Грациела седеше на прозорецот и си ја чешлаше косата додека просторијата се исполнуваше со ноти на мошус, малку бела фрезија, сандаловина и прекрасно, продорниот глас на Хајнрих.
По некоја среќна околност, судбината на младите вештици сеуште не беше одредена, а Бласковиц беше останал да пишува ново сценарио во својот замок, расположен само за повремено разменување на искуства.По предлогот на ново создадената култна божица Артемида, сите некако размислуваа за измислување своја сопствена приказна за одењто во војна со горе спомнатите ликови.
Беше изморена, егоцентрична доволно за да го љуби чешалот со кој што ги разделуваше прамените коса и убиствено луда за да ги сака сите мртви, исечкани на малечки парчиња за да не постојат и не фигурираат како зимница во наредните десет студени зими.
Благо се придвижи до креветот за да може да се сконцентрира на меѓуножјето на својот љубен, притоа размислувајќи колку долго ќе треба да се борат Хорус и Озирис во името на нанесената штета, колку луѓе ќе се изгубат и ќе паднат мртви во борбата.
Чудесно болно, тие мисли секогаш завршувале со менување на постелнината во јавност додека некоја од горе наведените сеуште ги мие нозете во леѓан со исплаканите солзи.
Бласковиц се одлучи да се врати на бојното поле држејќи го цврсто копјето во кое сите ние веруваме, повремено, барем за Хајнрих се знаеше дека никогаш нема да се откаже од магливоста на Хадит, постојаноста во една нишка на брилијантно покорување на другите машки ликови.Сите беа совршено фокусирани во уништувањето на сопствените демони пресликани во туѓи гради.
Манифестација на шаховски фигури што не парираат на полето без енормните грозни топови што се крстени за поголема милост и функционалност.
Оние на Грациела беа скоро искористени и преименувани за да им се поднови гардеробата, Хајнрих своеволно ги присвои без да им забрани јавно изложување.
Диктаторот беше таа вечер расположен за цреши, па некој требаше да му ги донесе, а никој не беше расположен за христијанско молење цреши од шумата од другата страна на замокот каде живееа гностиците, па одлучија да склопат тројанско примирје во име на последниот Еон.Зарем не беа сите овие чудно расположени ликови свесни за трагичноста на седумте гревови?
Грациела се сврти со добро познат поглед кон Хајнрих:
-Драги, која девица е следна на листа за мојата бања? Патем, се надевам ќе има повеќе крв, расположена сум за друштво при процесот на духовно задоволување.
-Следна е веројатно една кутра душа однекаде позната но сепак турист во нашиве сиви краеви,дундата и е мека како црн кашмир и сочна како мушмулите кои ги јадеме заедно со телесниот шлаг одозгора.Ништо посебно според мене,но сепак,шепотам меѓу нашите одвратни здивови кои заудараат на човечки остатоци и трули стаорци алкохолизирани од вековниот ликер,вистински предизвик за канибалисти со вкус и стил како нас.
-Ммммм....мм! Донеси ја,донеси ја побрзо,сакам да го вкусам тој деликатес,зар ќе ја оставиш твојата омилена курва да чека и да тропа во место од неизвесност,каде ја најде?
-Хммм...па...беше до мене...цело време.Всушност ми беше до десното рамо.Се поткренуваше на слабникавите ноџиња и возбудено пробуваше да ја чепка мојата добро начешлана императорска коса,и ми годеше тоа некој период морам да признаам,но додека занесено се спремав да ја вшмукнам мушмулата ме прекина со нејзината трапавост и детинетост и се накапав,па ја доведов кај тебе,ослободи се од неа,јас не можам тоа да го гледам.
-Мили,па тогаш мора да ја знам таа кучкетина! Донеси ја ваму,омразата кон таа непозната личност,страста и воедно исчекувањето кое ми го приредуваш во овие ситни моменти предизвикаа енормна лава од нетрпеливост и желба за секакво прочистување,погледни,рацеве ми се тресат.
-...Затоа што си шизофреник.
-Не.Се напив апче за тоа се сеќаваш?
-О,да да... Веднаш божице моја. Не заборавај на монополот кој го имаме договорено за час и половина со соседката спроти нас.Рече дека ќе испекла и колачиња,од нас е аперитивот.
-Јас сум секогаш точна и принципелна. Готова сум за час и половина.Само за тебе драги.Секогаш само за тебе.Патем,донеси узо за мене,знаеш колку го сакам врз печено месо.
Хајнрих зловолно се насмевна и силно ја затвори вратата зад себе. Знаеше дека на Грациела и се допаѓаа такви драми и неизвесности зад кулисите.Некогаш многу многу порано таа правеше чудни потези зад црвената завеса со добро градените и јужно надарените дворски шутови кои го забавуваа нејзиниот сегашен сопруг,додека публиката вџашено се обидуваше да разоткрие во која гола позиција е сега таа.Омилената дама и посакуваната танчерка по многуте кревети во спалните соби.Добиваше громогласен аплауз за секогаш истото сценарио,затоа што публиката со нетрение чекаше да дојде крајниот чин-чинот во кој таа ги покажува своите цврсти цициња,а за мрвица внимание,поттик и психичко просо ги ставаше во преден план и другите делови од себе,во надеж дека нема да ја видат само како кокошка која ги подарила пердувите на своите љубовици за да се сеќаваат на неа
Затоа денес салата е празна-затоа што публиката се разочара од нејзиниот краен избор на шут,кој нималку не наликуваше на претходните.Во ред,можеби има добар ген околу косата.И можеби не смееше никој да му пркоси за неа.
