Струмикс,
Суеште тврдам дека
можноста за прогласување на нечиј имот како јавен интерес и одземање на тој имот преку експропријација е буквално "shitting on the little guy" по системот кадија те суди, кадија те тужи. Класичен пример на одземање, преку политичка сила, на едно од најосновните човекови права, приватната сопственост, заради исполнување на интересите на припадник или припадници на моменталната елита која е на власт.
Моето тврдење аргументирано ќе го потврдам преку риплајот на твојот пост.
Вака, противпропаганда:
Јавниот интерес го утврдува државата преку своите институции. Исто и локалната самоуправа. Во некое забегано село на пр. ми текнало да градам бензинска пумпа и се обраќам на градоначалникот и тој може да ја прогласи за јавен интерес, оти жителите оделе далеку по гориво на пр.
Такви објекти може да гради секој, а дали се од јавен интерес одлучува соодветниот орган на државно или локално ниво.
Да се даваат човекови особини на концепти како што е „државата“, а при тоа да се занемарува човекот како фактор, индивидуата, единицата мерка на секакво здружување не е ништо друго туку
колективизам.:nenene:
Државата како збор е повеќе концепт отколку физичка и материјална реалност. Овој збор се користеше, односно сеуште се користи, за одвлекување на вниманието од потрагата по вистинската одговорност преку создавање на ефект на осуда врз колективот, односно колективната одговорност. Сите се виновни, значи никој не е. Чиста левичарска форма на владеење врз населението. Чист колективизам, ништо повеќе!!!
Наместо да продолжам да пишувам еве ти текст со кој ќе ти биде овој дел нешто појасен:
www.angelfire.com/ab6/protivpropaganda/psihop/vojnatazdrava.htm
Која држава, кои институции, кои бакрачи, носат одлуки за што е тоа јавен интерес? Ај стај си прст на таа твоја интелегентна глава и почни да мислиш со неа, а не со голи фрази кои постојано ни се сервираат, а се наменети за одвлекување на вниманието од вистината.
Тоа ти што го викаш државата и нејзините институции не се ништо повеќе од БИРОКРАТИТЕ кои се вработени во државните служби. Тие се тие кои одлучуваат што е, а што не е јавен интерес. Немој ни еден момент да помислиш дека тие се имуни на притисоци, „убедувања“ или корупција од страна на имотните и моќните во нашето општество.
Ај се`а јас тебе еден пример да ти дадам:
Во некое забегано село живееш ти, не некој друг, ТИ! Со сиот твој имот, не нечиј туѓ, туку лично твој имот.
Јас сум богаташ, скороевиќ, политички подлизурко, буџетарски паразит или кое било друго име на имотен во нашето општество.
Добивам доверливо инфо дека близу до твојот имот ќе се гради брана и од тоа ќе излезе некој вид на привлечно излетничко место. Никој не знае освен мал број на привилегирани.
Одам јас, кажувам на градоначалникот дека сакам да градам во неговата општина. Тој ми вели дека тие плацеви кои мене ме интересираат се твоја сопственост. Јас си велам, кул, и си мислам селјак, без пари ама со интересен имот. Не го обработува, но и да го обработува нема ќар од тоа. Ќе му понудам некоја паричка и ќе се фати на јадицата како гладен клен.
Е се`а, ти мајчин, откако ти давам понуда пазарна, нели, колку што е во забегано село имот, евро од метар квадратен, две евра, три, колку? МАЛКУ Е колку и да е! Ти ми велиш дека не го продаваш имотот бидејки бил во сопственост на твоето семејство со генерации и е од големо лично значење бидејки ти буди убави спомени шумичката каде што под сенката си правел, ова она-ваму таму, и би сакал да го зачуваш за твоите деца.
Бидејки моето инфо кажува дека тој имот во иднина ќе вреди стотици илјади евра јас ти понудувам поголема цена од пазарната која изнесува, еве да речеме, 3 евра од квадрат (поевтино е во реалноста) и ти давам 5 евра квадрат, значи дупло. Јас добро знам дека тој имот во блиска иднина ќе вреди многу повеќе. Иако немаш начин како да ја дознеаш вистинската идна вредност на твојот имот ти сепак ми ја одбиваш понудата и не правиш повеќе муабет на таа тема.
Е се`а јас, гулем граѓанин, навреден од еден селјак што не ми го продава неговиот имот за да ќарам една убава сума одам кај градоначалникот, го знаеш, тој е оној кој ти самиот го оправдуваш со неговата моќ да одлучува што е јавен интерес над личното право. Малку шуш-буш, еден ручек, музика+платена пејачка ќејфот да му го прави и на крај илјадарка (евра) во џепче и твојот имот ОП, магично, стана јавен интерес. Џоа општината да се развива. Со тоа завршено веќе одам кај мојот политички заштитник и ги средувам работите од повисоко. Таму пак ми бараат дел од твојот имот за себе или парично или за да им се направи викендичка.
Наеднаш ти станува твојот имот цел на експропријација. Ти се одзема со сета правосилност на законот кој, патем, ти го браниш. Без оглед на твоите постоечки чувства или лична историја која постои за тој твој имот.
Пазарната цена на земјиште во забегано село си е колку што си е ама сега поради тоа што еден селјак нејкеше мене, еден граѓанин, да ми го продаде својот имот, јас онака навреден си реков дека ќе видиш ти кој сум јас. Твојот имот оди на лицитација, нели, да биде се` транспарентно. Си зедов јас 3-4 мои пајташи и се наддаваме еден со друг и гледај, твојот имот наеднаш вреди 1,5 евра по квадрат. Се` е транспаретно и законито и како што велиш ти е многу похумано и по праведно.
Сепак и да се буниш, односно тужиш, односно оспориш, ќе треба тоа да го правиш кај мои луѓе или во најмала рака кај некои кој ќе добие една викендичка од твојот имот. Доколку најдеш некој кој нема што да добие или изгуби да ти ја брка работата... Всушност ништо друго не си направил освен што си му ја отворил вратата и тој да има ќар од твојот имот бидејки никој нема да те есапи тебе како селанец ама од мене како граѓанин... Е тоа е друга песна.
На крај си останува волкот (јас, моите пајташи и моите заштитници) да си е сит, а овците (ти, сам осамен, незаштитен) на број.
ПРИВАТНАТА СОПСТВЕНОСТ МОРА ДА Е СВЕТО И НЕПРИКОСНОВЕНО ПРАВО НА ИНДИВИДУАТА!!!
ДОКОЛКУ НЕ Е, ТОГАШ СЕКОМУ МОЖЕ ДА МУ СЕ ОДЗЕМЕ НЕГОВАТА СОПСТВЕНОСТ ВО ЗАВИСНОСТ ОД ИНТЕРЕСИТЕ НЕЧИИ.
