Арсенал во јануарскиот преоден рок ќе се обиде да го донесе играчот за врска на Реал Мадрид, Естебан Гранеро.
Дел од челниците на „топчиите“ веќе се наоѓаат во Мадрид, каде што се почнати преговорите со „кралскиот клуб“. Гранеро ги мина сите младински селекции на Реал за повторно да се врати во клубот по три сезони минати во Хетафе. Со оглед на тоа дека Арсен Венгер ќе биде без Џек Вилшер најмалку уште четири месеци, Гранеро би бил идеално дополнение на креативните играчи, како што се Микел Артета и Арон Ремзи.
Сепак, Арсенал, ќе има силна конкуренција од богатата Малага, која, исто така, ги посакува услугите на дваесет и четиригодишниот Шпанец во своите редови. Реал овој фудбалер го проценува на седум милиони евра, но во клубот се надеваат дека цената ќе му скокне.
Мадриѓаните би сакале овој фудбалер да го задржат до крајот на сезоната, иако тој ретко добива шанса кај Жозе Мурињо, бидејќи досега сезонава одигра само седум минути. Покрај Гранеро, Венгер сака да го доведе и Јан М’Вила од Рен.
![[ Македоникус ]*](/data/avatars/m/26/26045.jpg?1373015970){kind=avatar}
