Секакви рецепти

[Смрт за зони и пајак воз.]

добро е ова, но мене више ми се свиѓаат пржени тиквички со лук и оцет

Mрсно за мој вкус. Подобро печени во рерна.

 

[@cool@]

Mрсно за мој вкус. Подобро печени во рерна.

обожавам мрсничко плус ќе бидат отцедени од маслото по пржењето ш ќе отстојат некое време на салфети и тоооооо...
во рерна сигурно нема да бидат исти на вкус- исто ко со компирот, месото, рибата.......
што знам - мене така ми се свиѓаат- се’ е ствар на вкус, но битно основата да е таа

 

[Олимпија]

Ресана бомбици

Потребни состојки:
- 1 кг. ресана
- 700 мл. хопла
- 100 гр. кокос

Подготовка:
Хоплата изматете ја и додајте ја ситносецканата ресана во неа. Убаво измешајте и оставете во фрижидер околу 1 час. Потоа формирајте бомбици и извалкајте ги во кокос.
Брзо, лесно и ептен вкусно десертче.

 

[richythekid]

Поховани зденки

Потребно е : зденки (по желба колку сакате), брашно,јајце/а,и презла.

Начин на подготовка:
Се става брашно во сад,во друг сад јајцето,и во трет сад презлата.Потоа се земаат цели зденки се потопуваат во садот со јајце,потоа во садот со брашно,на крај во садот со презла и се ставаат да се пржат на јак оган.

п.с. добри се за мезе со ракија

Да те поправам... нема подобро мезе за ракија од зелена салата (Домати, Крставици и пиперки, по можност со сиренце одозгора) . Ама кога нема зелена, ваљда и зденкиве се добри? Ќе ги пробам у секој случај.
--- надополнето: 28 мај 2012 во 11:04 ---

Вака треба да ви излезе меденото срце

п.с.Може нема форма на срце, али вкусот е ист ко на медено срце
--- надополнето: Oct 24, 2011 1:17 PM ---
Уште еден вкусен и брз рецепт од мене

Полнети пиперки со сирење

Потребни состојки (за 4 лицa):
- 12 зелени дебели пиперки (по можност прави-полесно се филуваат)
- 4 јајца
- 350 гр. сирење
- 100 гр. свински врат
- сол
- зејтин

Подготовка:
Рерната вклучете ја на 250 степени да се загрее, за тоа време исчистете ги пиперките од дршката и семките. Јајцата изматете ги и посолете, па додајте го ситно издробеното сирење. Во тава ставете малку зејтин. Со мало лажиче полнете ги пиперките со филот, (не до крај на пиперката туку 1 цм да бидат испразнети) Откако ќе ги наполните на крајот од секоја пиперка ставете едно кругче (колку што е отворот) свински врат. Ставете ги во рерна и намалете на 180 степени. Печете 30 минути. Наздравје

Со добра урда (не многу солена) се уште поубави.

 

[AnFem]

Ај да ја освежиме темава, да ви дадам идеја... Денеска ми текна да правам плескавици од грашок. Само се мислам дали освен кромид, да додадам во нив и рендан морков и компир... Има правено некој нешто овакво?

 

[Сибињанин Јанко]

Ај да ја освежиме темава, да ви дадам идеја... Денеска ми текна да правам плескавици од грашок. Само се мислам дали освен кромид, да додадам во нив и рендан морков и компир... Има правено некој нешто овакво?

Јас имам правено нешто слично. Веге плескавици. Со тиквица, компир, морков и кашкавал. Delicious

 

[random]

Пилешки крилца со Кока-кола

Еве уште една необична комбинација за сите љубители на најомилениот црн пијалок. Крцкави и сочни пилешки крилца кои се едноставно идеални, особено за групно гледање на телевизија.
Состојки

• 1 кг пилешки крилца
• 150 мл кока-кола
• 2 лимети (исцедени)
• 150 гр обичен шеќер (или 200 гр кафеав шеќер)
• 1-2 лути пиперки (ситно исечкани)
• 1/4 кафена лажичка сол
• малку црн пипер

 

[AnFem]

Ова ќе му дојде нешто како вегетеријанска мусака од тиквички:

Количината определете си ја сами, јас за две лица употребив 2 тиквички, 2 домата, сирење, лук, магдонос, маслиново масло, 2 јајца и јогурт или кисело млеко.

