираат на него. Таа е покревка и поранлива и понекогаш чувствува недостаток на самодоверба. Но, тоа не ја спречува во реализација на нејзините планови.

 

[Златен облак]

Рак
Најголема астролошка разлика помеѓу машкиот и женскиот пол, постои кај раковите. И двата пола се емотивни и се обидуваат да се заштитат од надворешниот свет. Но со зрелоста, жените стануваат поцврсти, постабилни и се глава на семејството. Од друга страна, мажите најчесто остануваат приврзани за престилката на нивната мајка, а некои од нив остануваат засекогаш деца.
.

Лелее имав еден дечко Рак- ептен голема љубов беше тоа, ама дечкото навистина си остана детиште, нестабилна личност... Чудесен, а незгоден... не знам ни сама како да го доживувам- дали како нежен со предлабока душа или себичен и нестабилен... и така некогаш кога ми иде под рака неговиот хороскоп: „На самиот почеток важно е да знаете дека во моментот кога ќе го засакате морате да ја засакате и мајка му, сакале или не. Помирете се со тажниот факт дека таа му е важна исто како и Вие, можеби дури и поважна. Ако сакате да го придобиете, отидете на кафе со свекрвата, разменете рецепти и дозволете и да Ве посоветува што сака нејзиното синче да јаде; подарете и нешто како знак на внимание, а Вашиот маж Рак ќе биде во транс од одушевување.“, - не знам дали да ми недостига или да си викам, фала Богу што раскинавме... во секој случај се многу посебни.

 

[HITCH]

Вага:
Овој знак е симбол на рамнотежата. Кај вагите, веднаш после раковите, воочлива е голема разлика помеѓу мажите и жените. Господин Вага има мажествено тело, а феминистички дух, додека Госпоѓица Вага обратно, женствено тело, а силен, мажествен карактер. Тој има тенденција да биде нежен и мил, додека таа е поотворена, директна и аргументативна.

И често пати баш поради тоа погрешно сфатена! Кај вагите нема шпански серии, т.е. вртење од околу, туку сите карти се на маса! Па кој сфати, сфати!

 

[Николина]

Емоционалната отвореност на хороскопските знаци

Дали вашиот партнер има тешкотија во искажувањето на чувствата или отворено ви го кажува тоа што го мисли? Некои хороскопски знаци е лесно да ги наговорите да ви се отворат, а за други ќе ви биде потребна кристална топка за да ги одгатнете нивните мисли.


Раковите и вагите имаат феминистичка природа и тие се секогаш спремни мирно да разговараат со вас и да ги разберат вашите емоции. Тие умеат навистина да се соживеат со вашите чувства и ќе ви го покажат тоа. Грижата и споделувањето емоции е нивна карактеристика.

Скорпијата обожава интензивни, страствени разговори од срце, па не би било невообичаено таа да го подбуцнува нејзиниот партнер да навлегува подлабоко во искажувањето на емоциите, отколку што тој би сакал. Кога ќе размислите подобро тоа и не е така лоша работа нели? Скорпиите се навистина исклучителни типови на луѓе.

Гордите и самоуверени лавови немаат никаков проблем во искажувањето на нивните чувства, барем не на почетокот од врската. Лавот попрво би зборувал за она што тој го мисли и чувствува, отколку да се обидува да сфати кои работи е неопходно да се споделуваат помеѓу партнерите во врската. За да го задржите фокусот на лавот кон љубовната врска која ја имате со него, потребно е да го храните неговото его и да му дозволите да биде во центарот на вниманието.

Рибата на почетокот од врската е многу нежна, заводлива и поетична во изразувањето на нејзините чувства. Но со текот на времето, таа може да стане нејасна и двосмислена за партнерот, а тоа се случува секогаш кога е принудена да донесе некаква одлука. Ако сте во врска со риби, ви препорачуваме да го научите текстот на неколку омилени песни на вашиот партнер и додека разговарате со него, да му ги цитирате оние стихови во кои верувате дека тој најмногу ќе се пронајде во моментот. На тој начин можеби ќе добиете зрак надеж дека сте успеале да допрете до срцето на рибата.

Девицата, бикот и јарецот не можат сосема да ја разберат поентата на длабоките емотивни моменти, бидејќи по природа се практични и сакаат да уживаат. Но дури и девиците кои се „гладни“ за работа, може да ги наговорите да разговараат со вас доколку успеете да ги доведете до искушение. Дури и да се случи тоа, нема гаранција дека ќе разберете како тие навистина се чувствуваат – особено не биковите.

