Не знам какви им се плановите за наредна сезона, но некако ми делуваат несериозно засега. Од повеќето ракометарки за кои се шпекулираше, па дури и „официјално“ објавија на ФБ, сите веќе потпишаа за други тимови. А на Вардар очајно му требаат пикер, плеј и евентуално десен бек или пак играч кој добро се снаоѓа на таа позиција. Шпанката пикер во Флери, Агрен била трудна, гледам некој ја спомна Милановиќ Литре, оваа потпиша за Крим. Од бекови оние што нешто значат Грот во Ѓер, Гулден и Јоргенсен во Букурешт, а од овие со кои се шпекулираше, Кристијансен за некој дански клуб, Агилар во Ростов.
За десен бек, евентуално Лакрабер или Грос, оваа вторава игра феноменална сезона во Мец, единствено проблем е што не игра во одбрана, а и сега брзо потпиша нов договор. И како што некој спомна некоја од русинкиве исто може да биде добра опција, Кочетова/Дмитриева, кои се снаоѓаат на сите бековски позиции. За пикер немам никаква идеја кого би можеле да донесат, а ако не се лажам имаа изјавено дека веќе сите играчи биле договорени, само се чека да заврши сезоната па да објават.
Е сега ако веќе имаат сериозни планови, односно да одат чекор понапред од претходниве две сезони, тогаш мора така и да делуваат и јасно потребни се квалитетни засилувања. Будуќност би бил истиот тим, евентуално минус Волтеринг, што секако е загуба, но остануваат една страшна екипа. Ѓер се засилија доста, Грот, Томори, Брох, Суланд? и плус се враќаат Аморим и Горбиц. Ларвик останува истиот тим, а и некои нови екипи кои може да бидат опасни, Букурешт, Ростов...
Од друга страна нешто што не верувам да го направат, наместо звучни засилувања да се фокусираат на млади играчи, заедно со оваа една квалитетна постава, евентуално да дадат шанса и на некои од нашиве млади ракометарки, ова секако би било гледање малку подолгорочно, наместо освојување титула по брза постапка.