ФИЛМСКИ ВРЕМЕПЛОВ 1923-2022 (Патување 40: 1940 - 25.11-08.12.2024)

[JBTgirl]

It's a Wonderful Life

Џорџ Бејли е прототип на она што можеби би го нарекла совршен татко.Човек на којшто татковството му е начин на живот, не само биолошка можност. Пожртвуван, добар, храбар, оној којшто заборава на сопствените соништа да го прошета светот за да создаде еден убав, некорумпиран свет за оние околу него. Ме потсети на некого.

Во целата таа борба заборава на самиот себе си. Тоа и мислам дека ќе го доведе на прагот на самоубиство откако за првпат ќе се соочи со проблем којшто не може самиот да го реши. А, да бара помош, не е нешто на коешто е навикнат. Да пружа помош е нешто друго, тоа го знае. Но, поради сесрдните молитви на сите негови пријатели и семејството, му праќаат ангел, којшто се наоѓа пред последниот тест којшто ако го положи ќе ги добие своите крила - да му ја врати на Џорџ волјата за живот.

Како што велеше татко, стори добрина и напиши ја со гранка на песок. Ветер нека дувне и нека ја однесе. Колку и да се чини дека живееме во свет на неблагодарни луѓе и не вреди да си добар, секоја добрина е инвестиција во сопствениот живот. Никогаш не знаеш кога и на каков начин ќе ти се врати.

Dear George,
Remember no man is a failure who has friends.
Thank you for the wings,
Clarence

5/5

 

[frizider]

06. It's a Wonderful Life (1946)


9/10

 

[Zlatikevichius]

Недела 6: 1927 - 12.11-18.11.2023

Ова е уште една значајна година за Холивуд, па и за светот на филмот, воопшто, зашто на 11.05.1927 е формирана Академијата за уметности и науки на подвижните слики (The Academy of Motion Picture Arts and Sciences - AMPAS), или здружението кое од следната 1927 па се до денес ги доделува најважните награди во светот на филмот - Оскарите. Првите Оскари се исто така доделени за периодот 1927/1928 на церемонијата која се одржала следната 1928 година.

На 12 август 1927 имал премиера Wings, филмот освојувач на првиот Оскар!

1927 е годината во која се родени: Сидни Поатје, Хари Белафонте, Боб Фосе, Џефри Палмер, Џина Лолобриџида, Роџер Мур и многу други.

На бокс офис најголема заработка имале:





Внимавајте, некои од овие филмови се од 1928, зашто првите Оскари се одржале за филмови од двете години.

Листа на сите номинирани за Оскар: https://letterboxd.com/naymoreiramn/list/1-oscar-1927/

Препорака од мене: Street Angel

 

[frizider]

07. Metropolis (1927)


Прв нем филм у живот изглеан. Музичево шо свиреше само за заспивање, едвај ми останаа отворени очите. Приказнава ми немаше смисла, триста настани одеднаш на екран глеаш како се дешаваат. Многу досадно филмче.
5/10

 

[Џонтра Волта]

The Lodger: A Story of the London Fog (1927)

Нем филм од раните почетоци на Хичкок, ова е негов втор или трет филм но прв каде почнува да ја развива својата работа и да остава печат во британската кинематографија.
Плавите жени се белег во филмовите на Хичкок низ целата негова филмографија па така и тука гледаме плавуши кои биваат убивани од сериски убиец низ Лондон, познат под името Авенџер.
Една млада актерка ќе се заљуби во ликот кој доаѓа да изнајми соба кај нејзините родители, лик во кој сите се сомневаат дека е убиецот.

Нема што многу да коментирам и да објаснувам за филм снимен пред 97 години.

5/10 оценка.

 

[Zlatikevichius]

10. Wings (1927) - William A. Wellman, Harry d'Abbadie d'Arrast (1927)



Конечно успеав да го гледам ова! Да не беше предизвикот и којзнае дали некогаш ќе соберев сили - 2 и пол саати за нем филм ми се гледаше премногу. Но, за среќа, бев демантиран во крајност. Wings е епик со нереални пропорции! Се работи за воена драма, за двајца Американци: богатиот Дејвид Армстронг (Ричард Арлен) и припадник на средната класа, Џек Пауел (Чарлс Роџерс) кои се вљубени во истата жена. Но и покрај тоа, кога Првата светска војна зема замав, двајцата стануваат пилоти во американската авијација и формираат едно силно и навидум нераскинливо пријателство кое не може да биде уништено ни од ривалитетот. Филмот е направен со навистина реални и навистина восхитувачки ефекти (за кои зел и уште еден Оскар). Но и покрај сите пукања, експлозии, соборени авиони и срушени објекти, имало само два инциденти за време на снимањето на филмот: првиот во кој при пад на авион некој воен пилот скршил врат, а вториот во кој исто така воен пилот загинал, по што режисерот мислел дека американската војска ќе ја прекине продукцијата на филмот, но од воениот суд вината за инцидентот ја пронашле во пилотот кој загинал и филмот продолжил со снимање.