Близнаците, стрелците и овните можат да разговараат буквално на секоја можна тема, сè додека не ја допирате нивната чувствителна и ранлива страна. Копнежите и емоциите, овие знаци преферираат да си ги задржат за себе.

Сигурно не сте започнале љубовна врска со водолија затоа што таа е многу емотивна личност. Баш напротив, водолијата ве привлече со нејзината незаинтересираност, самостојност, љубопитност и бистар ум. Тоа е можеби знак кој е најтешко да го запознаете кога станува збор за емоциите.

--- надополнето ---

Астрологијата и парите

Дали често се грижите за вашата финансиска состојба? Ќе бидете богати или сиромашни? Ќе живеете скромно или луксузно? Еве што кажуваат планетите за тоа како се чувствувате во врска со парите.

Грижите околу парите и сигурноста се проблем на земјените знаци (бик, девица, јарец) и делумно на Водолијата. Јарецот почнува да ја пресметува својата пензија уште од денот кога ќе заврши факултет. Тој постојано живее во страв дека нема да има доволно пари за наредната календарска година.

На бикот му е многу важна финансиската стабилност и затоа повремено си трга пари во касичка, за да биде сигурен дека секогаш ќе може да си ги дозволи егзистенцијалните потреби. Понекогаш бикот остава впечаток на недарежлива личност, меѓутоа тоа е така кога го преовладува тој прикриен страв дека ќе остане сиромав.

Девицата има тенденција да се грижи за сè, па парите се само еден сегмент околу кој таа има чувство на сомнеж и неизвесност. Наспроти нивната добра репутација дека се многу уредни и педантни личности, девиците во суштина се многу хаотични кога станува збор за парите. И покрај нивната неснаодливост со пари, во финансиски кризи стануваат многу снаодливи. Можеби никогаш не се премногу оптимистични, но имаат некакви специјални моќи.

Водолијата врз која многу силно влијание има Сатурн е екстремно приврзана кон она што е нејзино. Неа не ѝ се допаѓа идејата да нема богатство или статус во општеството, па затоа таа попрво би избрала да акумулира што е можно повеќе пари, отколку да живее од денес за утре. Водолијата пак, со доминантно влијание од Уран, го прави токму спротивното – не се грижи за тоа што ќе дојде утре.

Овенот и стрелецот се прилично слични кога станува збор за пари. Живеат среќно и задоволно сé додека нивните основни потреби се задоволени, бидејќи тие се цврсто уверени дека заштитната мрежа ќе се појави во моментот кога евентуално би „паднале“ на финансиски план. Благодарение на влијанието на Јупитер, стрелецот е непоправлив оптимист, кој едноставно знае дека одвреме-навреме може да си дозволи мала пауза од работата, а притоа да има доволно пари за да ги преживее наредните неколку недели.

Рибите, кои го делат влијанието на Јупитер со стрелецот, исто така ја имаат таа среќна жичка и коцкарски инстинкт, дека со помош од универзумот, сé ќе стане подобро еден ден.

Лавот е огнен знак, но има недостаток од таа моќна самодоверба која ја имаат останатите знаци од неговата категорија, овен и стрелец. Тој верува дека заслужува да биде богат и дека парите се негово право стекнато со раѓање, а така најчесто и излегува.

Близнаците имаат тенденција да бидат и оптимисти и песимисти, како резултат на нивната двојна природа. Еден ден се во добро расположение, нареден се депресивни. Но, тие имаат интуиција за пари и генерално го претчувствуваат правецот кон кој треба да се упатат за да стигнат до богатство.

Ракот и скорпијата ја делат несигурноста околу парите со бикот. Како резултат на тоа, тие сакаат да чуваат парични резерви, со цел да се чувствуваат стабилно. Тие во ниту еден момент не би си дозволиле себеси да останат куси со пари, бидејќи им е од голема важност никогаш да не останат сиромашни.

Вагата го цени она што парите можат да го купат и верува дека небото ќе ѝ помогне да ги има, мислејќи дека го заслужува тоа задоволство. Таа секогаш ќе најде начин да ги плати сметките на време. Едниот начин да ѝ бидат сметките чисти, е ако има доволно пари во банка, а другиот е ако има финансиски стабилен партнер.

 

[FallenHypaspist]

И често пати баш поради тоа погрешно сфатена! Кај вагите нема шпански серии, т.е. вртење од околу, туку сите карти се на маса! Па кој сфати, сфати!

