На форумов српска пропаганда искрено немам прочитано, а тоа е издуван балон кој замина заедно со бившата гарнитура. Никогаш во мојата психа не биле „браќа“ и немам баш високо мислење за нив како нација.
Грчка пропаганда во делот со Александар Македонски е веќе за сеир. ние сме толку на различна позиција со нив што во ништо не се согласуваме. Така да незнам како би поминала пропаганда под грчко знаме, кога јасно и отворено ни порачуваат со години: Не ве сакаме и банкротирани ќе ве блокираме каде и да стигнеме. Ниту се кријат зад некаква лицемерна политика со нас, ниту па не сметаат за нација. Едноставно не те признава и крај на муабетот. Јас име не планирам да менувам, они не планираат да не признаат и крај на муабетот. Незнам ни зошто се водат преговори.
Албанците и нивното лицемерие со угнетен народ веќе сум зборувала.
Останува само бугарчето со нивната лицемерна политика, пред тебе вака, зад тебе гроб ти копа. Един народ, две држави. На тв секој ден онаа краста Борисов гнете против нас, а потоа ни подава рака како секаде не поддржува и не сака како народ. Цела историја ја изменија и украдоа, сите песни Македонски ги преработија, а овде нашиве како со воден чорап по глава удрени мајка блгарија па и имаат доблест да ги бранат. На форумов врие од бугари и бугарска пропаганда, нема тема каде не пишуваат 24 часа и со тоа трујат мозоци.
И најмногу имам проблем од домашни продадени души. На било кој начин подплатени од некого менуваат дел по дел, коцка по коцка и создаваат една поинаква слика за нас како земја и како народ. Едно е лично да имаш симпатии кон некого, друго е да ги наметнуваш од позиција на власт кон цело население и со тоа да создаваш конфузија и преиспитување за сопствената историја. Бришеш цел период од НОБ како сите биле кодоши и против интересите на Македонија, а го ставаш на пиедестал Тодор Александров. Има ли смисла?
Искрено да ти кажам многу се мислев дали да ти реплицирам или да оставам здравје боже ако некогаш се сретнеме во живо, па уз пиво да подискутираме. Широка е темава.
Ќе пробам да бидам краток а пошироко уз пиво.
За некои пропаганди сепак ми се чини како да подзамижуваш на едно око.
Српската пропаганда е сеуште активна и тоа многу повеќе внатре. Срби не пишуваат на форумов многу ама имаш многу теми кај што сеуште се кука по “поубавото време“ кога бевме заедно со Србија. Незнам за која стара гарнитура што заминала мислиш (најверојатно на Милошевич) ама чисто информативно да те потсетам дека домашната “стара“ гарнитура сеуште не е замината.
Кога некои сеуште активни политичари прв пат изговорија „Независна суверена Р. Македонија“? Кога се обележа меѓудржавната граница во делот со Србија? (границата Македонија Косово не е призната од Белград) Праќањето на српски егзарх при постоечка МПЦ-ОА? И ред други работи кои се со идеја дека кога тогаш ние сами ќе ги молиме да им се вратиме под јаремот. Други им подарија дел од Мкаедонија и таа едноставно мислат дека им припаѓа. Ние сме Срби со тешката говорната маната, и тоа ќе трае уште долго.
Грците кои така јавно не негираат и не омаловажуваат на секој план сеуште имаат домашни подржувачи кои треба да не убедат дека ние се удараме со глава во ѕид и ако не се само поништиме (менувајќи име и идентитет) ќе си ја скршиме главата. Погрешно е споменик да ставиме, погрешно е аеродром да си крстиш, да не бидеме фиромијанс смешно е ај да бидеме скопјанос, северни долни горни... Не е битно како се викаме ај да влеземе во нато и еу. Јавно на ТВ и весници (политичари, новинари, “експерти“...) секој ден ти го зборат ова и ти викаш дека не проаѓа Грчката пропаганда?! Истите тие сакаат да дојдат на власт и да ти го наметнат тој нивни став од позиција на власт и државна политика.
Бугарите се збунети и искрено изгледа незнаат кои се и што се и затоа мораат да крадат култура, да фалсификуваат историја итн. И јас викам дека е точно „един народ две држави“ ама Македонски народ овде и Македонски народ во Бугарија до Софија. Источно од Софија има многу малку Македонци.
Бугарите што пишуваат на форумов јас им честитам на упорноста ама стварно се чудам и не разбирам што им е поентата. Нека си најдат они славни историски личности источно од Софија, овие западно од Софија во пиринскиот дел, се Македонци кои поради “виши“ сили и интереси завршиле во нивната држава.
