:pop:WTF ?????
Петровиќ нов тренер на Свисслион Пелистер!!!!!
Александар Петровиќ е нов тренер на екипата на Свисслион Пелистер.
Петровиќ (35) на клупата на Битолчани го наследува Србинот Зоран Тодоровиќ, кој во изминатата сезона ги постигна најголемите успеси на клубот по независноста на Македонија.
- По 6 сезони на клупата на МЗТ Скопје одлучив да си заминам. Причините за моето заминување во Битола се од лична природа. Очекувам да создадам солиден тим во Битола, а целта ќе ми биде да обезбедиме место во плејофот следната сезона. - изјави Петровиќ на прес конференцијата во Скопје.
Тој ја водеше екипата на МЗТ Скопје од 2001 година, и во изминатиот период играше во финалето на плејофот и во финалето на Националниот Куп. Но, во последната сезона МЗТ Скопје заврши на 5. место и не успеа да влезе во плејофот, а во четвртфиналето на Националниот Куп загуби сензационално од Карпош Соколи 2000 во четвртфиналето.
Петровиќ ја започна својата тренерска кариера во Македонија токму во Пелистер, во 1999 година, кога клубот играше во Втората лига.
- Имаме три приоритетни прашања пред почетокот на новата сезона. Првото беше продолжувањето на соработката со нашиот спонзор, кој е задоволен од нашата работа. Затоа и ја продолжуваме соработката со Свисслион.
Вториот е наоѓањето на тренер, кој е решен со доаѓањето на Петровиќ, еден млад и перспективен тренер.
Останува третиот приоритет, кој е оформувањето на играчкиот кадар за новата сезона. Ние ја продолживме соработката со сите македонски кошаркари, додека странските играчи, кои играа за нас изминатата сезона си заминаа.
Се разбира дека мислењето на Петровиќ околу новите засилувања ќе биде релевантно, но приоритет ни е да донесеме неколку македонски играчи како засилување. - изјави директорот на Свисслион Пелистер, Васко Ковачевски.
basketball.org.mk