Инаку, овој филм е прв по многу нешта:
-првиот филм добитник на Оскар за најдобар филм (во тоа време се викала „најдобра продукција“)
-единствениот 100% нем филм добитник на Оскар за најдобар филм (до 2012 кога The Artist зеде Оскар, но тој не е 100% нем, на крајот има една реплика).
-првиот филм во кој има експлицитна голотија (и машка и женска)
-првиот филм во кој има de facto геј сцена (иако во приказната не е претставено така):

Спојлер

-прв филм во кој се снимени актерите во воздух (во авион)
-првата појава на Гери Купер во филм, иако само 2 минути, но ова било отскочна даска за него која потоа го фрла во височините на Холивуд

Спојлер

И уште во многу нешта пионерски. При снимањето на филмот американската армија учествувала со многу војска, пилоти и опрема. Веројатно затоа и покрај релативно малиот буџет кој го имал од само 2 милиони долари, на ефектите во филмот можат да позавидат и многу денешни филмови. Инаку, филмот долго време се сметал за изгубен, се додека пред само дваесетина години не била откриена копија во Филмскиот архив на Париз, Франција. Во 2012 бил реставриран од Парамаунт. За време на реставрацијата била вметната оригиналната музика од филмот која за разлика од лентите, постоела и не била изгубена. Но не сум сосема сигурен дали и звучните ефекти се вметнати за време на реставрацијата или постоеле и во оригиналот (зашто за време на филмот се слушаат пукања, чкрипења, експлозии). Доколку постоеле во оригиналот, кога во тоа време успеале да направат таква монтажа на звук и звучни ефекти, се прашувам зошто ова одлучиле да биде нем филм? Ќе бил далеку попопуларен и погледан доколку актерите зборувале, барем тоа е мое мислење. А постоеле звучни филмови и порано од него. Иако, при премиерата на филмот, не дека не бил гледан, прочитав некаде дека бил многу популарен и дека цели 6 месеци бил прикажуван низ кината во Америка, уште повеќе што американскиот народ бил восхитен од првиот трансатлантски лет во тоа време, па затоа оделе во кино за да ги гледаат летовите на авионите и да се восхитуваат на нив.

За разлика од филмот на Џонтра, за Wings може уште многу да се пишува! Wings е првиот од 12 филма кои освоиле Оскар за најдобар филм без да бидат номинирани во актерски категории. Другите се: All Quiet on the Western Front (1930), Grand Hotel (1932), An American in Paris (1951), The Greatest Show on Earth (1952), Around the World in 80 Days (1956), Gigi (1958), The Last Emperor (1987), Braveheart (1995), The Lord of the Rings: The Return of the King (2003), Slumdog Millionaire (2008), и Parasite (2019). Исто така, тоа еден од шесте филма освојувачи на Оскар за најдобар филм без да бидат номинирани за најдобра режија. Другите се: Grand Hotel (1932), Driving Miss Daisy (1989), Argo (2012), Green Book (2018) и CODA (2021). И еден од ретките филмови кои ги нарекувале епски кој освоил Оскар. Другите се: All Quiet on the Western Front (1930), Cimarron (1931), Cavalcade (1933), The Great Ziegfeld (1936), Gone With the Wind (1939), The Greatest Show on Earth (1952), Around the World in 80 Days (1956), Ben-Hur (1959), Lawrence of Arabia (1962), Gandhi (1982), Out of Africa (1985), The Last Emperor (1987), Braveheart (1995), The English Patient (1996), Titanic (1997), Gladiator (2000), и The Lord of the Rings: The Return of the King (2003).

Се на се, едно огромно изненадување за мене, филм во кој уживав, и на кој секако можам да најдам милион замерки ако го споредувам со денешните филмови. Но со оглед на тоа што е снимен пред 98 години, ова не можам да го оценам поинаку освен со чиста ко солза 10/10. Уживав во секој кадар!

 

[McLovin]

6. 1927

Sunrise: A Song of Two Humans



Швалерката го убедува швалерот да си ја удави жената за да може да отиде со неа во градот. Прави обиди, ке успее ли, оставам на вас (секако дека ке го гледате) да прецените.