Во подмачкан плех се редат тркалца од тиквички, врз нив се редат исечканите домати, посолувате, врз тоа се става рендано сирење и се става претходно подготвен прелив од ситно исецканиот магдонос, лукот и маслиновото масло (ако имате блендер, уште подобро) и врз сето тоа уште еден ред од тркалца од тиквички. Одозгора се прелива со масло и се пече на 250 степени некаде околу половина час (проверувајте). Кога ќе поцрвенат тиквичките, врз нив се ставаат изматенте јајца со јогурт и по желба сол во ова и повторно се враќаат во рерна и се печат некое време.

 

[The countess]

Англиска торта

Пандишпан
175 гр путер
175 гр шеќер
5 јајца
2 лажици мармалад од кајсии
175 гр чоколадо
175 гр брашно
1 пециво
50 гр мелени ореви или бадеми

Путерот се изработува со јајцата и шеќерот. Се додаваат останатите состојки и се мешаат да се изедначат. Смесата се истура во округло тавче. Пандишпанот се пече на 180 степени околу 20 мин.

фил:
250 гр маргарин
250 грама шеќер во прав
2 јајца
сок од 1 портокал
1 лажица кафе
50 гр сецкани ореви
Маргаринот се изработува со јајцата и шеќерот. Се додаваат останатите состојки и се мешаат да се изедначат.
Испечениот пандишпан пресечете го на 2 дела и филувајте го. За декорација ставете глазура од растопено чоколадо.

p.s видов во готвачот на мама, ама ме мрзеше да го препишувам целиот рецепт па затоа го копирав

 

[Смрт за зони и пајак воз.]

Денес испеков проја со рендана тиквичка.
Во 300 грама пченкарно брашно изрендав една тиквичка; додадов едно јајце и 150 грама сирење. Тестото го замесив со јогурт - внимавајте - тиквичката пушта доста течност па јогурт се додава од око. Додадов сол и една кафена лажичка сода бикарбона и во подмачкан плех во рерна....
Испадна интересно - тиквичката дава малку горчлив вкус.

 

[random]

Еве еден одличен рецепт за тирамису


СОСТОЈКИ-целосне рецепт на овој линк МиГУсто.мк

• 300 гр пишкоти или било какво суво колаче
• 500 гр маскарпоне
• 3 јајца
• 4 супени лажици шеќер
• 200 мл слатка павлака
• 500 мл вода
• 5 кафени лажички нескафе
• 2 ванилин шеќер
• малку рум
• малку несквик или какао (за украсување)
• неколку ливчиња свежо нане (за украсување)
• 

 

[Смрт за зони и пајак воз.]

Еве еден одличен рецепт за тирамису

Во рецептот што го предложи најдов дека се ставаат живи јајца ( матени жолчки и белки ). Според мене тоа е многу опасно, посебно на овие горештини. Сметам дека јајца приготвени на овој начин би требале да се јадат веднаш.
На MK Википедија најдов напис за тирамису, дадени се и седум рецепти за тирамису и еден на Македонски јазик, но тамо не се спомнати јајца.
http://mk.wikipedia.org/wiki/Тирамису
Me интересира твоето мислење околу ова

 

[Jagod4e]

Дај кажете некој рецепт со банани! Купив 1 кило банани, и за еден ден ми поцрнаа! Што да му прам? Несакам да ги фрлам!

 

[Seniorita]

Да те поправам... нема подобро мезе за ракија од зелена салата (Домати, Крставици и пиперки, по можност со сиренце одозгора) . Ама кога нема зелена, ваљда и зденкиве се добри? Ќе ги пробам у секој случај.

домати, краставица, пиперка & сирење .. ние тоа ( во Источна Мк. ) го викаме шопска салата

Дај кажете некој рецепт со банани! Купив 1 кило банани, и за еден ден ми поцрнаа! Што да му прам? Несакам да ги фрлам!

врати се наназад на темава, мислам дека постирав торта од банани ( или побарај ја темата )

едит: еве ја темата

 

[Смрт за зони и пајак воз.]

Дај кажете некој рецепт со банани! Купив 1 кило банани, и за еден ден ми поцрнаа! Што да му прам? Несакам да ги фрлам!

Во тавче за во рерна, тенџере, или во подлабок, но со рамно дно стаклен или порцелански сад нареди обични бисквити. Врз бисквитите наредиби ги на парчиња исечените банани. Свари обичен ванила пудинг во млеко и додека пудингот е топол, со него прелији ги бананите и бисквитите. Почекај да се олади потоа можеш га прекриеш со шлаг од ќесичка и украсиш со рендано чоколадо, слатко, желе бомбони и сл.... и то је то... Добар тек...