Одлично! Не е кој знае колку страшна играта, и не изгледаме застрашувачки за секоја екипа сеуште, ама се гледа огромен напредок, се чувствува дека работите одат на подобро. Амаури е повторно многу близу до тој стариот, се гради за секоја топка, го добива секое нафрлување од Буфон или од одбраната, освен двата гола уште еднаш беше во одлична позиција (прекрасното додавање на Дел Пиеро до Диего, кога овој требаше да му ја додаде на Амаури кој беше сам), што значи дека влегува во форма и ќе дава голем придонес во играта на Јуве.
Резултатот како резултат е одличен, во Торино треба да биде рутински, да се постигне еден гол на почетокот, па после опуштено да се доврши натпреварот. Сите играа доста добро, секако најдобар беше Дел Пиеро заради кого паднаа и двата гола, а за голот на Ајакс, мислам дека беше крив и Буфон, затоа што таква топка требаше да фати. Слабо играше и Зебина ама затоа и беше заменет. Закерони направи грешка што го стави Брацо а не Џовинко, кој ќе можеше да влечи контри кога Ајакс почна да врши притисок, ама тоа е...Важно е што одиме на подобро!
