Дечки, поздрав за темата. Еве сум и јас рекреативец одамна и голем ентузијаст во тенисот
Почнав да тренирам на околу 14 години ама баталив за време на студии и еве ме сега во врвна форма !
Всушност, овде сум со апел, а и да се пожалам за состојбата во врска со тенисот во Струмица. Значи на времето кога тренирав (пред околу 10ина години и кусур) имаше 3 комплекси од кои еден со 6 терени и сите имаа тренери и функционираа перфектно. Едниот комплекс во аквариус го зеде лош газда под концесија па не му се работеше и го запусти го стори пепел цел комплекс. Терените скапуваат веќе со години, греота е за локацијата среде парк вака да скапува. Едно време тоа беше идеално место за дружење, сега е како ghost court. Па моментално се игра на еден терен и состојбата е очајна. Се чека на ред, се закажува една недела однапред, а простор за нови дечки јок! Ова можеби треба да се препрати до некоја институција, бидејќи како што знам "газдата" кој ги има земено 6те терени под концесија, според договорот со државата мора да ги користи т.е. терените морат да работат. Ако знае некој до која институција да се обратам за случајов би бил крајно благодарен.
Од друга страна, за белјата да биде поголема, од проектот на владата "100 тениски терени" во Струмица сигурно ќе биде изграден 100-иот бидејќи градоначалникот ни е СДСМ. Во Нов Дојран и Стар Дојран се изградени 4 тениски терени од тој проект, а терените нема кој да ги користи. Едниот, во Стар Дојран, е стално под клуч, а локацијата му е катастрофа. На 1-ви мај отидов да играм вечерно време само да наидам на катанец, а патчето по кое се стигнува до него е застрашувачко. На враќање паднав во дупка и си ја искршив ногата и телефон од над 20 000 ден. Бев толку разочаран што ми се уништи филмот и за празникот и за тенисот и пак незнаев до која институција да се пожалам па баталив. Срамота е ова што се случува, затоа нема никогаш да имаме македонски Џокович. Стварно не гледам како странци би го користеле теренот во Стар Дојран(бидејќи сепак важи за туристичко место де). Ако не се искршиш по пат, навистина незнам кому треба да се обрати човек за да ти отклучат да играш тами. Мистерија на годината: Кој е човекот со клуч од теренот во Стар Дојран??
