- Член од
- 18 септември 2011
- Мислења
- 5.432
- Поени од реакции
- 5.555
Тенисот прв пат на Олимписката програма се појавува уште на првите игри во Атина 1896 година. Биле одржани натпревари и во сингл и во дубл. Жените за прв пат имаат настапувано во 1900 година во Париз, во сингл и мешани парови. Турнирот редовно се играл до 1924. После тоа се десиле несогласувања на релација МОК - ИТФ и не бил редовен на листата на спортови до Сеул 1988 година, од тогаш повторно се игра турнирот.
Олимпискиот тениски турнир ќе се одржи од 6 - 14 август. Иако Рио има свој турнир кој се игра на земјена подлога, за потребите на ОИ е изграден нов терен на тврда подлога. Централниот терен ќе остане во функција и после игрите, додека помошните терени ќе бидат демонтирани. Додека траеше изградбата на комплексот имаше доста големи проблеми, па во еден момент се чинеше дека организаторите мораа да барат алтернатива. Сепак на крајот се заврши се како треба, па турнирот ке се одигра на начин на кој е и планиран.
Турнирот ќе биде одржан во 5 категории, машки и женски сингл, машки и женски дубл и мешани парови. Натпреварувањето почнува веднаш во сабота на првиот ден од отварањето на ОИ. Сите мечеви се играат на 2 добиени тајбрејк сета. Машкото финале се игра на 3 добиени тајбрејк сета. Во мешаните парови третиот сет ке се игра како супер тајбрејк до 10 добиени поени. Системот е класичен, на испаѓање, со тоа што поразените во полуфинале ќе играат дуел за бронзата. Еден од условите за играње на турнирот беше и редовно учество во екипните натпреварувања кои ги организира ИТФ, Дејвис куп и ФЕД куп. Секој учесник на ОИ мораше да настапи во две различни години за својата селекција во овие натпреварувања.
Доста од играчите го откажаа својот настап на ОИ меѓу нив секако најголемо име е Роџер Федерер, кој поради повреда нема да игра до крајот на сезоната. Поради повреди не играат Вавринка,Гаске и Багдатис, Раониќ и Бердих откажаа поради ЗИКА вирусот. Тим, Томиќ, Изнер, Кирјос сакаат да си играат регуларни АТП турнири. Кај жените отсуствува Халеп поради зика вирусот, Белинда Бенчиќ поради повреда.
Учесници:
Сингл - 64 натпреварувачи, 56 спрема ранг листата ден после финалето кај мажите на Роланд Гарос, ИТФ доделува 6 покани(Базилашвили, Андреј Мартин,Таро Даниел, Јуичи Сугита, Раду Албиот и Томаз Фабиано) а преостанатите 2 места се специјални покани(Дариан Кинг(Барбадос), Мирза Башиќ(БиХ), максимум број на членови од една држава е - 4.
Дубл - 32 пара, 24 директен настап на основа на пласманот на денот после Роланд Гарос. Првите десет тенисери на дубл листата одат директно и ги бираат сами своите партнери. ИТФ доделува уште 8 покани(Росол/Штепанек, Маркус Даниел/Мајкл Венус,Томаз Белучи/Андре Са,Жулио Пералта/Подлипник Кастиљо,Андреј Мартин/Игор Зеленај,Илија Марченко/Денис Молчанов, Сантиаго Гонзалез/Михел Ангел Рејес Варела, Санчаи Ративатана/Сончат Ративатана). Сите играчи кои настапуваат во сингл може да настапат и во дубл. Максималниот број на парови од една земја е 2, али вкупниот број на учесници од една земја(сингл+дубл) не смее да биде поголем од 6.
Микс 16 парови, 12 идат на основа на дубл листа на денот после Роланд Гарос, ИТФ доделува уште 4 покани. Микс можат да играат само играчите кои се веќе на листата во сингл или дубл.
Официјален сајт на Олимпискиот турнир
Распоред:
6 - 14 Август, машки сингл
6 - 13 Август, женски сингл
6 - 12 Август, машки дубл
6 - 13 Август, женски дубл
10 - 14 Август, микс дубл
Титулата ќе пробат да ја одбранат:
Машки сингл - Енди Мареј ( Велика Британија)
Женски сингл - Серена Вилијамс ( САД )
Машки дубл - Боб и Мајк Брајан ( тие за жал го откажаа своето учество поради вирусот Зика и нема да бидат во можност да го бранат златниот медал)
Женски дубл - Серена и Венус Вилијамс ( САД )
Микс дубл - Макс Мирњи и Викторија Азаренка ( Викторија Азаренка нема да настапи на ОИ поради претходно објавување дека е бремена).
Подлога: Surface Hard (GreenSet Grand Prix Cushion)
Топчиња: Official Ball Wilson Australian Open
Ждреб: Draw Thursday 4 August, 11:00. Venue: Olympic Tennis Centre Press Conference Room