Тотенхем ќе троши 100 милиони фунти
Откако по подолга пауза еден трофеј стигна на Вајт Харт Лејн, челните луѓе на Тотенхем заедно со менаџерот Хуанде Рамос полека ја подготвуваат листата на засилувања за следната сезона.
Според најавите клубот е подготвен да потроши 100 милиони фунти, а неофицијално се објавуваат имињата на играчите и парите кои Тотенхем е подготвен да ги даде како обесштетување за нивните трансфери.
Двете најголеми инвестиции на клубот би биле Даниел Алвес од Севиља за кој се предвидени 25 милиони односно Диего Милито од Сарагоса, кој според Тотенхем вреди 23 милиони фунти.
Тука се уште португалскиот репрезентативец од Јувентус, Тиаго (10 милиони), Мортен Гамст Педерсен од Блекбурн (14 милиони) и двајца играчи од Шпанија, Диего Капел од Севиља (10 милиони) односно Алберт Риера од Еспањол (шест милиони).
Последен на листата на желбите на Тотенхем е голманот на Ле Ман, Пеле за кој е предвидено да се платат пет милиони фунти.