Затоа после потонатата слава,таа реши да се испроба со сопствена бурлеска за двајца,во која едниот протагонист секогаш настрадуваше,а победникот се знаеше после петнаесетата минута.Погодувате кој е победникот.А оној другиот...ИменувајБилоКој и нема да погрешите.
Грациела со своето деликатно тело и километарски платна од приказни прикачени за нејзината коса се приближи кон клучалката. Ја чекаше својата клиентела да и се приклучи во џакузито полно со есенцијални сокови и ливчиња од маргаритки за да додадат на апсурдност.Конечно се слушнаа чекори,помалку тешки и тромави,со влечење.
-Зар е дебела !?-помисли Грациела. Зар е можно милиот мој да не знае дека мразам дебели дунди,мразам!!!Мразам затоа што при чинот моето малечко и негувано лице се губи во неа,како детенце во тревен лавиринт.
За кваката се пофатија две раце со долги црвени нокти,модри и со набрекнати вени.Левото стапало и беше дислоцирано,па неволно го влечеше со своите надколенични екстремитети,како куц гуштер со штотуку пресечен опаш.Од вратот пулсираа искорнатите капилари бојосувајќи ги белите плочки со црвени неумешни потези,како лош вовед на хорор филм од педесетите.Се ослободи од наметката-и го покажа своето лице.
-...ТИ?!?!?!?!
-Да...јас.Изненадена?
-Мене ништо не може да ме изненади.
-Да да...знам...дури ни мојот унаказен лик.
Појавата го спушти капакот од вц шолјата,седна на неа,го скрсти своето дислоцирано стапало и невешто,но со истиот шарм и сатира кој го имаше и покрај сите работи кои и ги конфискуваа,го отвори пакетчето со печени бадеми и се обидуваше да ги фокусира слепите зеници кон дишењето од другиот агол на сцената.
-Сигурно помисли дека останав под рушевините кои твојот сакан ги резервирал одамна за мене,само го чекаше вистинскиот миг. Хах,а јас помислив дека гради куќа. Глупаво нели? Не се гади,можеби ми фалат неколку заба и лицето ми наликува на излупени собни тапети,но коските сеуште ме служат. Со помош на неколку невешто извршени операции и мртви трупови кои ги положи твојот сакан како цвеќе врз мојот таканаречен гроб. И во бесмислените моменти знае да ми ги даде вистинските инструменти.А тебе да те изненади со пантомимата на смртта.Иако те убеди со сите трупови дека војната е завршена.
-Сигурно не мислиш да те конзумирам ваква истрошена и ништожна.Не дека беше нешто подобро и додека беше целосна. Види,рувото уште ти стои,хех.
-Но драга,се сеќаваш,тоа е твојата задача,твојот начин да се збогатиш со уште едно искуство и да исцицаш туѓи желби и животни искри и потоа да ги прикажуваш како свои,како сунѓерчето за бањање што ти виси онаму...кога ти си толку неиновативна сама да ги најдеш. Сакала ти или не...тоа ќе се случи.Токму сега. Токму овде. Него,доволно време изгубивме...
Појавата започна со нејзиното грепчење по ѕидовите,се обидуваше да стаса до грлото кое гласно подголтнуваше.Ги стави своите раце на нејзиното бело лице а таа почна да вреска.Беше брзо замолчена. Рацете и здивот беа водичите низ нејзиното трошно тело кое како полжав се обидуваше да се засолни во напукнатата куќичка. Ја вбризгуваше,ја вдишуваше и ја вкусуваше со сите сетила што и преостанаа. Ја излижа и последната капка пот од неа и ја остави во аголот тапо да гледа во скршениот плафон,како Лолита по пијана вечер и скршени илузии,и да се прашува дали ќе има сили да се довлечка до телефонот.
-Запамети...се додека постоите вие,ќе постојам и јас. Ќе постојам како болва која ќе се вклешти во вашите срамни делови и бесрамно ќе паразитира очекувајќи го следниот погоден момент за напад,како честичка која ќе ја вдишите во секој ваш возбуден крик,како трулата крв на која и се сладите секоја таканаречена романтична вечер која би требало да наликува на секогаш прва брачна ноќ .Да,јагленосаното руво ќе постои се додека вие го оживувате во вашите мисли макар и на момент,кога помислувате на неа додека ги четкате вашите заби. Само...со целата почит која еве капе,изморена сум,загубете ме барем на момент некаде, Јехова не може да биде и на Бермудите и во Арената да се бори со киклопите во исто време. Еден беше ученик на Хајнрих но му го заборавив името. Лесно е да се прости но никако да се заборави. Па направете го вие првиот чекор кон хармонизирање на дисхармонијата кога јас не можам очигледно (погледнува кон ногата хахаха).
...На кого му зборувам,на леш?
...
Кхм...Побаравте цреши висост?
(Ајде да го играме валцот без крај додека не почнеме да мудруваме со вилиците во вода и со бастуните да ги растеруваме мувите од нашите мишки,или народно кажано,да пишуваме приказна без крај,ова де,да се лие пролив и кога не му се сака. Запаметете,ова не е бајка што ја пишуваме за да изведеме некогаш на сцена,ниту сте хероини од некој дел на историски филм со Цезарклеопатра flavour и шмек од новата тин сензација Twilight.. Чук чук реалност.Морамe да одиме на училиште,а утрово пак мајка ви ви замери што сте се успале.)