И јас сум против бришење на значајни историски личности поради разлика во идеологија (леви-десни). Кој тоа сака да избрише дел од историјата? Сите што се дел од од Македонската историја и дел од културното наследство на Македонија и Македонскиот народ треба да си го заземат своето место во историјата а некои да добијат и спомен обележја. Во предходниот систем се правеа поделби поради иделошки разлики денес тоа треба да го надминеме. Тодор Александров е Македонец и е дел од Македонската историја. Неговите дела се историски факти. Тоа дали имал и некои грешки е неспорно но и тоа дека многу направил за Македонија е според мене исто така неспорно. Како што и многу други наши историски личности во одреден временски период грешеле така грешел и тој. А тоа што некои поради моќта што ја имале во одреден период одлучувале кој е “добар“ а кој “лош“ кој е политички подобен а кој треба да го снема од живите и од историјата е грешка која треба да се исправи а не да се продолжи со сатанизација како што се правело 50 г.
Цело време се прескокнуваат временските прилики во кои некои личности делувале. Денешиве политичари кои имаат различни политички ставови денес седат заедно во собрание и дебатираат. Да се во некое друго време (пред 100 г. ) најверојато би се гледале преку нишан и би си упатувале смртни закани и нарачки на атентати. Иако и во денешно време имавме атентат, значи можеби и уште не сме толку далеку од тогашното размислување. Едни други да се мразиме и да се делиме а “браќата“ соседи да ни се сеират и да чекаат шанса да не лапнат и да не снема.
Македонската историја е богата со луѓе кои не се по националност Македонци а се бореле за нејзина слобода. Питу Гули влав лавовски се бори на Мечкин Камен и животот го дава за Македонија. И од партизаните ми текна на младата албанка Ибе Паликуќа која на свои 17 години се жртвува за слободата на Македонија.Имаме ли некаков проблем со нивни споменици? Улици и школи да го носат нивното име? Јас не гледам.
Александров да го сметаме и за Бугар (на кратко да прифатиме) со негов споменик во Македонија би требало да имат само членови на семејства на српски колонисти кои што ги гонел и убивал и членови на смејства на српската власт од тоа време жандармери, војници и сл. Македонци зошто би имале проблем со негов споменик?
Македонците од пиринскиот дел го сметале за цар бидејќи им овозможил автономија. Ако евентуално успеел да ја прошири автономијата и на останатите делови и оформел автономна подоцна и независна слободна држава Македонија? Тоа му била и идејата ама за жал не успеал. Цел живот скоро го поминал во шума со пушка во рака. Поради таа негова желба и идеја е и убиен. Факт.
Имаме за жал и многу предавници, кои што според мене исто така треба да си најдат своето место во историјата. Ако се прочитаат историските факти без предрасуди лесно може да се заклучи кој колку и што направил за Македонија.
Ако гледаме идеолошки и настапуваме со оцрнување на историски личности ќе ти посочам еден пример.
Лазар Колишевски најголемиот, најмоќниот Македонец од 45 навака. Факт нели?
Втора светска војна ја поминал во бугарски затвор. Осуден е на смрт ама откако дава изјава дека е Бугарин по род и дека и мајка му и татко му се Бугари од кога знаат за себе, помилуван е и добива доживотен затвор. По војната е ослободен и доаѓа во МК. Станува бог и батина и пали гаси во Македонија. Суспендирајќи ги државните органи на НР Македонија (суд и влада) тој сам лично одредува кој е подобен кој не и кого треба да снема а кој да биде славен како херој. Добива и орден народен херој на Југославија а ебан куршум нема испукано во војната. Во 2000 г. кога почина, почина како Југословен а не како Мкаедонец по националност. И 10 г. по формирање на независна Македонија и непостоење на Југославија тој се изјаснува како Југословен. Ако се кажат вакви факти дали тоа е негирање на НОБ? Развојот на НР Македонија по војната од типот на изградба на пруги, патишта, школи... е неспорен, но не треба да бидат табу тема и политичките чистки извршени по наредба на раководството на КПМ.
Во НОБ се бореше Македонскиот народ кој и не беше до толку политички поделен на леви и десни. Заедно се бореа и поранешни комити (ВМРО-овци
) и револуционери идеолошки комунисти (членови на итернационалата). Покасно тоа КПМ (Лазо) одлучи дека некои не треба да ги има во историја на Македонија.
Сакав кратко ама испадна малку подолго. Има и уште ама здравје некогаш уз пиво ако имаме можност.