Па обично од тоа што сите карти се на маса ( и тие што не треба да се во играта воопшто), се ствара шпанска серија )

 

[Николина]

Астрологијата и солзите

Дали ги гризете усните и се плашите да ги откриете емоциите пред семејството и најблиските во интензивните емоционални ситуации или јавно покажувате сè што чувствувате? Прочитајте кое однесување е типично за вашиот хороскопски знак во ваквите мигови.

Водните знаци скорпија, рак и риби се оној тип на луѓе на кои можете да им видите солзи во очи. Нив не им пречи да ги покажуваат пред другите луѓе, бидејќи имаат тенденција да го прават тоа што го чувствуваат и навистина им придаваат големо значење на емоциите. Тие исто така умеат да ги сфатат тажните емоции на другите луѓе, па во тој случај може да следуваат повеќе солзи. Скорпијата сака да оддава впечаток дека е приватна личност која умее ги држи своите чувства под контрола, но во суштина е исто толку сентиментална колку што се ракот и рибите. Скорпијата, всушност, кога се чувствува измамено, ги меша своите чувства на тага со доза на гневни емоции, кои прават да делува поцврсто.

Воздушните знаци близнаци, вага и водолија не сакаат да се вплеткуваат во нешта кои ќе им создадат емоционална турбуленција. Тие имаат тенденција веднаш да се повлечат настрана, да ја анализираат ситуацијата, а кога ќе донесат заклучок избегнуваат да ги покажат своите емоции. Нивното повлекување од „жешките ситуации“ може да биде од голема корист понекогаш, но многу почесто љубовните партнери на овие хороскопски знаци навистина посакуваат нивниот/та љубен/а да го „спушти штитот“. За разлика од водните, воздушните знаци сметаат дека ако се препуштат на своите емоции, ќе станат непромислени и целосно ќе изгубат контрола врз своето однесување. Вагата особено сака да ја задржи нејзината појава во надворешниот свет, така што потечени очиња и мокри обравчиња едноставно не се нејзин стил.

Огнените знаци овен, лав и стрелец може надворешно да оставаат впечаток како да не се грижат и не сочувствуваат со другите, но тоа е далеку од реалноста. Тие едноставно имаат свој начин на демонстрирање на емоциите. Тажната ситуација ќе ја претворат во шега, со цел да ги прикријат нивните вистински чувства. На моменти дури може да им засмета нечие јавно покажување на емоции, бидејќи тоа го уништува нивното весело и позитивно расположение. Но, кога еднаш ќе сфатат дека соочувањето со емоциите всушност ја одржува нивната виталност и енергија, огнените знаци ќе станат повеќе склони кон нивно демонстрирање.

Земјените знаци бик, девица и јарец имаат топло срце, но нив никогаш не им е удобно да покажуваат ранливост или не дај Боже да пуштат солза. Тие имаат тенденција да го одвлекуваат своето внимание од тажните емоции преку правење нешто, што било. Практичноста е нивната техника за бегање од реалните емоции. Јарецот сака да делува кул и софистицирано, бикот никогаш не сака да остава впечаток на неодлучна личност, а девицата има тенденција да ги доживува останатите како да им е потребна повеќе помош отколку на нејзе самата.

 

[Ендорфиниус]

Земјените знаци бик, девица и јарец имаат топло срце, но нив никогаш не им е удобно да покажуваат ранливост или не дај Боже да пуштат солза. Тие имаат тенденција да го одвлекуваат своето внимание од тажните емоции преку правење нешто, што било. Практичноста е нивната техника за бегање од реалните емоции. Јарецот сака да делува кул и софистицирано, бикот никогаш не сака да остава впечаток на неодлучна личност, а девицата има тенденција да ги доживува останатите како да им е потребна повеќе помош отколку на нејзе самата.

