Се чудев како може да се случи ова од неништо. И туку наеднаш, пред една недела, си стојам јас. Одеднаш ми се стамнува се пред мене, гласовите стануваат нејасни, и следно што се сеќавам ме прскаа со ладна вода.
Онесвестувањето може да биде од милион причини. Недоволен сон, слабокрвност, подолг престој во непроветрени и загушливи простории, многу топлина итн. Ретко кога при најобично губење свест станува збор за нешто многу опасно. Најважно во тие моменти е, откако ќе се разбудите да се напиете чаша вода со шеќер, за да малку ви се поврати шеќерт (обично паѓа нивото на шеќер во крвта и доаѓа до краткотрајна несвестица) а потоа да излезете на свеж воздух.
Откако ќе земете свеж воздух потребно е малку да се раздвижите за да можете да ја вратите циркулацијата на крвта низ телото во нормала.
Секако да не заборавам, тоа што во секунда можете да се препотите откако ќе се онесвестите е обична реакција на телото, и не треба да ве зачудува. Се појавува како последица на дисбалансот на внатрешната температура на телото која се јаувава како последица на менувањето на количината на шеќер во крвта, забрзано или успорено движеше на крвта и сл. Тоа е еден од начините на кои телото се брани самото себеси и се обидува да го поврати во нормала она што се изместило од граници на нормала.