Еднаш имав прилика да одам на изложба на експонати извадени од Титаник. Имаше да се види се' и сешто, од карти, пари, чаши, тањири, муштикли, униформи, облекло, куфери, шапки, па се' до неотворена флаша шампањ. Имаше репродукција на најлуксузните апартмани на бродот, како и оние од трета класа. Најскапиот билет пресметан во денешни пари би коштал околу $80,000 USD. Реликвиите беа извадени од Титаник неколку години откога го пронајдоа.
На изложбата беа многу убаво објаснети причините за катастрофата.
1. Санта мраз, така наречена, "црна карпа". Што е тоа? Делот од мразот кој што е видлив и плови на површината е само 1/3 од вкупната големина на сантата. Исто така, тој површински дел е бел и видлив за окото. Оној другиот 2/3 дел којшто е под вода и не се гледа е чист мраз, значи транспарентен. Во одредени случаи, кога карпата ќе се преврти наопаку, тој дел што бил под вода е новиот врв на сантата и станува невидлив за голо око, особено во ноќни услови, бидејќи е проѕирен. Тоа е првата причина, зошто не ја забележале карпата на време.
2. Во целата еуфорија на поаѓање од Англија, го изгубиле или заборавиле окуларот за набљудување. Момците што биле на должност таа ноќ, биле оставени само на нивниот вид, без никакви други помагала. Поради тоа доцна ја забележале карпата.
3. Ноќта кога патувале, морето било мирно и немало бранови, што е причина плус да не ја видат карпата, бидејќи нема движење, таа просто нечујно се лизга низ водата.
4. Бидејќи била мирна ноќ, возеле со полна брзина, иако во ноќни услови тоа не смее да биде случај. Но, Капетанот (кому ова му било последно патување пред пензија) сакал Титаник да стигне во NY еден ден побрзо, за да ги изненади сите од моќта и брзината на бродот. Бидејќи возеле брзо не можеле да реагираат на време.
What went wrong?
Заменикот на Капетанот наредил reverse мотори, а за тоа да има ефект е потребно време. Исто така наредил и промена на курсот, што се покажало како најголема грешка. Да го направел само едно од двете, ќе имало многу поинаков и не толку трагичен исход. Но, бидејќи ги направил двете заедно, катастрофата била неизбежна.
Доколку само наредел reverse мотори, а го задржел истиот курс, ќе удреле со клунот и штетата на бродот ќе била далеку помала, односно немало да потоне. Доколку наредел само промена на курсот, а останел на иста брзина, најверојатно ќе ја промашеле карпата целосно.
А кажувањата за некаква си мумија како проклетство, се ништо повеќе од прикаски за мали деца.
P.S. Уште нешто многу интересно што видов на изложбата е од каде потекнува повикот за помош "SOS". Има врска со тоа како се пишуваат буквите "S" и "O" во Морсеовата азбука. Буквата "S" се пишува како "...", а буквата "O" се пишува како "---". И овие две споени една до друга се наједноставни, најбрзи за пишување и најлесни за паметење во ситуација на паника, страв и повик за помош. Едноставно, така се погодило и нема никаква врска со ""save our souls".
...aj belja rabota
