Епа вака сега. Јас живеам сам и не се разбирам премногу во готвење (знам да спржам нешто, да ставам во тенџере нешто) ама не знам некојси рецепти да правам некои квалитетни јадења па затоа најчесто јадам од фастфуд.
затоа ве прашувам вас да ми дадете некој предлог рецепти(или било кои 2-3 ствари што идат заедно) кои се лесни за приготвување
. На располагање имам тостер(демек и скара во едно) , фритеза и шпорет.
Значи не барам како да подготвувам тавче гравче турлитава , сарма или нешто такво, него некои едноставни ствари, сепак кујната не ми омилено место
Ехеее синко! Некни да знајш какви кифли сум направил... цел комшилук се собра само од миризбата, вода неможат пола домаќинки околу да ми донесат!
Ајде нешто најактуелно моментално:
1* Фетучини Алфредо
-Потребни состојки:
1 пакетче фетучини
1/2л крем за готвење
250г путер
250г пармезан
сол и црн пипер
-Начин на подготовка:
ги вариш фетучините исто ко шпагети, 15-20 минути со малку сол и масло за јадење во водата! Па во тава, растопуваш дел од путерот, обично се става 50г путер на една порција, па ставаш фетучини за една порција, 100мл крем за готвење! и ги мешаш додека влагата од кремот е скоро пред изчеснување одприлика 5-7 минути! Вака е полесно да правиш помалку една по една за да не згрешиш пропорции! Можеш и све наедно ако имаш голема тава!
Ги ставаш во порција и врз нив додаваш пармезан и мелен црн пипер, овие може и при готвењето ама вака е повкусно. И како додаток можеш да ставиш доматно пире со кромид и тоа е...
-Ова јадење ќе те кошта некаде околу 200 денари!
2* Риби А’ла томато!
-Потребни состојки
1кг риби(по желба, може со све што ќе ти падне на памет да ги направиш)
300-400г презла
доматно пире
300мл бело вино може и Розе да заврши работа
сол, црн пипер, масло за јадење!
-Начин на подготовка:
Ги сецкаш рибите на парчиња какви ти сакаш и како ти е убаво да изгледаат, ги ’валкаш’ во презлата и ги ставаш да се пржат, ти препорачувам да користиш тава наместо фритеза зашто не треба да бидат како варени во масло! Треба малку кора да фатат. Одкако добро ќе ги загрееш рибите го додаваш виното во тавата, немој од старт! Ако целиот процес на пржење е 20 минути виното го додаваш после 10 минути и на некоја минута пред крајот, кога рибите ќе бидат скоро готови ја ставаш домата и црниот пипер и после 2-3 минути ги вадиш! Немој да пржиш на максимум температура, ако шпретот ти е до 6-ка како кај мене тогаш пржи на 4-4.5! Се става малку домата при пржењето за да оставиш простор да ставиш и одкога ќе бидат готови. Како додаток во порцијата може да ставиш малку марули!
Со ова јадење ви препорачувам да се напиете Розе во сооднос 2 према 1 со количината риби!
-Ова јадење би ве коштало: зависи какви риби ќе употребиш, се друго е некаде околу 150 денари!
3* Кифли сакаш? Имам еден екстра рецепт. Или многу комплицирано е....чекај нешто полесно да ми текни.....шо да напрајш, шо да напрајш боже?!?!..... Ах! ми текна:
Сувомеснато со печурки
-Потребни состојки
1кг сувомеснато(можеш било шо: Шунка, Чајна, Врат, Суџук све оди. Шо поубаво тоа поарно, рецептот оригинал е со чаден свински врат)
500гр маринирани печурки(рецептот оригинал е со живи печурки ама тие бараат дополнително спремање вака е во олеснета варијанта)
300мл крем за готвење
300гр ајвар или лутица(со ова е поубаво)
300гр доматно пире
сол, црн пипер масло за јадење
-Начин на подготовка: Во тава ставаш, масло да се загрее, потоа го додаваш пола од сувомеснатото исецкано како ти сакаш(го правиш на два пати, све ставаш по пола). Користиш тивок оган, пола од можноста на шпоретот! После 5-6 минути во тавата ги додаваш печурките, кремот за готвење и црниот пипер па посолуваш, ја оставаш тавата на истиот оган уште едно 10-15 минути! За на крај да додадеш домата и ајвар, промешуваш додека смесата не се соедини! Како додаток во порцијата може да ставиш малку маслинки и сирење!
-Ова јадење ќе ве кошта: зависи од сувомеснатото, а све останато е некаде околу 200 денари!
-Со ова јадење ви предлагам да се напиете еден ’бунар’, море и два да испиеш нема да згрешиш!
НАПОМЕНА: ни едно од вие јадења не е за сам да го јадиш, греота се! Барај некое моме!:smir:
А ако решиш да правиш нешто покомплицирано, кажи имам јас тука многу мајстории!
