Ја истуркавме некако утакмицава, ама не игравме како што треба. Уште еднаш се докажа дека снагаторски екипи не ни одговараат и тешко излегуваме на крај со нив. Плус, како што вели Конте, многу е заебано во овој период да се игра против тимовите кои се борат за опстанок, бидејќи нив им гори под нозе, а во натпреварите со големциве влегуваат без притисок и нема што да загубат.
Во прво полувреме бевме солидни, немилата случка со Мејсон и прекинот од десет минути го успорија темпото во продолжение, но имавме контрола и голот на Хал висеше.
Во вториот дел, се сменија улогите. Ние игравме како екипа која се бори за опстанок, а Хал играше како конкурент за титула. Но, добро. Мора и вака валкано да се победува некогаш, одлика на... ај ќе почекам за ова, уште некое време.
Драго ми е што Конте учи од ,,грешките''. Измените му беа правовремени. Педро и Хазард играа лош натпревар, вториов за волја на вистината, месец дена, или во изминативе пет натпревари, нема изиграно добра партија. Со влегувањето на Фабрегас, се ослободивме од притисокот и ја презедовме малку по малку контролата во средината (човекот е мајстор за ова) и голот некако беше неизбежен. А кој друг ќе асистира, ако не Цеск.
Некако имам впечаток, иако Матиќ е многу добар сезонава, повторно, дека Србинов понекогаш ја успорува играта. За разлика од него, Канте многу побрзо ја изнесува топката преку средината и повеќе се снаоѓа во нападот. Изненадувачки. Против Ливерпул и Арсенал не, сепак дерби мечеви се и ни треба цврстина, но против следниот условно полесен противник, би сакал да ги видам Канте и Фабрегас во прв тим.
Одбраната (освен Алонсо, кој офанзивно повторно беше добар, се уфрлаше, создаваше шанси, но дефанзивно извиси неколку пати и сета среќа што судијата не го виде/свирна очигледниот пенал) беше коска. Куртоа особено.
На Енфилд ќе биде тврдо, како и секогаш. Ако успееме да останеме непоразени, ќе направиме голем, голем исчекор.