Доброто на немите филмови е што можеш да ги гледаш на х2 спид. Тоа е. Сигурно за свое време било револуција во киното, ама од денешен аспект, ..

2/5

 

[Zlatikevichius]

Недела 7: 2005 - 19.11-25.11.2023

Годината во која Пирс Броснан се откажа од Џејмс Бонд, Кристофер Нолан ја започна својата Бетмен трилогија со Batman Begins... Годината во која започна таканаречената sex-diversity револуција во Америка - Brokeback Mountain беше огромен фаворит за освојување на Оскар, но на изненадување на сите, филмот кој беше најголем аутсајдер меѓу номинираните, го освои Оскарот - Crash.
Годината во која на филм дебитираа: 50 Cent, Александра Дадарио, Домнхал Глисон, феноменалната Кери Мулиган, Роберт Патисон, Шанинг Татум и Мери Елизабет Винстед.





Сите номинирани за Оскар: https://letterboxd.com/manuros72/list/oscars-2006-all-nominated-movies/

 

[frizider]

08. War of the Worlds (2005)


ванземаљци почнуваат да искачаат од под земја и рушат се пред себе.
7/10

 

[JBTgirl]

Спојлер: 6. Човекот од ресторанот (1927)

Човекот од ресторанот (1927)

Силните луѓе не секогаш изгледаат мускулесто и со строг поглед.
Некогаш вистински силните луѓе имаат и благ глас, детска насмевка и се грижливи татковци. Некогаш вистински силните луѓе се оние коишто најголемите трагедии во животот не успеваат да ги кутнат или пак да ги насочат на погрешен пат. Таков е и Скороходов којшто не губи надеж дури ни по загубата на синот и сопругата. Ми се допаѓа како го доловиле периодот за време на WW1 , кога веќе се крчка отпорот против лакомата и неморална буржоазија.
Ми се допаѓаат филмовите снимени по светските војни, онаа нивна оптимистичка нота, во стил доброто победува ако си доволно храбар (како што беше случај со It's a wonderful life од 1946).

7. Егзорцизмот на Емили Роуз (2015)

Филм за опседнатост со зли сили коjшто дава малку поинаков пристап кон духовното, претставувајќи го контрастот меѓу неговата најчиста форма (Емили и начинот на живот на нејзиното семејство) и неговата мрачна страна. Спротивностите се привлекуваат, велат. Токму затоа и луѓето коишто најмногу се трудат се соочуваат со најголемите искушенија. Тоа во реалниот живот ни наликува на онаа „ најдобрите се секогаш несреќни“.

Исто така, може да се разгледува од типот на борбата на млад човек којшто за првпат се соочува со искушенијата во живот надвор од родителскиот дом.

Судница и исповедалница, докторката сведок којашто користи и наука и парапсихологија. Контрасти измешани во филм којшто, иако обработува преискористена тема, успева мајсторски да исплаши на неколку наврати.

 

[Џонтра Волта]

A History of Violence (2005)

Ја одбрав сликава само за да пишам дека девојчево личеше ко да има 60 години и се одзива на името Агата Кристи.

Филм на Дејвид Кроненберг со Виго Мортенсен во главната улога. Станува збор за еден мирен и културен семеен човек кој живее со својата сопруга и двете деца, имаат семеен бизнис-ресторанче и навидум се изгледа перфектно и идилично, се додека не се случи една случајна пукотница во ресторанот на Том Стол (Виго).
Ед Харис е едниот, а Вилијам Хурт другиот негативец. Интересно е што овој вториов има номинација за Оскар за најдобра споредна улога а во филмов се појавува во точно една сцена која трае не повеќе од 5 минути. Каква фаца.
Виго Мортенсен истотака има прејак настап и не знам зошто нема номинација за него.

Одличен филм, без многу замарање, без кружење, саат ипол трае, поента, приказна све океј, све на место. Обожавам вакви филмови.

8/10.

 

[Zlatikevichius]

11. Kingdom of Heaven - Ridley Scott (2005)



Епскиот филм на Ридли Скот за крстоносецот Балиан, учесник во (мислам) третата крстоносна војна и заштитник на Ерусалим, иако во филмот крајно фикционализиран, за мене генерално беше досаден филм. Првенствено затоа што вообичаено не сакам историски филмови од овој тип. А второ, затоа што првата половина од филмот начисто ме изгуби. Беше како серија скечеви нафрлени низ низа години и некако се ми беше неповрзано, немав време ни можност да се запознаам со ликовите, па кога веќе почнав да сфаќам кој е кој и кој е што, почнаа битките и веќе не ни беше толку важно. Технички убаво направен, сцените на борбите изгледаа навистина импозантно, особено за филм снимен во 2005, но кажав што многу ми сметаше, и затоа не можам да дадам поголема оценка од 6/10 за филмов.

