Последните резултати и реакции на нашата фудбалска и кошаркарска репрезентација се повод за отворањето на ваква тема.
Ќе почнам од фудбалот. Не можам да сфатам како од вакво мислење за играч (Горан Пандев):
може да дојде и до вакви мислења:
Горан Пандев е само човек. Ист, од крв и месо како и Васоски, Седлоски, Новески, Шумуликовски... Ист како вас, само со талент за фудбал. И реално, Пандев е најдоброто што го имаме на тоа поле во моментов. Не знам како прво и основно со кои очекувања настапувате за Пандев, кога нема одиграно клупски натпревар од месец мај, а и тренира одвоено од тимот на Лацио како да има шуга, што дополнително го ослабнува психички и го зголемува притисокот врз него. Зошто никој не плука по Ибрахимовиќ кога Шведска губи? Е сега да, се пласира Шведска на Светски Првенства, ама за Шведска играат и Калстром, Исаксон, Мелберг... А и кога се пласира, не ги поминува ни групите. Ибрахимовиќ дури и еднаш најави дека ќе се повлече од репрезентацијата, и сите во државата, од медиуми преку федерација па до широка народна маса, апелираа да не си оди затоа што без него се далеку послаби.
А што ако Пандев излезе со ваква изјава? Прво ќе биде врбуван од сите можни домашни медиуми, селекторот и претседателот на федерацијата веднаш ќе го окарактеризираат како „неблагодарен“ и „себичен“, а широката народна маса би го каменувала кога би имала можност.
Пандев е ѕвезда во нашата репрезентација. Ѕвезда од која се очекува да ја води репрезентацијата кон успеси, за кои реално немаме капацитет, барем не сега. Кога ги матираше Касилјас, Буфон и Реина, беше Гранде Пандев, а кога ќе промаши зицер против Шкотска е опран сељак кој треба да продава пиперки, не? Дури и прочитав обвинување дека подал, а требело да шутне.
Крив е и да шутне и да подаде. За нападите на 11 септември во Америка е исто тој крив, како и за смртта на Јасер Арафат. И Милан шо е старачки дом, пак Пандев е крив, така?
Црна Гора со Вучиниќ и Јоветиќ е далеку од Светско, ама никој по нив не плука. Дури и една Аргентина, со Бурдисо, Хајнце, Занети, Гаго, Маскерано, Лавеци, Меси, Агуеро и Милито во составот е во опасност да не се квалификува за Светско Првенство. Но во такви ситуации
курбан оди селекторот, а не играчите.
Сега во Македонија владее атмосферата: Цел тим на ремонт, Пандев ваков, Гоце таков, Илчо потаков, Пачовски најтаков.
Друг беше муабетот ко ја тепавме Хрватска 2-0.
Друг беше муабетот ко изигравме со Англија 2-2.