@lelouch
"Животот е убав и сонцето грее" a. Да, има периоди кога е така, али често знае да биде срање. Е сега од секое срање постои поголемо срање, денес чукам глава за некоја работа, па гледам како друг чука за нешто многу бетер од мојот проблем, па моето изгледа помалку важно од тоа неговото, али па сопственото е најважно нели, мојата болка е најголема, моето срање ме мачи, па болката на другиот ја забораваме брзо и продолжуваме да се осеќаме срање. Ова несомнено може да се редуцира и да се ублажи, па со тек на време да исчезне, или да постои во количина доволно мала за добро секојдневно функционирање.
Види, што друг интерес/хоби имаш? Рече дека влегуваш во книгите кои ти ја олеснуваат работата, јас слично функционирам во лоши периоди. Филм, музика и книга, каде најчесто главниот протагонист е во поголеми или слични гомна како моите, па прави јас да се осеќам подобро. И мене ме нервира горниот тип на муабети со сонцето, во тие периоди само бараш некој што ќе те разбере, во отсуство на пријателите, често вакви разбирачи знаат да бидат музичари или писатели кај кои ќе ја пронајдеш својата приказна или бар дел од неа. Некои викаат down музики и филмови не чини во вакви состојби, кај мене па баш поисцелителни знаат да бидат, зашто ко што ти споменав протагонистот е во позаебана ситуација од мојата, па кога ставаш на кантар, ти олеснува, што е најчестата човечка реакција. Секој човек ќе погледне како му е на другиот, многу поретко се дешава да помогне, доста почесто се дешава да му олесни што не е во негова кожа.
За друштвото, често сам треба да потенцираш дека нешто не чини во ситуации кога никој не му текнува да те праша или не приметува како ти е. Ајде пробај да оствариш таков муабет со еден од друштвото, оној што ти е најблизок или што мислиш дека има шанси највеќе да ти даде совет. Пробај, натерај се некако да му се довериш.
Девојката држи ја покрај себе, зашто како што кажа само нејзе и се доверуваш сега и само таа може да те ислуша, така да не би било пожелно да ја отфрлиш/оддалечиш, потребен ти е совет/разговор во секое време од некој лице в лице.
За на форумов не треба којзнае какво спремање за да пишеш мака, така да добро е што си ја искористил приликата за да ја напишеш маката, ќе известуваш како тече работата и дали успеал некој предлог, ќе има подобрување, ќе имаш совети од луѓе.
Спортска активност знае да помага при напнати ситуации, особено трчање, споро темпо, џогинг. На ова поле како си? Фудбал, сервис, било каква физичка активност?
Рече дека покрај љубовта осеќаш и голема омраза. Кон кого ја чувствуваш омразата? Ако се повеќе работи, набројувај и наведи зошто.
Времето знае да смени многу работи, колку повеќе време имаш, поголема шанса за позитивни промени. Како во спортот, кога веќе губиш, што повеќе време, поголеми шанси за да се вратиш во игра.
Во прилог ќе ти го оставам линков од темата Драга Кајгана, и
овој конкретен пост баш пишан тазе вечерва. Постирачот опишува како пред две години имал други размислувања, чувства и желби спротивни на овие работи што му се случуваат моментално, каде го осеќа врвот на својата среќа. Некогаш недели, некогаш месеци, некогаш и години знаат да бидат потребни за позитивна промена, и поинаков поглед кон светот, интересите, љубовта.
Така да секојдневието не е секогаш сонце мед и млеко, али има моменти што вредат да се искусат, некој има среќа да дојде лесно и брзо до нив, некој не. Останува да пробуваме, да гриземе да е подобро.
Посакувам да бидеш доволно цврст за да се истера срањево и да дојдат подобрите денови, журката не' чека!