 

[Violetova]

(...) и затоа не можам да дадам поголема оценка од 6/10 за филмов.

За мене филмов е 10/10.
Првпат слушам некому да му е досаден.

 

[Zlatikevichius]

@JBTgirl , можеш да ги оцениш филмовите од предизвиков, те молам? Од 1923, 1977, 1979, 1990 и 2005 ти се неоценети. Зашто водам статистика која подоцна ќе ја презентирам во темава, на сите тие филмови им ставив просечна 5, но верувам дека ти различно би ги оценила, па затоа ако можеш, пожелно би било, те молам.



Инаку, кога прв пат го „свртев тркалото“ за прв пат се појави година која веќе сме ја поминале, 1979. Ова беше на второ вртење.

Недела 8: 1963 - 26.11-02.11.2023

За прв пат одиме во шеесетите. 1963 е годината во која е снимен високобуџетниот епик Cleopatra на Џозеф Манкиевич, со Елизабет Тејлор како Клеопатра. Волт Дизни го снима The Sword in the Stone. Ова е годината кога за прв пат во историјата црн актер (Сидни Поатје) освојува Оскар за некоја актерска категорија (за главна улога во Lilies of the FIeld).
Во 1963 родени се: режисерот Стивен Содерберг, кошаркарот Мајкл Џордан, актерката и пејачка Ванеса Вилијамс, режисерот Квентин Тарантино, актерот Џет Ли, актерот Мајк Маерс, актерот Џони Деп, актерката Хелен Хант, раперот и актер Кулио, актерот Марк Стронг, пејачката Витни Хјустон, актерот Хју Боневил (Downton Abbey), актерот Бред Пит и многу други. На филм дебитирале: Алан Алда, Џејмс Бролин, Хектор Елисондо, Питер Фонда, Кристофер Ламберт, Курт Расел и Доналд Сатерленд.





Листа на сите филмови номинирани за Оскар: https://letterboxd.com/henzon/list/1963-oscars/

 

[JBTgirl]

@JBTgirl , можеш да ги оцениш филмовите од предизвиков, те молам? Од 1923, 1977, 1979, 1990 и 2005 ти се неоценети. Зашто водам статистика која подоцна ќе ја презентирам во темава, на сите тие филмови им ставив просечна 5, но верувам дека ти различно би ги оценила, па затоа ако можеш, пожелно би било, те молам.

Прегледај го приврзокот 399015

Инаку, кога прв пат го „свртев тркалото“ за прв пат се појави година која веќе сме ја поминале, 1979. Ова беше на второ вртење.

Недела 8: 1963 - 19.11-25.11.2023

За прв пат одиме во шеесетите. 1963 е годината во која е снимен високобуџетниот епик Cleopatra на Џозеф Манкиевич, со Елизабет Тејлор како Клеопатра. Волт Дизни го снима The Sword in the Stone. Ова е годината кога за прв пат во историјата црн актер (Сидни Поатје) освојува Оскар за некоја актерска категорија (за главна улога во Lilies of the FIeld).
Во 1963 родени се: режисерот Стивен Содерберг, кошаркарот Мајкл Џордан, актерката и пејачка Ванеса Вилијамс, режисерот Квентин Тарантино, актерот Џет Ли, актерот Мајк Маерс, актерот Џони Деп, актерката Хелен Хант, раперот и актер Кулио, актерот Марк Стронг, пејачката Витни Хјустон, актерот Хју Боневил (Downton Abbey), актерот Бред Пит и многу други. На филм дебитирале: Алан Алда, Џејмс Бролин, Хектор Елисондо, Питер Фонда, Кристофер Ламберт, Курт Расел и Доналд Сатерленд.

Прегледај го приврзокот 399017

Прегледај го приврзокот 399018

Листа на сите филмови номинирани за Оскар: https://letterboxd.com/henzon/list/1963-oscars/

2005 Егзорцизмот на Емили Роуз 4/5
1927 Човекот од ресторанот 5/5
1990 Плачко 4/5
1977 Una Giornata Particolare 5/5
1979 Amytiville Horror 3/5

Не знаев дека е задолжителна оценка. Нема да се повтори.