Исто така, јавноста очекува одговор на две прашања, прво, од каде наеднаш никна сеалбанската платформа кога политичките бомби на СДСМ отворија борба за правда, правна држава и борба против криминалните индиции заради што се формира дури и специјално обвинителство, и второ, кој му дозволи на Али Ахмети кризата од криминален да ја префрли на етнички терен, односно, кризата од борба против криминал да ја претвори во борба за сеалбанската платформа од Тирана.
Вест број еден во Македонија и понатаму е формирањето на новата влада. Веднаш да кажам дека евентуалниот чекор на СДСМ за формирање на влада без мандат од Иванов и заснована на сеалбанската платформа е опасна авантура која ги загрозува виталните национални и државни интереси.
Според мене, на располагање стојат најмалку три правни механизми за спречување на избор на влада спротивно на Уставот без претседателски мандат: прво, Иванов да опстои на одлуката за недоделување на мандатот додека целосно не се разјасни сеалбанската платформа, второ, на сцена да стапи Уставниот суд и да ја поништи собраниската одлука за избор на влада, и трето, Централниот регистар да го одбие барањето за депонирање на потписите на членовите на новата влада со што се спречува нејзиното функционирање.
Ефикасноста на овие правни механизми претпоставува една претходна состојба на континуирано протестирање, бидејќи, без народот овие механизми иако правно засновани може да бидат заобиколени, дотолку повеќе, во двегодишната криза во која е заглавена земјата се изнагледавме ситуации на кршење на Уставот и законите, па, никој не се потресува од тоа.
Со еден збор, старите сеништа за рушење на Македонија и Македонците повеќе не може да ги реши само претседателот, владата, партиите... туку единствено тоа може да го стори само народот.
Збро-два и за експертските аргументи и контрааргументи околу одлуката на Иванов за недоделување на мандатот, со што се добива појасна слика и за наведените правни механизми за спречување на изборот на неуставна влада.
Имено, експертите блиски до СДСМ ја дерогираат уставната одредба за должноста на Иванов да доделува мандат велејќи дека таа има само декларативно значење и оттука СДСМ можел да формира влада и без претседателски мандат. Овие експерти се повикуваат на член 90 од Уставот, според кој Иванов бил должен да даде мандат на Заев, а изборот на владата и програмата за работа се во надлежност на Собранието.
Меѓутоа, овие експерти пропуштаат од вид дека во Уставот има и друга одредба, според која, пред преземањето на должноста претседател, Иванов се заколна и обврза на почитување на Уставот и оттука Иванов не смее да му даде мандат на Заев сѐ додека не се разјасни сеалбанската платформа.
Досега ниту збор од уставните експерти како да се постапи кога за еден правен случај важат и постојат повеќе правни норми со иста уставно правна тежина.
Да потсетам, Иванов го назначува директорот на Агенцијата за разузнување и можеби има и разузнавачки информации за антимакедонската платформа.
Како и да е, доколку дојде до дерогирање на уставната надлежност на претседателот да определува мандатар, се воведува опасен преседан и во иднина се отвора патот претседателот на државата да биде развластуван по потреба, на пример, претседателот да ставил вето на некој закон ама на пратениците ептен да им се брза и законот да биде прогласен само со потпишан указ од собранискиот претседател, а наменските експерти претседателското право повторно да го сведат на чист формализам и без конститутивно значење како во актуелниот случај со недоделувањето на мандатот.
Инаку, ВМРО-ДПМНЕ обвинува дека Заев практично се договорил со Ахмети за идентитетска промена на Македонија и Македонците со двојазичноста, промена на името, знамето, грбот и химната, додека пак, од СДСМ возвраќаат дека сето тоа е лага бидејќи криминалната власт на ВМРО-ДПМНЕ била „дефакторизирана“ и дека разговорите со ДУИ биле поставени исклучиво на рамките на Уставот.
Затоа СДСМ мора да го даде на увид постигнатиот договор со ДУИ, со цел, јавноста да види кој лаже и манипулира: Никола Груевски или Зоран Заев!? Само на тој начин ќе се разреши дилемата околу (не)уставноста за недоделување на мандатот од Иванов на парламентарното мнозинство на СДСМ и албанските партии.
Односно, доколку СДСМ нема договор со кој се загрозуваат националните и државните интереси тогаш народот треба да им посака успешна работа во остварувањето на програмата на владата предводена од СДСМ. Но, ако произлезе дека се договорени работи за уривање на Македонија и Македонците, тогаш народот ќе застане во одбрана на Татковината и по секоја цена, било со ненасилни, или насилни средства, ќе спречи формирање влада на антимакедонски основи.
Затоа, добронамерно му советувам на Заев да не наседнува на мислења од експерти со изгубено национално чувство кои кружат околу СДСМ и на тој начин да влегува во многу опасна авантура за правење на влада без претходен мандат од Иванов. Дури, овие експерти стануваат и финтаџии нудејќи му на Заев финти како да ги изигра Македонците со тоа што албанските партии да ја одложат платформата, Заев на жими мајка да се заколне кај Иванов дека нема да ги отвора прашањата од албанската платформа, да го добие мандатот и да формира влада, а отпосле новата влада на СДСМ и ДУИ, народски кажано, на раат пак да си ги усвои точките од платформата.
Исто така, јавноста очекува одговор на две прашања, прво, од каде наеднаш никна сеалбанската платформа кога политичките бомби на СДСМ отворија борба за правда, правна држава и борба против криминалните индиции заради што се формира дури и специјално обвинителство, и второ, кој му дозволи на Али Ахмети кризата од криминален да ја префрли на етнички терен, односно, кризата од борба против криминал да ја претвори во борба за сеалбанската платформа од Тирана.
Не е на одмет да спомнам дека во МВР има еден аналитички извештај од воената 2001, според кој, тогашниот премиер Љубчо Георгиевски добил јасен одговор од странците-олеснувачи и тогашните албански политички водачи дека со рамковниот договор задоволени се сите права на Албанците и тука завршуваат сите нивни барања. 15 години подоцна, нови барања во обидот за завршен удар на унитарна и единствена Македонија. Оттука, зошто овој полициски извештај не се користи како моќен аргумент пред сегашните странски претставници кои деновиве се во мисија во Македонија да го скршат државниот врв заради формирање влада заснована на селабанската платформа за редефинирање на Македонија.
За крај, дојде моментот кога повеќе нема што да се крие и што уште треба да се стори, за Груевски и Заев да се вразумат и заеднички да застанат на браникот на Татковината!
Јанко Бачев
