ГДОМ денеска на плоштадот Магнолија во Битола во присуство на неколку илјади битолчани организираше настан на кој главната цел беше делење на боенки за вандали. Боенките беа наменети за оние кои вандализираат и обојуваат јавни добра, споменици, институции и очигледно некако поседуваат толку многу боја а толку малку идеи што да прават со нив па сквернават наместо да креираат.
Со делењето на боенките се испрати силна порака до сите оние кои ја сквернават Битола и Македонија, штом толку имаат љубов кон обојувањето и не знаат што да прават, тогаш да ги бојат симболите на нивното време со кои ја доведоа Битола до колапс и да престанат да го вандализираат и сквернават градот.
Боенките за вандали, се наменети исклучиво за луѓето кои се занимаваат со вандализам и уништување на национални и локани институции, културни обелејжја, споменици и јавни добра и со долгогодишно искуства на темата уништување на фабрики, бркање од работа на работниците, оргабување на штедилници и предизвикување на очај и самоубиства кај сопствениот народ.
На упатството за користење на боенката пишува: „За да ја боите Боенката потребно е да сте вандал и секојдневно по улиците на Македонија да уништувате јавни добра кои му припаѓаат на цел македонски народ. Потребно е да поседувате бои со кои секојдневно го валкате и уништувате сопствениот град. Исто така многу важно е пред употреба на Боенката да имате примено хонорар од СОРОС за да можете да боите со голем ентузијазам. И најважно од се, потребно е да не ви е гајле за сопствената земја, за името на Македонија, и да не ја познавате историјата на сопствената земја како би можеле да користите бои кои немаат допирна точка со боите во реалноста.“ – пишува во упатството за употреба на Боенката за вандали.
„Овој настан е реакција на последните случувања во Битола што се врши сквернавење на историските и културните споменици. Почетокот го сметаме уште од 24-ти декември 2012 година кога тогашната опозиција сакаше да упадне во политичкиот систем со донесување на одлука за буџетот на Р.Македонија да го распоредува опозицијата. Опозицијата сака насилно да дојде на власт на недемократски начин. Со овој настан сакаме да упатиме порака до целокупната јавност дека не треба да се уништува државниот имот и спомениците и да се стави крај на насилството што го спроведува Зоран Заев и опозицијата.“ – изјави Владо Драмбевски, претставник на ГДОМ од Битола.
Ваквата остра реакција на ГДОМ е резултат на последните сквренавења на зградата на судот во Битола како и на споменикот на Филип Втори Македонски на полштадот Магнолија кој е таму веќе 5 години и е симбол за Битола и за Македонија.
Под мотото „За Македонија се работи“ поддржувачите на ГДОМ порачуваат дека се против деструктивни сценарија и оти само со избори ќе биде ставен, како што истакнуваат, конечен крај на деструкциите на СДСМ и кризата во која опозицијата ја втурна Македонија.
Инаку на вчерашниот протест што го одржa Шарената револуција во Битола беше обоен споменикот Филип Втори на плоштадот Магнолија, мостот на реката Драгор кај Безистенот, Народната канцеларија на претседателот Иванов и Основниот суд во Битола.