Just another proof !! :bravo:

 

[Златен облак]

Како простуваат хороскопските знаци

ОВЕН – Астрологијата за Вашиот знак говори дека сте лутковци и ни Ви треба многу да се налутите и да бидете навредени. Веднаш влегувате во конфликт и затоа најдобро е барем другите да ги избегнуваат Вашите провокации, посебно ако вам је погодјена сујета – тада постајете немилосрдни. Меѓутоа, ако Ве навреди некој кој Ви е близок веднаш ќе простите. Ако е во прашање некој други, Вие сте немилосдни.
БИК – Вие сте големо злопамтило. Спремни сте да простите, но никогаш не заборавате. Слаба точка Ви е семејството, домот и гордоста, ако Ве погодат тука се претворате во вистински разјарен Бик. Астрологијата говори дека сте мошне своеглави и тешко правите компромиси, па главно другите Ви простуваат Вам. И ако некому му простите, тоа сигурно Ви се блиски и драги личности.
БЛИЗНАЦИ – Не сте така едноставно како што се изгледа на прв поглед. Доколку почувствувате дека некој не Ве почитува колку што заслужувате, ќе се оддалечите од него ќе ја сведете комуникацијата на минимум. Иако не сте осветољубиви, астрологијата за Вашиот знак говори дека умеете да бидете сурово практични кон оние кои сакаат да ги осуетат Вашите планови.
РАК – Вие сте исклучително емотивни и чувствителни, но ако некој Ви зададе удар на Вашето его, цел живот памтите што Ви рекол некој и ковате планови за одмазда. Не простувате лесно, посебно ако на луѓето кои не биле покрај Вас кога Ви се најпотребни. Според астрологијата, Вашата изразена емотивност додатно влијае на фактот дека тешко простувате, зошто се сфаќате лично.
ЛАВ – Aк нe сте во центарот на вниманието, ако Ве игнорираат или омаловажуваат, тоа никогаш нема да го заборавите а камоли да го простите. Дури ќе направите сцена и цело сценарио кое другите ќе мораат да го слушаат со часови, можеби дури и со денови. Астрологијата на Вашиот знак тврди дека не простувате, било да е во прашање партнерот или пријателот.
ДЕВИЦА – Спремни сте да истрпите навреди, но нема да простите ако некој не е дикретен според Вас, зошто не поднесуваат трачарења. Не ги сакате поразите и изненадувањата, посебно на деловен план, и тоа е нешто што може Вас да Ве погоди. Не толерирате не простувате вулгарно, непристојно и невоспитано однесување; тоа е нешто што Вас навистина Ве вади од такт.
ВАГА – Вие не толерирате неправда и уживате да бидете забележани. Ќе бидете длабоко навредени ако некој Ве занемари – според астрологијата на Вашиот знак, вистински уживате во комплиментите и ласкањето. Во љубовта сте спремни да простите, но само ако Вашиот партнер Ви е потполно посветен.
ШКОРПИЈА – Астрологијата говори дека Ви сте најосветољубив знак на Зодијакот. Не поднесувате неправда и тешко простувате. Иако сте емотивни и верни кон саканите, ако почувствувате неправда на своја кожа, спремни сте на отровна одмазда. Но ако добиете за возврат исто онолку колику што давате, на многумина ќе им бидете најдобар пријател.
СТРЕЛЕЦ – Иако изгледа дека сте сурови, Вие всушност само немате такт во некои ситуации. Ако на било кој начин Ви е загрозена позицијата, станувате исклучително осветољубиви и потполно заборавате на простувањето. Во љубовта сте сепак спремни на компромис – ако партнерот ги толерира Вашите излети, и Вие ќе бидете толерантни кон него и спремни да му простите.
ЈАРЕЦ – Ако во минатото сте биле навредувани или потценувани, потискивацете тај осецај беса цак и годинама, све док вам се не указе прилика да вратите дуплом мером. Астрологијата за вашиот знак укажува декаа за Вас е најважно да добиете признание, било во љубовта или на работа. Тешко простувате предавство и неверство, зошто сте свесни дека луѓето околу Вас секогаш можат да се потрпрат на Вас – ако некој Ве изневери, ќе бидете огорчени.
ВОДОЛИЈА – Не сте злопамтило, но нема да простите ако откриете дека некој пријател ве излажал или ве искористил. Вам пријателите Ви се многу важни и поради тоа ова е Ваша слаба точка. Бидејќи и во љубовта, како и во живото воопшто ја сакате слободата и независноста, ќе бидете спремни да му простите на партнерот многу работи ако е толерантен кон Вас.

 

[HITCH]

^ Си заборавил за риби. :smir:

РИБИ – Астрологијата за Вашиот знак вели дека сте инаетџии и тоа често на своја штета. Поради Вашата нагласена емотивност, долго ги памтите навредите и не простувате лесно, бидејќи тежок збор многу Ве боли. Во љубовта сте спремни на отстапки, дури и на понижувања од партнерот; но ако решите да го оставите - тоа е засекогаш.